Xiaomi mini LED TV FX Series : ટેક બ્રાન્ડ Xiaomi એ ભારતીય બજારમાં ગ્રાહકો માટે એક શાનદાર ભેટ આપી છે. કંપનીએ ભારતમાં તેની નવી સ્માર્ટ ટીવી સિરીઝ Xiaomi Mini LED TV FX સિરીઝ સત્તાવાર રીતે લોન્ચ કરી દીધી છે. આ સિરીઝ હેઠળ કંપનીએ ચાર અલગ-અલગ ડિસ્પ્લે સાઇઝના ટીવી માર્કેટમાં ઉતાર્યા છે. જો તમે તમારા ઘર માટે પ્રીમિયમ ફીચર્સવાળું નવું સ્માર્ટ ટીવી ખરીદવાનું વિચારી રહ્યા છો, તો આ ટીવી તમારા માટે શ્રેષ્ઠ વિકલ્પ બની શકે છે.
કઈ સાઇઝમાં ઉપલબ્ધ છે આ ટીવી
કંપનીએ ગ્રાહકોની જરૂરિયાતને ધ્યાનમાં રાખીને આ સ્માર્ટ ટીવી સિરીઝને ચાર ડિસ્પ્લે સાઇઝમાં લોન્ચ કરી છે. જેમાં 43 ઇંચ, 55 ઇંચ, 65 ઇંચ અને 75 ઇંચના મોડલ સામેલ છે. નાના રૂમથી લઈને મોટા હોલ સુધીની તમામ સાઇઝના ઓપ્શન આ સિરીઝમાં આપવામાં આવ્યા છે.
જાણો કેટલી છે કિંમત અને ઓફર્સ
કંપનીએ આ ટીવી ખૂબ જ આકર્ષક કિંમતે લોન્ચ કર્યા છે અને શરૂઆતમાં તેના પર પ્રમોશનલ ડિસ્કાઉન્ટ પણ આપવામાં આવી રહ્યું છે:
43 ઇંચ મોડલ : આ ટીવીની અસલી કિંમત ₹32,999 છે, પરંતુ ઓફરમાં તે ₹29,999 માં મળશે.
55 ઇંચ મોડલ : આ ટીવીની કિંમત ₹44,999 છે, જે ઓફર હેઠળ ₹39,999 માં ખરીદી શકાશે.
65 ઇંચ મોડલ : આ ટીવીની કિંમત ₹64,999 છે, પરંતુ પ્રમોશનલ કિંમત ₹59,999 રાખવામાં આવી છે.
75 ઇંચ મોડલ : આ મોટા ટીવીની કિંમત ₹84,999 છે, જે ઓફરમાં ₹79,999 માં મળશે.
ક્યારે અને ક્યાંથી ખરીદી શકાશે
જો તમે આ ટીવી ખરીદવા માંગો છો, તો તમારે થોડી રાહ જોવી પડશે. ભારતમાં આ સ્માર્ટ ટીવીનું વેચાણ 11 જૂનથી શરૂ થશે. તમે તેને Xiaomi ની સત્તાવાર વેબસાઇટ ઉપરાંત ઓનલાઇન શોપિંગ પ્લેટફોર્મ ફ્લિપકાર્ટ, એમેઝોન અને Xiaomi ના રીટેલ સ્ટોર્સ પરથી સરળતાથી ખરીદી શકશો.
Leica કેમેરા સાથે Xiaomi 17T ની ભારતમાં ધમાકેદાર એન્ટ્રી!: 120x Zoom, 6500mAh બેટરી અને પ્રીમિયમ લુક...
ડિસ્પ્લે અને પિક્ચર ક્વોલિટી
આ સિરીઝના તમામ ટીવીમાં અલ્ટ્રા HD ક્વોલિટીવાળી Mini LED ડિસ્પ્લે આપવામાં આવી છે, જેનું રિઝોલ્યુશન 3840x2160 પિક્સેલ છે. તેમાં 178-ડિગ્રીનો વ્યુઇંગ એંગલ અને વિવિડ પિક્ચર એન્જિન 2 નો સપોર્ટ છે. ખાસ વાત એ છે કે 55 ઇંચ, 65 ઇંચ અને 75 ઇંચના મોટા મોડલ્સમાં ગેમિંગ અને સિનેમાના શોખીનો માટે DLG 120Hz, MEMC, ALLM અને ફિલ્મમેકર મોડ જેવા ખાસ ફીચર્સ પણ આપવામાં આવ્યા છે.
દમદાર પ્રોસેસર અને સ્ટોરેજ
સારા પરફોર્મન્સ માટે આ ટીવીમાં ક્વોડ-કોર કોર્ટેક્સ A55 પ્રોસેસર અને Mali-G52 MC1 GPU નો ઉપયોગ કરવામાં આવ્યો છે. આ સિવાય સ્મૂધ કામગીરી માટે ટીવીમાં 2GB RAM અને એપ્લિકેશન્સ ડાઉનલોડ કરવા માટે 32GB ની મોટી ઇન્ટરનલ સ્ટોરેજ ક્ષમતા મળે છે.
બિલ્ટ-ઇન ફાયર ટીવી અને સ્માર્ટ રીમોટ
આ સ્માર્ટ ટીવીમાં ફાયર ટીવી ઇન-બિલ્ટ આપવામાં આવ્યું છે, જેની મદદથી યુઝર્સ એમેઝોન પ્રાઇમ વીડિયો, નેટફ્લિક્સ અને JioHotstar જેવી 12,000 થી વધુ એપ્સનો આનંદ માણી શકે છે. ટીવીની સાથે મળતા ખાસ સ્માર્ટ રીમોટમાં એલેક્સા વૉઇસ કંટ્રોલ બટન છે, તેમજ પ્રાઇમ વિડિઓ, નેટફ્લિક્સ, એમેઝોન મ્યુઝિક અને ઇન્ટરનેટ માટે શોર્ટકટ બટન્સ પણ આપવામાં આવ્યા છે.
Snapdragon 8 Elite Gen 6 સાથે આવી શકે Xiaomi 18!: 7000mAh બેટરી અને 200mp ના કેમેરાથી ચોંકાવશે કંપની?
કનેક્ટિવિટીના શાનદાર ઓપ્શન્સ
કનેક્ટિવિટી માટે આ ટીવીમાં તમામ જરૂરી ફીચર્સ છે. તેમાં Wi-Fi, AirPlay, Miracast અને Bluetooth 5.0 નો સપોર્ટ છે. આ સિવાય ત્રણ HDMI પોર્ટ, બે USB પોર્ટ, 3.5mm ઓડિયો જેક, ઇથરનેટ પોર્ટ અને બે એન્ટેના કનેક્શન આપવામાં આવ્યા છે. તે વીડિયો પ્લેબેક માટે AV1 અને H.265 જેવા તમામ મુખ્ય ફોર્મેટ્સને સપોર્ટ કરે છે.
થિયેટર જેવો દમદાર અવાજ
શાનદાર પિક્ચર ક્વોલિટીની સાથે આ ટીવીમાં અવાજ પણ પાવરફુલ મળે છે. આ સ્માર્ટ ટીવી સિરીઝમાં 20W ના પાવરફુલ સ્પીકર્સ આપવામાં આવ્યા છે. આ સ્પીકર્સ Dolby Audio, DTS X અને DTS Virtual:X ટેકનોલોજીને સપોર્ટ કરે છે, જે તમને ઘરમાં જ થિયેટર જેવો શાનદાર અવાજનો અનુભવ કરાવશે.
