Ather Energy ટૂંક સમયમાં ભારતમાં એક નવું અને સસ્તું ઇલેક્ટ્રિક સ્કૂટર લોન્ચ કરવાની તૈયારી કરી રહી છે. કંપનીએ તેની ડિઝાઇન માટે પેટન્ટ ફાઇલ કરી છે, જે સ્પષ્ટપણે દર્શાવે છે કે, આ સ્કૂટર ટૂંક સમયમાં વાસ્તવિકતા બની શકે છે. આ નવું સ્કૂટર Ather ના EL01 કોન્સેપ્ટ પર આધારિત હશે અને તતેને ઓછા બજેટને ધ્યાનમાં રાખીને ડિઝાઇન કરવામાં આવી છે.
Rizta ની સફળતા પછી એક નવું પગલું
Ather તેના 450 સીરિઝના સ્કૂટર્સ માટે પહેલાથી જ નોંધપાત્ર ઓળખ મેળવી ચૂક્યું છે. આ પછી, કંપનીએ Rizta સ્કૂટર લોન્ચ કર્યું, જે ફેમિલી યુઝ માટે ડિઝાઇન કરવામાં આવી હતી. લોન્ચ થયાના થોડા સમય પછી, Rizta ભારતના સૌથી વધુ વેચાતા ઇલેક્ટ્રિક સ્કૂટર્સમાંનું એક બની ગયું. હવે, Ather વધુ લોકોને ઇલેક્ટ્રિક વાહનો તરફ સ્વિચ કરવા માટે પ્રોત્સાહિત કરવા માટે બીજું એક સસ્તું ઇલેક્ટ્રિક સ્કૂટર લોન્ચ કરવાની તૈયારી કરી રહ્યું છે.
Ather EL01 ક્યારે લોન્ચ થઈ શકે છે?
Ather EL01 કોન્સેપ્ટ સૌપ્રથમ Ather Community Day 2025 માં પ્રદર્શિત કરવામાં આવ્યો હતો. આ જ કાર્યક્રમમાં, કંપનીએ તેના નવા EL પ્લેટફોર્મને પણ રજૂ કર્યું હતું. તે સમયે લોન્ચ તારીખ સ્પષ્ટ કરવામાં આવી ન હતી, પરંતુ હવે, ડિઝાઇન પેટન્ટ બહાર આવતા, એવું માનવામાં આવે છે કે, EL01 આ નવા પ્લેટફોર્મ પર આધારિત પ્રથમ સ્કૂટર હોઈ શકે છે. તે 2026 માં લોન્ચ થવાની અપેક્ષા છે.
ડિઝાઇનમાં શું ખાસ છે?
Ather EL01 ની ડિઝાઇન મોટાભાગે Rizta જેવી જ હશે, પરંતુ તે સરળ અને વધુ સસ્તું હશે. તેમાં LED હેડલાઇટ, સ્લિમ ફ્રન્ટ LED DRL, ક્લીન અને સ્લીક બોડી પેનલ્સ, સિંગલ-પીસ સીટ અને પિલિયન બેકરેસ્ટ હોઈ શકે છે. કોન્સેપ્ટ મોડલમાં 7-ઇંચની સ્ક્રીન પણ દર્શાવવામાં આવી હતી.
બેટરી અને રેન્જ
Ather EL01 માં ફ્લોરબોર્ડની નીચે બેટરી પેક હોવાની અપેક્ષા છે. આ નવું પ્લેટફોર્મ 2kWh થી 5kWh સુધીની બેટરીને સપોર્ટ કરશે. અલગ-અલગ બેટરી ઓપ્શનની અપેક્ષા છે, જે ગ્રાહકોને તેમની જરૂરિયાતોના આધારે સ્કૂટર પસંદ કરી શકે. એક જ ચાર્જ પર તેની રેન્જ લગભગ 150 કિલોમીટર હોવાની અપેક્ષા છે.
