BSNLએ હવે ભારતમાં પોતાની eSIM સેવા શરૂ કરી છે. અત્યાર સુધી Airtel, Jio અને Vodafone Idea (Vi) આ સેવા પૂરી પાડી રહ્યા હતા. હવે BSNL પણ આ યાદીમાં જોડાતા ગ્રાહકોને વધુ વિકલ્પો મળશે. હાલમાં, આ સેવા માત્ર પસંદગીના વર્તુળોમાં જ ઉપલબ્ધ છે.
eSIM શું છે?
eSIM એક ડિજિટલ સિમ છે, જે ફોનમાં જ એમ્બેડ રહે છે. તેને ફિઝિકલ સિમની જેમ વારંવાર કાઢવાની કે નાખવાની જરૂર નથી. iPhone, Google Pixel અને Samsung Galaxy S શ્રેણી જેવા પ્રીમિયમ સ્માર્ટફોનમાં આ સેવા સપોર્ટેડ છે.
લાભ શું છે?
eSIM તૂટતુ કે નુકસાન થતું નથી.
ફોનમાં એકથી વધુ નેટવર્કને સરળતાથી મેનેજ કરી શકાય છે.
સિમ બદલવાની ઝંઝટ ટળી જાય છે.
જોકે, જો તમે ભૂલથી eSIM ડિલીટ કરી દો, તો નેટવર્ક કનેક્શન તરત જ બંધ થઈ જશે.
કેવી રીતે મેળવવું?
Jio : MyJio એપ્લિકેશન કે નજીકના Jio સ્ટોરમાંથી અરજી કરી શકાય છે.
Airtel અને Vi : કંપનીની સત્તાવાર એપ્લિકેશન દ્વારા અથવા SMS ફોર્મેટ સાથે 121/199 પર મેસેજ મોકલી શકાય છે.
BSNL : ગ્રાહક સેવા કેન્દ્ર પર જઈને અરજી કરવી પડશે. અહીં KYC પ્રક્રિયા પૂર્ણ થશે, જેમાં આધાર કાર્ડ જરૂરી છે.
એક્ટિવેટશન પ્રોસેસ
અરજી કર્યા બાદ ગ્રાહકના રજિસ્ટર્ડ ઇમેઇલ પર QR કોડ મોકલાશે. ફોનની સેટિંગ્સમાં જઈ “eSIM ઉમેરો” વિકલ્પ પસંદ કરીને આ QR કોડ સ્કેન કરવું પડશે. વેરિફિકેશન કોલ પછી eSIM સક્રિય થશે. સંપૂર્ણ પ્રક્રિયા 4 કલાક સુધી ચાલી શકે છે.
TRAIનો નિયમ
eSIM એક્ટિવ થયા પછી ફિઝિકલ સિમ આપમેળે બંધ થઈ જશે. TRAIના નિયમો મુજબ, સક્રિયકરણના પહેલા 24 કલાક સુધી કોઈપણ SMS મોકલી કે પ્રાપ્ત કરી શકાશે નહીં. આ નિયમ SIM સ્વેપ છેતરપિંડી અટકાવવા માટે બનાવાયો છે.
