રાજ્યમાં ફરીથી વરસાદી સિસ્ટમ એક્ટિવ થવાને કારણે આગામી દિવસોમાં ભારેથી અતિભારે વરસાદની સંભાવનાઓ હવામાન વિભાગ દ્વારા વ્યક્ત કરવામાં આવી છે. આ અંગે રાજ્યના અનેક વિસ્તારોમાં યલો અને ઓરેન્જ એલર્ટ જારી કરાયા છે.
આજના દિવસ માટે વરસાદી આગાહી:
સૌરાષ્ટ્ર, મધ્ય અને દક્ષિણ ગુજરાતના અનેક ભાગોમાં વરસાદ થશે.
અમદાવાદ અને આસપાસના વિસ્તારોમાં હળવી મેઘગર્જના સાથે વરસાદની શક્યતા.
પંચમહાલ, દાહોદ, વડોદરા, છોટાઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ, દમણ, દાદરા નગર હવેલી, અમરેલી અને ભાવનગર જેવા જિલ્લાઓમાં છૂટાછવાયા સ્થળો પર ભારે વરસાદની સંભાવના.
આગામી દિવસો માટે વિશેષ એલર્ટ:
27 જુલાઈ: દાહોદ, છોટાઉદેપુર અને નર્મદામાં ઓરેન્જ એલર્ટ, અહીં ભારે વરસાદની શક્યતા.
28 જુલાઈ: સાબરકાંઠા, અરવલ્લી અને મહીસાગર માટે ઓરેન્જ એલર્ટ, છૂટાછવાયા સ્થળો પર અતિભારે વરસાદ શક્ય.
27-28 જુલાઈ: અમદાવાદ સહિત મધ્ય, ઉત્તર, દક્ષિણ ગુજરાત અને સૌરાષ્ટ્ર માટે યલો એલર્ટ.
હવામાન વિભાગના અંદાજ અનુસાર, એક મજબૂત વરસાદી સિસ્ટમ પશ્ચિમ બંગાળથી બંગાળની ખાડી તરફ સર્જાઈ છે, જે પશ્ચિમ-ઉત્તર પશ્ચિમ તરફ આગળ વધે તેવી શક્યતા છે. ઉપરાંત, ઉત્તર પૂર્વ અરબી સમુદ્રથી ટ્રફ લાઇન પસાર થાય છે અને ઉત્તર છત્તીસગઢ પર સાઈક્લોનિક સર્ક્યુલેશન છે. મહારાષ્ટ્રથી કેરળ સુધી ઓફશોર ટ્રફ પણ સક્રિય છે.
માછીમારો માટે ચેતવણી:
29 જુલાઈ સુધી દરિયો ન ખેડવાની સલાહ આપવામાં આવી છે.
પવનની ઝડપ 45-50 કિમી પ્રતિ કલાક, જ્યારે ઝાટકાના પવનની ઝડપ 65 કિમી પ્રતિ કલાક સુધી જઈ શકે છે.
દરિયો તોફાની રહેવાની સંભાવના છે.
