ટેસ્ટ ક્રિકેટમાં કેપ્ટન તરીકે સૌથી વધુ સેન્ચુરી ફટકારનાર 5 બેટ્સમેન! : Virat Kohli અને Steve Smith બંને આ લિસ્ટમાં, જાણો નંબર 1 કોણ

5 batsmen who have scored the most centuries as captains in Test cricket: ઓસ્ટ્રેલિયા અને ઈંગ્લેન્ડ વચ્ચે હાલમાં પૂર્ણ થયેલી પાંચ ટેસ્ટ મેચની એશિઝ સિરીઝની અંતિમ મેચમાં, ઓસ્ટ્રેલિયન કેપ્ટન સ્ટીવ સ્મિથે શાનદાર સેન્ચુરી ફટકારી અને ઓસ્ટ્રેલિયાની જીતમાં મુખ્ય ભૂમિકા ભજવી. સ્ટીવ સ્મિથે ઓસ્ટ્રેલિયાની પ્રથમ ઇનિંગમાં શાનદાર 138 રન બનાવ્યા. આ શાનદાર સેન્ચુરી સાથે, ઓસ્ટ્રેલિયન અનુભવી ખેલાડીએ પોતાનું નામ એક ઉચ્ચ કક્ષાના બેટ્સમેનની લિસ્ટમાં નામ ઉમેર્યું છે. ટેસ્ટ ક્રિકેટમાં કેપ્ટન તરીકે સૌથી વધુ સેન્ચુરી ફટકારનારા બેટ્સમેનોની લિસ્ટમાં સ્ટીવ સ્મિથ ચોથા ક્રમે છે.

ગ્રીમ સ્મિથ: એક શાનદાર કેપ્ટન અને બેટ્સમેન

સાઉથ આફ્રિકાના દિગ્ગજ ખેલાડી ગ્રીમ સ્મિથ ટેસ્ટ ઇતિહાસમાં કેપ્ટન તરીકે સૌથી વધુ સેન્ચુરીઓનો વિશ્વ રેકોર્ડ ધરાવે છે. સ્મિથે 109 ટેસ્ટ મેચોમાં ટીમનું નેતૃત્વ કર્યું હતું, 193 ઇનિંગ્સમાં રેકોર્ડ 25 સેન્ચુરી ફટકારી હતી. તેમણે માત્ર સાઉથ આફ્રિકાના ક્રિકેટ માટે જ નહીં, પણ કેપ્ટન તરીકે બેટથી એક એવો રેકોર્ડ પણ સ્થાપિત કર્યો હતો જે આજે પણ અતૂટ છે.

વિરાટ કોહલી: ભારતનો સૌથી શ્રેષ્ઠ ટેસ્ટ કેપ્ટન

ભારતીય સ્ટાર બેટ્સમેન વિરાટ કોહલી આ લિસ્ટમાં બીજા સ્થાને છે. વિરાટ કોહલી માત્ર આક્રમક બેટ્સમેન જ નથી, પરંતુ આંકડાકીય રીતે, તે ભારતનો સૌથી સફળ ટેસ્ટ કેપ્ટન પણ છે. તેની કેપ્ટનશીપ હેઠળ ભારતે 68 મેચ રમી, જેમાંથી 40 જીતી. વિરાટ કોહલીની જીતની ટકાવારી 58.82% છે, જે બધા કેપ્ટનોમાં સૌથી વધુ છે. તેને કેપ્ટન તરીકે 113 ઇનિંગ્સમાં 20 સેન્ચુરી ફટકારી છે.

સ્ટીવ સ્મિથની એન્ટ્રી

ઓસ્ટ્રેલિયાના સ્ટીવ સ્મિથ હાલમાં સિડની ટેસ્ટની પહેલી ઇનિંગમાં ઇંગ્લેન્ડ સામે યાદગાર 138 રન બનાવ્યા પછી લિસ્ટમાં ચોથા સ્થાને પહોંચ્યા છે. કેપ્ટન તરીકે માત્ર 76 ઇનિંગમાં 18 મી સેન્ચુરી ફટકારીને, તે રિકી પોન્ટિંગના 19 સેન્ચુરીના રેકોર્ડની નજીક પહોંચી ગયો છે. ઓસ્ટ્રેલિયાના પૂર્વ કેપ્ટન સ્ટીવ વો 15 સેન્ચુરી સાથે આ લિસ્ટમાં પાંચમા સ્થાને છે.

ટેસ્ટ ક્રિકેટમાં કેપ્ટન તરીકે સૌથી વધુ સેન્ચુરી ફટકારનારા ટોપના 5 બેટ્સમેન

1. ગ્રીમ સ્મિથ (સાઉથ આફ્રિકા): 25 સેન્ચુરી

2. વિરાટ કોહલી (ભારત): 20 સેન્ચુરી

3. રિકી પોન્ટિંગ (ઓસ્ટ્રેલિયા): 19 સેન્ચુરી

4. સ્ટીવ સ્મિથ (ઓસ્ટ્રેલિયા): 18 સેન્ચુરી

5. સ્ટીવ વો (ઓસ્ટ્રેલિયા): 15 સેન્ચુરી

નોંધનીય છે કે, સ્ટીવ સ્મિથ ઓસ્ટ્રેલિયાનો નિયમિત કેપ્ટન નથી. તેને નિયમિત કેપ્ટન પેટ કમિન્સની ગેરહાજરીમાં સિડની ટેસ્ટમાં ટીમનું નેતૃત્વ કર્યું હતું, જ્યાં સ્ટીવ સ્મિથે શાનદાર સેન્ચુરી ફટકારી હતી અને ટીમને જીત અપાવવામાં મદદ કરી હતી. કેપ્ટન તરીકે સૌથી વધુ સેન્ચુરી ફટકારનારા ખેલાડીઓની લિસ્ટમાં સ્ટીવ સ્મિથ વિરાટ કોહલીથી બે સેન્ચુરી પાછળ છે અને રિકી પોન્ટિંગથી એક સેન્ચુરી પાછળ છે.