પિતા-પુત્રીના સંબંધને લાંછન લગાડતો કિસ્સો : સાવકા પિતાએ ઘરે વેકેશન કરવા આવેલ સગીર પુત્રી સાથે આચર્યુ દુષ્કર્મ

ઓઢવમાં પિતા-પુત્રીના સંબંધને લાંછન લગાડતો કિસ્સો સામે આવ્યો છે. જેમાં સાવકા પિતાના ઘરે વેકેશન મનાવવા આવેલી સગીર પુત્રી સાથે પિતાએ છેડતી અને દુષ્કર્મ આચર્યુ હતુ. જેમાં હોસ્ટેલમાં રહેતી સગીરા વેકેશન કરવા ઘરે આવી હતી. આ અંગે ઓઢવ પોલીસે નરાધમ પિતા સામે ગુનો નોધીને તેની ધરપકડ કરીને વધુ તપાસ શરૂ કરી છે.

ઓઢવમાં રહેતા 70 વર્ષીય વૃદ્ધ માતાના ચાર દીકરામાંથી ત્રણ દીકરાનું અવસાન નીપજી ચુક્યુ છે. વૃદ્ધા એક દીકરા સાથે રહે છે. આજથી ચૌદ વર્ષ પહેલા આરોપીએ યુવતી સાથે પ્રેમ લગ્ન કર્યા હતા. તે સમયે યુવતી તેની એક વર્ષની દીકરીને લઈને સાસરીમાં રહેવા આવી હતી. ત્યારબાદ આરોપીની પત્નીએ એક દીકરી અને દીકરાને જન્મ આપ્યો હતો. જેમાં બે વર્ષ અગાઉ પત્નીનું પણ મોત નીપજતા વૃદ્ધ માતાએ તેના દીકરાની સાવકી દીકરી અને પૌત્રીને પાટણની આશ્રમ શાળામાં ભણવામાં માટે મોકલી દીધી હતી.

ગત 22 મેંના વૃદ્ધ મહિલા મરણ પ્રંસંગમાં નડીયાદથી ઓઢવ ઘરે આવ્યા ત્યારે ઘરની બહાર પાડોશીની ભીડ ઉમેટેલી હતી. વૃદ્ધાએ ઘરમાં જઈને બંને દીકરીઓને પૂછ્યું તો સાવકી પૌત્રીએ રડતા રડતા જણાવ્યું કે તેના પિતાએ રૂમમાં બંધ કરીને છેડતી અને દુષ્કર્મ આચર્યુ છે. તેમજ ગાઉ ગત વર્ષે પણ મારી સાથે દુષ્કર્મ ગુજાર્યું હતું અને કોઈને કહીશ તો જાનથી મારી નાંખવાની ધમકી આપી હતી. તાત્કાલિક વૃદ્ધાએ પોલીસ કંટ્રોલમાં જાણ કરીને આ મામલે ઓઢવ પોલીસ સ્ટેશનમાં પોતાના પુત્ર વિરુધ ફરિયાદ નોંધાવતા પોલીસે આરોપી પિતાની ધરપકડ કરીને વધુ તપાસ શરૂ કરી છે.