8th Pay Commission: કેન્દ્ર સરકારના લાખો કર્મચારીઓ અને પેન્શનર્સ માટે 8મું પગાર પંચ હાલ સૌથી મહત્વપૂર્ણ ચર્ચાનો વિષય બની ગયું છે. પગારમાં મોટો વધારો થશે કે નહીં? ફિટમેન્ટ ફેક્ટર કેટલું રહેશે? પેન્શન સુધારામાં શું બદલાશે? આવી અનેક પ્રશ્નો વચ્ચે તાજેતરના અપડેટ્સ અને પ્રસ્તાવો નવી આશા જગાવી રહ્યા છે.
કેન્દ્ર સરકારે 3 નવેમ્બર 2025ના રોજ ગેઝેટ નોટિફિકેશન દ્વારા 8મા પગાર પંચ કમિશનની રચના કરી હતી. હાલમાં કમિશન વિવિધ હિતધારકો પાસેથી સૂચનો અને અભિપ્રાયો એકત્ર કરી રહ્યું છે.
એપ્રિલ 2026 સુધીમાં કેટલીક મહત્વપૂર્ણ પ્રગતિ જોવા મળી છે. NC-JCMની ડ્રાફ્ટિંગ કમિટીએ 13એપ્રિલે બેઠક કરીને 51 પાનાનું મેમોરેન્ડમ તૈયાર કર્યું છે, જે 30 એપ્રિલ સુધીમાં સબમિટ થવાનું છે.
1. તાજેતરના અપડેટ્સ અને નવી જાહેરાતો
મોંઘવારી ભથ્થામાં વધારો: કેન્દ્ર સરકારે 1 જાન્યુઆરી 2026થી 2% DA/DR ના વધારાને મંજૂરી આપી છે, જેનાથી હવે કુલ દર 60% થયો છે.
મેમોરેન્ડમની તૈયારી: NC-JCM દ્વારા તૈયાર કરાયેલ મહત્વનું મેમોરેન્ડમ 30 એપ્રિલ 2026 સુધીમાં સરકારને સુપરત કરવામાં આવશે.
2. પ્રસ્તાવિત વેતન માળખું અને ભલામણો
કર્મચારી સંગઠનો દ્વારા રજૂ કરવામાં આવેલી મુખ્ય માંગણીઓ નીચે મુજબ છે:
ન્યૂનતમ વેતન: મૂળ પગાર ₹18,000 થી વધારીને ₹69,000 કરવાની દરખાસ્ત.
ફિટમેન્ટ ફેક્ટર: પગાર વધારા માટે 3.83 ના ફિટમેન્ટ ફેક્ટરની માંગ.
વાર્ષિક ઇન્ક્રીમેન્ટ: દર વર્ષે પગારમાં 6% વધારાનું સૂચન.
HRA માં સુધારો:
શહેરો મુજબ 30% થી 40% સુધી ઘરભાડું ભથ્થું આપવાની માંગ.
3. પેન્શન અને પ્રમોશન અંગેના સૂચનો
OPS અને પેન્શન: જૂની પેન્શન યોજના (OPS) ફરી શરૂ કરવા અને છેલ્લા પગારના 67% પેન્શન તરીકે આપવા પર ભાર.
પ્રમોશનની ખાતરી: 30 વર્ષની સેવા દરમિયાન ઓછામાં ઓછા 5 નિશ્ચિત પ્રમોશન મળે તેવી વ્યવસ્થા.
પે મેટ્રિક્સ: જટિલતા ઘટાડવા માટે કેટલાક પે-લેવલને મર્જ કરવાનું સૂચન.
4. અંદાજિત પગાર વધારો (7મા વિરુદ્ધ 8મું પંચ)
ફિટમેન્ટ ફેક્ટરના આધારે સંભવિત પગારની સરખામણી
લેવલ 1 (શરૂઆતનો પગાર): ₹18,000 થી વધીને ₹32,000 - ₹69,000 વચ્ચે થઈ શકે.
લેવલ 6: ₹35 ,400 થી વધીને ₹64,000 - ₹1.35 લાખ+ સુધી પહોંચી શકે.
લેવલ 18 (ઉચ્ચ અધિકારી): ₹2.50 લાખ થી વધીને આશરે ₹4.57 - ₹9.57 લાખ થઈ શકે.
આ પણ વાંચો: FASTag ના નામે ચાલતો મોટો સ્કેમ! : એક ભૂલ અને એકાઉન્ટ ખાલી!, NHAI એ જાહેર કરી એડવાઇઝરી
5. સમયરેખા અને અમલીકરણ
રચના: 3 નવેમ્બર 2025 ના રોજ આધિકારિક જાહેરાત થઈ હતી.
અમલની તારીખ:
આ પંચની ભલામણો 1 જાન્યુઆરી 2026 થી લાગુ થયેલી માનવામાં આવશે.
વર્તમાન સ્થિતિ: હાલમાં કમિશન વિવિધ પ્રાદેશિક મુલાકાતો અને સ્ટેકહોલ્ડર્સ સાથે ચર્ચાઓ કરી રહ્યું છે.
આ વિગતો હાલની દરખાસ્તો અને અંદાજો પર આધારિત છે. સરકાર દ્વારા અંતિમ જાહેરનામું બહાર પાડ્યા બાદ જ આ આંકડાઓ સત્તાવાર.
