Google Maps Hack: આપણે અત્યાર સુધી ગૂગલ મેપ્સનો ઉપયોગ રસ્તો શોધવા કે ટ્રાફિક જોવા માટે કર્યો છે, પરંતુ સોશિયલ મીડિયા પર વાયરલ થઈ રહેલા એક વીડિયોએ બધાને ચોંકાવી દીધા છે. એક ભારતીય શખ્સે વિમાનની અંદર બેસીને ગૂગલ મેપ્સ દ્વારા પ્લેનની સ્પીડ માપી લીધી. રનવે પર દોડતા વિમાનની રફ્તાર જ્યારે ફોનની સ્ક્રીન પર દેખાઈ, ત્યારે ઇન્ટરનેટ પર લોકોના હોશ ઉડી ગયા હતા. આ વીડિયો હવે જોરદાર વાયરલ થઈ રહ્યો છે.
ભારતમાં ટેલેન્ટ અને 'ખુરાફાતી' મગજની કોઈ કમી નથી. ભારતીયો કોઈપણ ટેકનોલોજીનો એવો ઉપયોગ શોધી કાઢે છે જે કદાચ તેને બનાવનાર કંપનીએ પણ વિચાર્યો ન હોય. સામાન્ય રીતે લોકો ગાડી કે બાઇક ચલાવતી વખતે રસ્તો ન ભટકી જાય તે માટે ગૂગલ મેપ્સ ખોલે છે. પરંતુ શું તમે ક્યારેય વિચાર્યું છે કે કોઈ હવાઈ જહાજમાં બેસીને તેની ગતિ માપવા માટે આ એપનો ઉપયોગ કરી શકે? સોશિયલ મીડિયા પર એક શખ્સનો આ દેશી જુગાડ જોઈને લોકો કહી રહ્યા છે કે- "ભાઈ, ભારત સમજવું નવા નિશાળિયા (Beginners) નું કામ નથી!"
કેવી રીતે માપી વિમાનની રફ્તાર?
ઇન્સ્ટાગ્રામ પર વાયરલ થઈ રહેલા વીડિયોમાં જોઈ શકાય છે કે એક વ્યક્તિ ફ્લાઈટમાં વિન્ડો સીટ પર બેઠો છે. જ્યારે પ્લેન ટેક-ઓફ કરવા માટે રનવે પર દોડવાનું શરૂ કરે છે, ત્યારે આ શખ્સ પોતાના ફોનમાં 'ગૂગલ મેપ્સ' (Google Maps) ખોલે છે અને નેવિગેશન ઓન કરી દે છે. જેમ-જેમ રનવે પર વિમાનની ગતિ વધે છે, તેમ-તેમ મેપ પર દેખાતું સ્પીડોમીટર પણ તેજીથી ભાગવા લાગે છે. ફોનની સ્ક્રીન પર સ્પીડ 100, 200 અને જોતજોતામાં 310 કિમી પ્રતિ કલાક પર પહોંચી જાય છે અને બરાબર એ જ ક્ષણે પ્લેન હવામાં ટેક-ઓફ કરે છે.
વીડિયો થયો વાયરલ, યુઝર્સે લીધી મજા
આ અનોખો વીડિયો ઇન્સ્ટાગ્રામ પર @biker_bidu નામના એકાઉન્ટ પરથી શેર કરવામાં આવ્યો છે. વીડિયોના કેપ્શનમાં લખ્યું છે - "ટોપ સ્પીડ 320". અત્યાર સુધીમાં આ રીલને 36 લાખથી વધુ વ્યૂઝ અને હજારો લાઈક્સ મળી ચૂક્યા છે. એક યુઝરે રમૂજમાં લખ્યું, "ભાઈ, ઈન્ડિયા બિગનર્સ માટે નથી." જ્યારે અન્ય એકે આશ્ચર્ય વ્યક્ત કરતા કહ્યું, "ગૂગલ મેપનો આવો ઉપયોગ મેં જિંદગીમાં પહેલીવાર જોયો છે!"
શું આ ખરેખર પ્લેનની ટોપ સ્પીડ છે?
જોકે, કેટલાક જાણકાર યુઝર્સે કોમેન્ટમાં ફેક્ટ ચેક કરતા જણાવ્યું કે, આ પ્લેનની ટોપ સ્પીડ નથી. આ પ્લેનની ટોપ સ્પીડ (મહત્તમ ઝડપ) નથી, પરંતુ તે માત્ર પ્લેનની ટેક-ઓફ સ્પીડ છે. સોશિયલ મીડિયા પર વાયરલ થયેલા આ વીડિયો વિશે જાણકાર યુઝર્સે ફેક્ટ ચેક કરતા જણાવ્યું છે કે, કોઈ પણ કોમર્શિયલ ફ્લાઈટ (જેમ કે એરબસ કે બોઈંગ) જ્યારે રનવે પરથી હવામાં ઉડવા માટે તૈયાર થાય છે, ત્યારે તેને જમીન છોડવા માટે સામાન્ય રીતે 250 થી 300 કિમી પ્રતિ કલાકની ઝડપની જરૂર હોય છે. ગૂગલ મેપ્સના GPS એ વીડિયોમાં આ જ સ્પીડને સચોટ રીતે દર્શાવી હતી.
વાસ્તવમાં, પ્લેનની ખરી ઝડપ તો ત્યારે જોવા મળે છે જ્યારે તે હજારો ફૂટની ઊંચાઈએ પહોંચી જાય છે. આ સ્તર પર પ્લેનની ક્રૂઝિંગ સ્પીડ (સ્થિર ઉડાન ઝડપ) આશરે 800 થી 900 કિમી પ્રતિ કલાક સુધીની હોય છે. આમ, વીડિયોમાં દેખાતી 310 કિમીની ઝડપ એ માત્ર પ્લેનના જમીન પરથી ઉડવા (Take-off) માટેની શરૂઆતની ઝડપ હતી, તેની મહત્તમ ઉડાન ઝડપ નહીં.
