Minnesota Shooting : અમેરિકામાં બે સાંસદો પર ફાયરિંગ, ભૂતપૂર્વ સ્પીકર મેલિસા હોર્ટમેન અને તેમના પતિનું મોત

અમેરિકાના મિનેસોટા રાજ્યમાં ચાર લોકો પર ફાયરિંગ થયું છે. જેમાં ભૂતપૂર્વ સ્પીકર મેલિસા હોર્ટમેન અને તેમના પતિનું મોત થયું છે. અન્ય એક સાંસદ જોન હોફમેન અને તેમની પત્ની ઘાયલ થયા છે.  આ કેસ અંગે ટિમ વોલ્ઝે કહ્યું હતું કે આ હુમલો રાજકીય કારણોસર કરવામાં આવ્યો હોય તેવું લાગે છે.

મેલિસા હોર્ટમેન કોણ હતા?

મેલિસા હોર્ટમેન મિનેસોટા રાજ્યના હાઉસ સ્પીકર હતા અને ડેમોક્રેટિક પાર્ટીના વરિષ્ઠ નેતા હતા. તેઓ 2004 માં પહેલીવાર એસેમ્બલી સભ્ય તરીકે ચૂંટાયા હતા. તેઓ મિનેસોટા રાજકારણમાં એક પ્રભાવશાળી ચહેરો હતા અને ઉત્તર મિનિયાપોલિસ વિસ્તારનું પ્રતિનિધિત્વ કરતા હતા. તેઓ મિનેસોટા ડેમોક્રેટિક-ફાર્મર-લેબર પાર્ટીના સભ્ય પણ હતા.

હુમલામાં સેનેટર જોન હોફમેન ઘાયલ થયા

આ હુમલામાં રાજ્ય સેનેટર જોન હોફમેન અને તેમની પત્ની પણ ગોળીથી ઘાયલ થયા છે. હોફમેન 2012 થી સેનેટમાં છે અને અગાઉ મિનેસોટાના સૌથી મોટા સ્કૂલ ડિસ્ટ્રિક્ટ, અનોકા-હેનેપિનના સ્કૂલ બોર્ડમાં સેવા આપી ચૂક્યા છે. તેઓ હોફમેન સ્ટ્રેટેજિક એડવાઇઝર્સ નામની કન્સલ્ટિંગ કંપની પણ ચલાવે છે. હોફમેન પરિણીત છે અને તેમને એક પુત્રી છે.

હુમલાખોર પોલીસ ગણવેશમાં હતો

મિનેસોટાના બ્યુરો ઓફ ક્રિમિનલ એપ્રેન્શન (BCA) ના વડા ડ્રુ ઇવાન્સે જણાવ્યું હતું કે પોલીસ એક શંકાસ્પદ વ્યક્તિને શોધી રહી છે જે પોલીસ ગણવેશમાં હતો. પબ્લિક સેફ્ટી કમિશનર બોબ જોહ્ન્સને કહ્યું, "આ વ્યક્તિ કાયદો અને વ્યવસ્થાનો નકલી ચહેરો બનાવીને લોકોનો વિશ્વાસ તોડી રહ્યો હતો. આપણી સેવા અને સુરક્ષાનું પ્રતીક ગણવેશનો દુરુપયોગ ખૂબ જ ચિંતાજનક છે." ઇવાન્સે કહ્યું કે મેલિસા હોર્ટમેન અને તેના પતિનું ગોળીબારથી મૃત્યુ થયું હતું. આ વાત તેમના મૃતદેહોના પોસ્ટમોર્ટમ રિપોર્ટ દ્વારા પુષ્ટિ થશે. અધિકારીઓએ આ મામલાની તપાસ વધુ તીવ્ર બનાવી છે અને શંકાસ્પદની શોધ ચાલુ છે.