વાહ ભાઈ વાહ! શેઠ હોય તો આવા! : કંપનીનો ટાર્ગેટ પુરો થતાં અમદાવાદમાં કર્મચારીઓને આપી લક્ઝુરીયસ કાર ભેટ

ગુજરાતમાં અમદાવાદ સ્થિત કાબરા જ્વેલ્સ લિમિટેડે તેના કર્મચારીઓની મહેનતની પ્રશંસા કરવા માટે એક અનોખી પહેલ કરી છે. તેમણે પોતાની કંપનીના 12 વરિષ્ઠ કર્મચારીઓને નવી કાર ગિફ્ટ કરી છે. તમને જણાવી દઈએ કે, આ ઈનામ કંપનીના 200 કરોડ રૂપિયાના ટર્નઓવરને પૂર્ણ કરવાની યાદમાં આપવામાં આવ્યા હતા.

આ પ્રશંસનીય પહેલ પાછળ કંપનીના માલિક કૈલાશ કાબરા છે, જેમણે પોતાની કંપનીના કર્મચારીઓ પ્રત્યે આભાર વ્યક્ત કરવા માટે આ પગલું ભર્યું છે. તેમણે કર્મચારીઓને ટોયોટા ઈનોવા, મહિન્દ્રા XUV700, Hyundai Xcent, Hyundai i10, Maruti Suzuki Ertiga અને Maruti Suzuki Brezza જેવા વાહનો ભેટમાં આપ્યા છે.

કોણ છે કૈલાશ કાબરા?
ગુજરાતના ખેડાના વતની કૈલાશ કાબરાએ વર્ષ 2006માં કાબરા જ્વેલર્સની શરૂઆત કરી હતી. પ્રથમ વર્ષમાં કંપનીનું ટર્નઓવર રૂ. 2 કરોડ હતું. 2024-25માં રૂ. 200 કરોડનું ટર્નઓવર હાંસલ કરવા પર 12 જૂના સભ્યોને મોંઘી કાર અને અન્ય ઘણી વસ્તુઓ ભેટમાં આપવામાં આવી હતી.

માત્ર 21 વર્ષની ઉંમરે 2006માં જ્વેલરી ઉદ્યોગમાં પ્રવેશેલા કૈલાશ કાબરાએ માત્ર 12 લોકો સાથે કાબરા જ્વેલ્સની શરૂઆત કરી અને તેમનું વાર્ષિક ટર્નઓવર રૂ. 2 કરોડ હતું. આજે ટીમમાં 140 સભ્યો છે અને નાણાકીય વર્ષ 2024-25માં પ્રથમ વખત 200 કરોડના વેચાણનો આંકડો પાર કર્યો છે.

કૈલાશ કાબરાના મતે ટીમ વિના આ સિદ્ધિ શક્ય ન બની હોત. મારા માટે લક્ઝરી કાર ખરીદવાને બદલે હું ટીમના સભ્યોનું સન્માન કરવા માંગતો હતો જેમણે આ પ્રવાસ અને સફળતામાં મુખ્ય ભૂમિકા ભજવી છે અને શરૂઆતથી જ જ્વેલ્સ પરિવારનો એક ભાગ છે. એટલા માટે અમે 12 સૌથી વરિષ્ઠ લોકોને કાર ગિફ્ટ કરી છે. તમને જણાવી દઈએ કે, કાબરા જ્વેલ્સ આઈપીઓમાં લિસ્ટેડ કંપની છે.

Follow Offbeat Stories channel on WhatsApp
https://whatsapp.com/channel/0029VbASup6Ae5VkurirGM2h