Deepti Sharma Historic Record: ભારતીય મહિલા ક્રિકેટ ટીમે શ્રીલંકા સામેની ત્રીજી T20 મેચમાં 8 વિકેટથી જીત મેળવીને પાંચ મેચનીસીરિઝમાં 3-0 ની અજેય આગેવાની લીધી. આ મેચમાં ઓફ સ્પિનર દીપ્તિ શર્માએ 4 ઓવરમાં માત્ર 18 રન આપીને 3 વિકેટ ઝડપીને ઐતિહાસિક સિદ્ધિ હાંસલ કરી. તેણે T20 ઇન્ટરનેશનલમાં 150 વિકેટનો આંકડો પાર કરીને પ્રથમ ભારતીય બોલર (પુરુષ કે મહિલા) તરીકે આ સિદ્ધિ પોતાના નામે કરી. આ સાથે જ દીપ્તિ વિશ્વની સંયુક્ત સર્વોચ્ચ T20I વિકેટ લેનારી બોલર બની ગઈ, જેમાં તેણે ઓસ્ટ્રેલિયાની મેગન શટ સાથે 151 વિકેટનો આંકડો બરાબર કર્યો. વધુમાં, તે મહિલા ક્રિકેટમાં ODI અને T20I બંને ફોર્મેટમાં 150થી વધુ વિકેટ લેનારી પ્રથમ ખેલાડી બની.
ત્રીજી મેચમાં દીપ્તિ શર્માએ રચ્યો ઇતિહાસ
મેચમાં શ્રીલંકાની ઇનિંગ્સની શરૂઆતમાં જ દીપ્તિએ કપ્તાન ચમારી અટ્ટાપટ્ટુને માત્ર 3 રને આઉટ કરીને પોતાની 149મી વિકેટ લીધી. ત્યારબાદ 14મી ઓવરમાં કવિશા દિલહારી (20 રન)ને કેચ આઉટ કરાવીને તેણે પોતાની150મી T20I વિકેટ પૂરી કરી. અંતમાં માલ્શા શેહાનીને આઉટ કરીને તેણે 151 વિકેટનો આંકડો પાર કર્યો. દીપ્તિની આ સ્પેલ 4.5 ની ઇકોનોમી સાથે અત્યંત કિફાયતી રહ્યો. પુરુષ ક્રિકેટમાં ભારત તરફથી સૌથી વધુ T20I વિકેટ અર્શદીપ સિંહના નામે છે. આમ, દીપ્તિએ પુરુષ અને મહિલા બંનેમાં ભારતીય બોલરોને પાછળ છોડી દીધા.આ જીત સાથે ભારતે શ્રેણીમાં અજેય વધત બનાવી લીધી છે.
કેવું રહ્યું દિપ્તી શર્માનું આંતરરાષ્ટ્રીય કરિયર ?
દીપ્તિ શર્માના આંતરરાષ્ટ્રીય કરિયરની વાત કરીએ તો તેણે 5 ટેસ્ટ, 121 વનડે અને 131 T20 મેચમાં 20,162 અને 151 વિકેટ લીધી છે. 28 વર્ષીય આ ઓલરાઉન્ડરે તાજેતરમાં ભારતને વર્લ્ડ ચેમ્પિયન બનાવવામાં મહત્વની ભૂમિકા ભજવી હતી અને ટૂર્નામેન્ટની બેસ્ટ પ્લેયર પણ બની હતી. કપ્તાન હરમનપ્રીત કૌરે ટોસ જીતીને પ્રથમ બોલિંગ પસંદ કરી. રેણુકા સિંહે પાછા ફરતાં જ 4 વિકેટ ઝડપીને શ્રીલંકાને બેકફૂટ પર ધકેલી દીધી. દીપ્તિની સાથે મળીને ભારતીય બોલરોએ શ્રીલંકાને 20 ઓવરમાં 112/7 પર રોકી દીધું. જવાબમાં શૈફાલી વર્માએ તોફાની બેટિંગ કરીને માત્ર 42 બોલમાં 79 રનની અણનમ પારી રમી. તેણે 11 ચોગ્ગા અને 3 છગ્ગા ફટકાર્યા. સ્મૃતિ મંધાના (1 રન) અને જેમિમા રોડ્રિગ્સ (9 રન) વહેલા આઉટ થયા, પરંતુ હરમનપ્રીત કૌર (21*) રન સાથે શૈફાલીએ ભારતને 13.2 ઓવરમાં જ 8 વિકેટથી જીત અપાવી.
