Airlines Advisory for Passengers: દિલ્હી અને ઉત્તર ભારતમાં ગાઢ ધુમ્મસના કારણે વિમાન સેવાઓ પર મોટી અસર પડી છે. ઇન્દિરા ગાંધી ઇન્ટરનેશનલ એરપોર્ટ પર ઓછી દૃશ્યતાને કારણે 129 ફ્લાઇટ્સ રદ કરવામાં આવી છે, જેમાં આગમન અને પ્રસ્થાન બંનેનો સમાવેશ થાય છે. આ સ્થિતિને કારણે હજારો મુસાફરોને અસુવિધા ભોગવવી પડી રહી છે, અને અનેક ફ્લાઇટ્સમાં વિલંબ પણ થયો છે.
એરલાઇન્સની એડવાઇઝરીએર ઇન્ડિયા
ધુમ્મસને કારણે દિલ્હી, અમૃતસર, ચંડીગઢ, લખનૌ, વારાણસી અને પટના જેવા એરપોર્ટ્સ પર ફ્લાઇટ ઓપરેશન્સમાં વિક્ષેપ પડી શકે છે. "ફોગકેર" પહેલ હેઠળ મુસાફરોને અગાઉથી ચેતવણી આપવામાં આવશે. વધારાની ચુકવણી વિના ફ્લાઇટ બદલવા અથવા રિફંડનો વિકલ્પ આપવામાં આવશે. મુસાફરોને એરપોર્ટ જતા પહેલા વેબસાઇટ પર ફ્લાઇટ સ્ટેટસ તપાસવાની સલાહ આપી છે. ગ્રાઉન્ડ ટીમ 24 કલાક મદદ માટે ઉપલબ્ધ રહેશે.
IndiGo Advisory : રાંચી, જમ્મુ અને હિંડન એરપોર્ટ સહિત અનેક સ્થળોએ ઓછી દૃશ્યતાને કારણે સમયપત્રકમાં ફેરફાર થઈ શકે છે. મુસાફરોને ઘરેથી નીકળતા પહેલા ફ્લાઇટ સ્ટેટસ તપાસવા અને ધીરજ રાખવા વિનંતી કરી છે. એરલાઇન સુરક્ષિત પરિવહન માટે તમામ પ્રયાસો કરી રહી છે.
દિલ્હી એરપોર્ટની સલાહ
દિલ્હી એરપોર્ટ ઓથોરિટીએ જણાવ્યું કે ખરાબ હવામાન અને ગાઢ ધુમ્મસને કારણે ફ્લાઇટ્સ પ્રભાવિત થઈ રહી છે. મુસાફરોને એરલાઇનનો સંપર્ક કરી ફ્લાઇટ સ્થિતિ તપાસવા અને સ્ટાફ સાથે સહકાર આપવા વિનંતી કરી છે. ઓછી દૃશ્યતા હેઠળ CAT III ઓપરેશન્સ ચાલુ છે, પરંતુ વિલંબ અને રદ્દતા શક્ય છે.
નાગરિક ઉડ્ડયન મંત્રાલયની માર્ગદર્શિકા
કેન્દ્રીય નાગરિક ઉડ્ડયન મંત્રાલયે એરલાઇન્સને સખત સૂચનાઓ આપી છે:
મુસાફરોને સમયસર અને સચોટ માહિતી આપો.
લાંબા વિલંબમાં ભોજન-નાસ્તાની વ્યવસ્થા કરો.
રદ્દતા કેસમાં રિબુકિંગ અથવા રિફંડ આપો.
ચેક-ઇન પછી બોર્ડિંગ ઇનકાર ન કરો.
અપંગ વ્યક્તિઓને સહાય આપો અને ફરિયાદોનું ત્વરિત નિવારણ કરો.
DGCA દ્વારા એરલાઇન્સનું કડક નિરીક્ષણ કરવામાં આવશે. મુસાફરોની સલામતી અને સુવિધા સર્વોચ્ચ પ્રાથમિકતા છે.મુસાફરોને અપીલ: ઘરેથી નીકળતા પહેલા ફ્લાઇટ સ્ટેટસ તપાસો, વધુ સમય રાખીને એરપોર્ટ પહોંચો અને ધીરજ રાખો. સેવાઓ ધીમે ધીમે સામાન્ય થશે.
