Ahmedabad Cyber Crime: લવજેહાદને લઇને ગુજરાત સરકાર સતત કડક વલણ અપનાવી રહી છે. એવામાં ખોટું નામ અને ઓળખ આપીને વિધર્મી દ્વારા મહિલાઓનું શારીરિક શોષણ કરીને તેનો ગંદો ધંધો કરતો હોવાની કરતૂત સામે આવી છે. ગુજરાતના મહેસાણા જિલ્લાના કડી તાલુકામાં રહેતા કરીમ સિપાઇ નામના શખ્સે પોતે આદિત્ય પટેલના નામની ફેંક પ્રોફાઇલ બનાવીને મહિલાઓને છેંતરતો હોવાનો ઘટસ્ફોટ થયો છે. એવી પણ માહિતી સામે આવી છેકે, તે આદિત્ય પટેલના નામની બનાવટી ઓળખ આપીને કરીમ અત્યાર સુધીમાં 100થી વધુ મહિલાઓને પોતાનો શિકાર બનાવી ચુક્યો છે.
એવી પણ આશંકા વ્યક્ત કરવામાં આવી રહી છેકે, કરીમે મહિલાઓના ન્યૂડ વીડિયો બનાવીને તેને એડલ્ટ વેબસાઇટમાં ઊંચી કિંમતમાં વેંચ્યા હશે. કારણકે, તેની પાસેથી અત્યાર સુધીમાં મહિલાઓના આપત્તિજનક સ્થિતિમાં હોય તેમાં 8000થી વધારે ગંદા વીડિયો પણ પોલીસને મળી આવ્યાં છે. એટલું જ નહીં કરીમ મહિલાઓના આવા વીડિયો બનાવીને ત્યાર બાદ તેમની પાસે પૈસાની માંગણી કરીને તેમને બ્લેકમેઇલ કરતો હોવાનું પણ પોલીસ તપાસમાં સામે આવ્યું છે.
એ બાબતનો પણ ખુલાસો થયો છેકે, કરીમ નામનો આ હવસખોર શખ્સ રોજ કલાકોના કલાકો સુધી મેટ્રિમોનિયલ એપમાં જ વ્યસ્ત રહેતો હતો. જ્યાં તે પોતાની મીઠી મીઠી વાતો કરીને રોજ નવી નવી મહિલાઓને ફસાવવા માટે જાળ બિછાવતો હતો. તે બસ દિવસ-રાત આજ કામમાં રચ્યો પચ્યો રહેતો હતો. કરીમે જીવનસાથી સાઇટ પાસેથી મહિલાઓના નામ અને નંબરના ડેટા લીધા હોવાની વાત પણ સામે આવી છે. લાગણીઓનો લાભ લઇને ખાસ કરીને કરીમ વિધવા અને ત્યક્તા મહિલાઓને પોતાનો શિકાર બનાવતો હતો. આવી મહિલાઓને ફસાવીને લગ્નની લાલચ આપીને તેમના વાંધજનક વીડિયો બનાવતો, ક્યારેક આપત્તિજનક સ્થિતિમાં વીડિયો કોલિંગ કરાવીને મહિલાઓના ગંદા વીડિયોનું સ્ક્રીન રેકોર્ડ પણ કરતો હતો. આ સમગ્ર મામલે ફરિયાદ બાદ અમદાવાદ મહિલા ક્રાઇમબ્રાંચ દ્વારા સઘન તપાસ કરવામાં આવી રહી છે.
આરોપી સોશિયલ મીડિયા પરથી ફોટા મેળવી AI ટેક્નોલોજીથી અશ્લીલ વીડિયો બનાવી મહિલાઓને ફસાવવાનો પ્રયાસ કર્યો હોવાની દિશામાં પણ પોલીસે તપાસ તેજ કરી છે. અમદાવાદ શહેરમાં સાયબર ક્રાઈમનો એક એવો ચોંકાવનારો કિસ્સો સામે આવ્યો છે, જેણે સોશિયલ મીડિયા ઉપયોગ કરતી મહિલાઓમાં ચિંતા વધારી દીધી છે. પોલીસ તપાસમાં સામે આવ્યું છે કે એક આરોપીએ સોશિયલ મીડિયા પરથી મહિલાઓના ફોટા મેળવી આધુનિક ટેક્નોલોજીની મદદથી તેમના નકલી ન્યૂડ વીડિયો પણ તૈયાર કર્યા હતા. આ વીડિયોનો ઉપયોગ કરીને મહિલાઓને બ્લેકમેલ કરવા અને તેમની પાસેથી પૈસા પડાવવાનો પ્રયાસ કરવામાં આવ્યો હોવાની આશંકા વ્યક્ત કરવામાં આવી રહી છે.
પોલીસ સૂત્રોના જણાવ્યા અનુસાર આરોપી કરીમે સોશિયલ મીડિયા પર સક્રિય મહિલાઓને ટાર્ગેટ બનાવી તેમની તસવીરો એકત્રિત કરી હતી. ત્યારબાદ AI અને અન્ય ડિજિટલ ટૂલ્સની મદદથી તેમના અશ્લીલ અને ભ્રામક વીડિયો તૈયાર કરવામાં આવ્યા હતા. પ્રાથમિક તપાસમાં 100થી વધુ મહિલાઓના ફોટા અને વીડિયો સંબંધિત ડેટા મળ્યાની માહિતી સામે આવી છે.
મોબાઈલ અને લેપટોપમાંથી મળ્યા ચોંકાવનારા પુરાવા
તપાસ દરમિયાન આરોપીના મોબાઈલ ફોન, લેપટોપ અને અન્ય ડિજિટલ ડિવાઈસની ફોરેન્સિક તપાસ હાથ ધરવામાં આવી હતી. તપાસમાં અનેક મહિલાઓના ફોટોગ્રાફ્સ, ફેક વીડિયો ફાઈલો તેમજ સોશિયલ મીડિયા એકાઉન્ટની વિગતો મળી આવી હોવાનું જાણવા મળ્યું છે. પોલીસને શંકા છે કે આરોપી લાંબા સમયથી આ પ્રકારની ગેરકાયદેસર પ્રવૃત્તિમાં સંડોવાયેલો હોઈ શકે છે. સૂત્રોના જણાવ્યા પ્રમાણે કેટલીક મહિલાઓ સાથે આરોપી સોશિયલ મીડિયા મારફતે સંપર્કમાં આવ્યો હતો. વિશ્વાસ જીત્યા બાદ તેમની વ્યક્તિગત માહિતી અને ફોટા મેળવવામાં આવ્યા હતા. બાદમાં આ સામગ્રીનો ઉપયોગ કરીને ભ્રામક વીડિયો તૈયાર કરાયા હોવાનું કહેવાય છે.
100થી વધુ મહિલાઓ બન્યાં નિશાન
તપાસમાં મળેલી વિગતો અનુસાર આરોપીના ડિજિટલ ડેટામાં 100થી વધુ મહિલાઓની માહિતી મળી આવી છે. આ મહિલાઓ અલગ-અલગ શહેરો અને વિસ્તારોની હોવાનું સામે આવ્યું છે. પોલીસે હવે તમામ સંભવિત પીડિતાઓનો સંપર્ક સાધવાનો પ્રયાસ શરૂ કર્યો છે જેથી કોઈ મહિલા બ્લેકમેલિંગ અથવા માનસિક હેરાનગતિનો ભોગ બની હોય તો તેની ફરિયાદ નોંધાવી શકાય. પોલીસ અધિકારીઓનું કહેવું છે કે આરોપી દ્વારા તૈયાર કરાયેલા વીડિયોમાંથી કેટલા વીડિયો અન્ય લોકોને મોકલવામાં આવ્યા હતા અથવા ઓનલાઈન શેર કરાયા હતા તેની પણ તપાસ ચાલી રહી છે. સાયબર ક્રાઈમ નિષ્ણાતોની મદદથી ડિજિટલ ટ્રેલ અને ઓનલાઈન એક્ટિવિટીનું વિશ્લેષણ કરવામાં આવી રહ્યું છે.
આ પણ વાંચોઃ આદિત્યના નામે કરીમે 20 મહિલાઓને ફસાવી : વિધવા અને ત્યક્તાને બનાવતો હતો શિકાર, હવસખોર પાસેથી મળ્યા મહિલાઓના 8000થી વધુ Video
સાયબર ક્રાઈમનો વધતો ખતરો
આ ઘટના ફરી એકવાર સાબિત કરે છે કે સોશિયલ મીડિયા પર શેર કરવામાં આવતી વ્યક્તિગત તસવીરોનો દુરુપયોગ થઈ શકે છે. AI આધારિત ડીપફેક ટેક્નોલોજીનો ઉપયોગ કરીને કોઈપણ વ્યક્તિની ખોટી અને ભ્રામક સામગ્રી તૈયાર કરવી હવે વધુ સરળ બની રહી છે. નિષ્ણાતો મહિલાઓ સહિત તમામ સોશિયલ મીડિયા યુઝર્સને પ્રાઈવસી સેટિંગ્સ મજબૂત રાખવા, અજાણ્યા લોકો સાથે વ્યક્તિગત માહિતી શેર ન કરવા અને શંકાસ્પદ પ્રવૃત્તિની તાત્કાલિક પોલીસને જાણ કરવા અપીલ કરી રહ્યા છે.
પોલીસે શરૂ કરી વિસ્તૃત તપાસ
પોલીસે આરોપી સામે સંબંધિત કલમો હેઠળ ગુનો નોંધી વધુ તપાસ શરૂ કરી છે. ફોરેન્સિક રિપોર્ટ, ડિજિટલ ડેટા અને સોશિયલ મીડિયા રેકોર્ડના આધારે સમગ્ર નેટવર્કની તપાસ કરવામાં આવી રહી છે. જો તપાસ દરમિયાન વધુ પીડિતાઓ અથવા સહઆરોપીઓ સામે આવશે તો તેમની સામે પણ કાયદેસરની કાર્યવાહી હાથ ધરવામાં આવશે. આ સમગ્ર કાંડએ સાયબર સુરક્ષા અને વ્યક્તિગત ગોપનીયતા અંગે ગંભીર પ્રશ્નો ઉભા કર્યા છે. હવે તપાસના આગામી તબક્કામાં કેટલા લોકો આ ગેંગના ભોગ બન્યા અને આરોપીએ કેટલા પ્રમાણમાં આ સામગ્રીનો દુરુપયોગ કર્યો તેની હકીકત બહાર આવવાની છે.
