YouTube પર થશે મોટા ફેરફાર : Ads અંગે કંપનીનો મોટો નિર્ણય

ટૂંક સમયમાં જ યુટ્યૂબ પર એક મોટો ફેરફાર જોવા મળશે. કંપની હવે તેની એડ્સ અંગે મોટા ફેરફાર કરવા જઈ રહી છે. આ પછી યુટ્યૂબ પર વીડિયો જોવાનો અનુભવ ખૂબ જ સારો રહેશે. નવા ફેરફારો 12 મેથી અમલમાં આવશે. આનાથી માત્ર વ્યૂઅર્સના અનુભવમાં જ સુધારો નહીં થાય, પરંતુ ક્રિએટર્સને તેમની આવકમાં વધારો કરવાની પણ તક મળશે.

નેચરલ બ્રેકપૉઇન્ટ પર દેખાતી એડ્સ
યુટ્યૂબે કહ્યું છે કે મે મહિનાથી, જાહેરાતો દર્શકોના વિડિયોના નેચરલ બ્રેકપોઇન્ટ પર દેખાશે. આનો અર્થ એ છે કે જાહેરાતો હમણાં જેવી રીતે વિડિયોની મધ્યમાં ક્યાંરેય પણ દેખાવાનું શરૂ થઈ જાય છે તેવું હવે નહીં થાય.

આ કારણે થયો છે ફેરફાર
યુટ્યૂબના જણાવ્યા અનુસાર આ ફેરફાર વીડિયો જોવાના અનુભવને સુધારવા માટે કરવામાં આવી રહ્યો છે. કંપનીએ એક પોસ્ટમાં જણાવ્યું હતું કે તેને વધુ વ્યૂઝ મળશે અને ક્રિએટર્સ માટે વધુ સારી આવક થશે. આ ફેરફાર, જે મે મહિનામાં આવશે, તે જૂના વીડિયો પર લાગુ થશે. કંપનીએ કહ્યું છે કે તે જૂના વીડિયો પર પણ મિડ-રોલ જાહેરાતોને એડજસ્ટ કરશે. જે ક્રિએટર્સ જાહેરાતોની પ્લેસમેન્ટ પર સંપૂર્ણ નિયંત્રણ ઈચ્છે છે તેઓ યુટ્યૂબ સ્ટુડિયોમાં જઈ શકે છે અને 12 મે પહેલાં નાપસંદ કરી શકે છે.

યુટ્યુબ ક્રિએટર્સને મદદ કરશે
યુટ્યૂબ સમગ્ર પ્રક્રિયામાં ક્રિએટર્સને મદદ કરશે. કંપની મિડ-રોલ એડ્સના કિસ્સામાં મેન્યુઅલ અને ઓટોમેટિક મોડ્સને મિક્સ કરવાની ભલામણ કરી રહી છે. કંપનીનું કહેવું છે કે આ પદ્ધતિનો ઉપયોગ કરનારા ક્રિએટર્સ માત્ર મેન્યુઅલ પ્લેસમેન્ટ પર આધાર રાખનારાઓ કરતાં 5 ટકા વધુ કમાણી કરશે. આ ઉપરાંત યુટ્યૂબ ક્રિએટર્સ માટે એક ટૂલ પણ લાવ્યું છે. આ ટૂલ ક્રિએટર્સને સમજવામાં મદદ કરશે કે તેમની જાહેરાત પ્લેસમેન્ટ કેવી રીતે જોવાના અનુભવને અસર કરી રહી છે. આ ટૂલ ક્રિએટર્સને પ્લેસમેન્ટ અંગે સૂચનો પણ આપશે.