લો બોલો... આવતીકાલથી અમૂલ દૂધના ભાવમાં થશે વધારો : જાણો ભાવ વધારા પછી શું હશે નવી કિંમત

મધર ડેરી દ્વારા દૂધના ભાવમાં વધારો કર્યાના એક દિવસ પછી બુધવારે અમૂલે પણ ગુરુવારથી દૂધના ભાવમાં પ્રતિ લિટર 2 રૂપિયાનો વધારો કરવાની જાહેરાત કરી. દૂધમાં આ ભાવ વધારો અમૂલ સ્ટાન્ડર્ડ અમૂલ બફેલો મિલ્ક અમૂલ ગોલ્ડ અમૂલ સ્લિમ એન્ડ ટ્રીમ અમૂલ ચાઈ માઝા અમૂલ તાઝા અને અમૂલ ગાયના દૂધ પર લાગુ પડે છે. મધર ડેરી દ્વારા આવા જ ભાવ વધારા પછી અમૂલનું આ પગલું લેવામાં આવ્યું છે. મધર ડેરીએ પણ ૩૦ એપ્રિલથી દૂધના ભાવમાં પ્રતિ લિટર ૨ રૂપિયા સુધીનો વધારો કર્યો છે.

નવી કિંમત જાણો
મળતી માહિતી અનુસાર અમુલ દ્વારા આ ભાવ વધારા બાદ 1 લિટર અમુલ ભેંસનું દૂધ હવે પહેલાના 71 રૂપિયાના બદલે 73 રૂપિયામાં ઉપલબ્ધ થશે. 500 મિલી ભેંસનું દૂધ 36 રૂપિયાને બદલે 37 રૂપિયામાં ખરીદવું પડશે. તેવી જ રીતે 1 લિટર અમુલ ગોલ્ડની કિંમત 65 રૂપિયાને બદલે 67 રૂપિયા થઈ ગઈ છે. હવે તેના 500 મિલી પેકેટ માટે 33 રૂપિયાને બદલે 34 રૂપિયા ખર્ચવા પડશે. ૧ લીટર ટી સ્પેશિયલ અમૂલ દૂધની કિંમત હવે ૬૧ રૂપિયાને બદલે ૬૩ રૂપિયા થઈ ગઈ છે. ૫૦૦ મિલી શક્તિ દૂધ હવે ૩૦ રૂપિયાને બદલે ૩૧ રૂપિયામાં ઉપલબ્ધ થશે.

૧ લિટર અમૂલનું તાજું દૂધ હવે ૫૩ રૂપિયાને બદલે ૫૫ રૂપિયામાં મળશે. તેનું ૫૦૦ મિલી દૂધ પણ ૨૭ રૂપિયાથી વધારીને ૨૮ રૂપિયા કરવામાં આવ્યું છે. તેવી જ રીતે ૫૦૦ મિલી ગાયનું દૂધ ૨૮ રૂપિયાથી વધારીને ૨૯ રૂપિયા કરવામાં આવ્યું છે. ઉપરાંત SNT દૂધ હવે ૨૪ રૂપિયાને બદલે ૨૫ રૂપિયામાં મળશે.

અન્ય કંપનીઓ પણ ભાવ વધારી શકે છે
મધર ડેરી અને અમૂલ દ્વારા ભાવ વધારાની જાહેરાત પછી એવી શક્યતા છે કે દેશની અન્ય ડેરી કંપનીઓ પણ તેમના ઉત્પાદનોના ભાવમાં વધારો જાહેર કરી શકે છે. આનો અર્થ એ થયો કે દેશભરના લોકોના ઘરનું બજેટ વધવાનું છે.