કંપનીએ YouTubeની નીતિઓનું ઉલ્લંઘન કરતા વીડિયો સામે કડક કાર્યવાહી કરી છે. કંપનીએ એક અહેવાલમાં જણાવ્યું હતું કે ગયા વર્ષે ઓક્ટોબરથી ડિસેમ્બરની વચ્ચે YouTubeની કોમ્યુનિટી ગાઈડલાઈન્સનું ઉલ્લંઘન કરતા 29 લાખ વીડિયોને પ્લેટફોર્મ પરથી દૂર કરવામાં આવ્યા હતા. વિશ્વના કોઈપણ દેશમાં દૂર કરવામાં આવેલા વીડિયોની આ સૌથી મોટી સંખ્યા છે.
2020 પછી ભારતમાં સૌથી વધુ ડિલીટ કરવામાં આવ્યા વીડિયો
ઓક્ટોબર-ડિસેમ્બરમાં, અગાઉના ક્વાર્ટરની તુલનામાં 32 ટકા વધુ વિડિઓઝ કાઢી નાખવામાં આવ્યા હતા. 2020થી, YouTube ભારતમાં તેના પ્લેટફોર્મ પરથી સૌથી વધુ વીડિયો કાઢી રહ્યું છે. ભારત પછી બ્રાઝિલ આવે છે. YouTubeએ જણાવ્યું હતું કે તેનું ઓટોમેટેડ કન્ટેન્ટ મોડરેશન ટૂલ તેના નિયમોનું ઉલ્લંઘન કરતા વીડિયોઝને ઓળખે છે. ટૂલ 99.7 ટકા વીડિયોને ફ્લેગ કરે છે જે નિયમોનું ઉલ્લંઘન કરે છે.
આ વીડિયો નીચેના કારણોસર દૂર કરવામાં આવ્યો છે
ભારતની સાથે, YouTubeએ તેના પ્લેટફોર્મ પરથી અન્ય દેશોના એવા વીડિયો પણ દૂર કર્યા છે જેણે નિયમોનું ઉલ્લંઘન કર્યું હતું. આમાંથી 81.7 ટકા વીડિયો સ્કેમ, ગેરમાર્ગે દોરનારા અને સ્પામ હોવાના કારણે દૂર કરવામાં આવ્યા હતા. તે જ રીતે, 6.6 ટકા વીડિયો સતામણી માટે, 5.9 ટકા બાળ સુરક્ષા માટે અને 3.7 ટકા હિંસક વીડિયો માટે દૂર કરવામાં આવ્યા હતા. આ વીડિયોને હટાવવાની સાથે કંપનીએ ઓક્ટોબરથી ડિસેમ્બરની વચ્ચે લગભગ 48 લાખ ચેનલો પણ બંધ કરી દીધી છે. આ ઉપરાંત, નીતિનું ઉલ્લંઘન કરતી 130 કરોડ ટિપ્પણીઓ પણ કાઢી નાખવામાં આવી છે.
ગેમ્બ્લિંગને પ્રોત્સાહન આપતા વીડિયો પણ કાઢી નાખવામાં આવશે.
YouTubeની પેરેન્ટ કંપની ગૂગલે તાજેતરમાં તેની નીતિમાં ફેરફાર કર્યો છે. હવે કંપની ઓનલાઈન ગેમ્બ્લિંગની સાઇટ્સ અને એપ્સનો પ્રચાર કરનારા ક્રિએટર્સ સામે કડક કાર્યવાહી કરશે. આવા ક્રિએટર્સની ચેનલ પણ બંધ કરી શકાય છે.
AI ઈમેજ ક્રિએશનમાં ભારત આગળ: ChatGPTનો નવો ટૂલ ટ્રેન્ડમાં
