દેશભરમાં Airtel સેવાઓ ફરી એકવાર ઠપ થઈ ગઈ છે. લોકો વોઇસ કોલ કરી શકતા નથી કે ઇન્ટરનેટનો ઉપયોગ કરી શકતા નથી. ઘરોમાં લગાવેલા બ્રોડબેન્ડ પણ અચાનક કામ કરવાનું બંધ કરી દીધું હતું, જેના કારણે લોકોને કામ કરવામાં મુશ્કેલીનો સામનો કરવો પડ્યો હતો. દેશના ઘણા વિસ્તારોમાં વપરાશકર્તાઓ આ ઠપ થવાથી પ્રભાવિત થયા છે. હજારો ગ્રાહકોએ કોલિંગ અને ઇન્ટરનેટ સેવાઓમાં સમસ્યાઓની ફરિયાદ કરી છે. ઘણા ગ્રાહકોએ કોલ ડ્રોપ, સિગ્નલ સમસ્યાઓ અને સંપૂર્ણ નેટવર્ક બ્લેકઆઉટની ફરિયાદ પણ કરી છે. એક અઠવાડિયામાં આ બીજી વખત છે જ્યારે એરટેલની સેવાઓ ઠપ થઈ ગઈ છે.
ભારતમાં 3,500થી વધુ વપરાશકર્તાઓને અસર
આઉટેજ ટ્રેકિંગ વેબસાઇટ ડાઉનડિટેક્ટરે જણાવ્યું હતું કે, કનેક્ટિવિટી સમસ્યાઓના અહેવાલો સવારે 10:44 વાગ્યે શરૂ થયા હતા અને બપોરે 12:14 વાગ્યે ટોચ પર પહોંચ્યા હતા. જેના કારણે 7,000થી વધુ વપરાશકર્તાઓ કોલ કરી શકતા નથી અથવા ઇન્ટરનેટનો ઉપયોગ કરી શકતા નથી. એક અઠવાડિયામાં આ બીજી વખત છે જ્યારે Airteની સેવા ઠપ થઈ છે. અગાઉ 19 ઓગસ્ટના રોજ આવી જ સમસ્યાએ સમગ્ર ભારતમાં 3,500થી વધુ વપરાશકર્તાઓને અસર કરી હતી
ડાઉનડિટેક્ટર ડેટા દર્શાવે છે કે આઉટેજથી વપરાશકર્તાઓને કેવી અસર થઈ
52% લોકોએ કોલ કરવામાં સમસ્યાઓનો અહેવાલ આપ્યો
32% લોકોએ ઇન્ટરનેટ ઍક્સેસમાં સમસ્યાઓનો સામનો કરવો પડ્યો
17% લોકોએ સંપૂર્ણ નેટવર્ક બ્લેકઆઉટનો અનુભવ કર્યો
