સાવધાન! WhatsApp અને Facebook પર આવ્યો નવો AI સ્કેમ : આ 5 રીતો તમારું બેંક એકાઉન્ટ બચાવશે

AI Scam Safety Tips: આજકાલ WhatsApp અને Facebook જેવા સોશિયલ મીડિયા પ્લેટફોર્મ પર છેતરપિંડીના કિસ્સાઓ ખૂબ જ ઝડપથી વધી રહ્યા છે. લોકોને ઠગવા માટે ઠગબાજો હવે આર્ટિફિશિયલ ઇન્ટેલિજન્સ (AI) જેવી આધુનિક ટેકનોલોજીનો સહારો લઈ રહ્યા છે. આ નવી પદ્ધતિને ‘AI સ્કેમ’ કહેવામાં આવી રહી છે, જેમાં સ્કેમર્સ આબેહૂબ તમારા કોઈ સંબંધી કે મિત્ર જેવો અવાજ અથવા ચહેરો બનાવીને તમારી પાસે પૈસાની માંગણી કરે છે. આ જાળમાં ફસાઈને દેશના અનેક લોકો અત્યાર સુધી લાખો રૂપિયા ગુમાવી ચૂક્યા છે. જો તમે પણ ઇન્ટરનેટ બેન્કિંગ, ગૂગલ પે (Google Pay) કે ફોન પે (PhonePe) નો ઉપયોગ કરો છો, તો તમારે ખૂબ જ સાવધ રહેવાની જરૂર છે. ચાલો જાણીએ તે 5 રીતો વિશે જે તમારા બેંક એકાઉન્ટને સંપૂર્ણપણે સુરક્ષિત રાખશે.

શું છે AI વોઇસ ક્લોનિંગ અને વીડિયો સ્કેમ?

આ નવા ડિજિટલ કૌભાંડમાં સ્કેમર્સ AI ટૂલ્સની મદદથી તમારા નજીકના લોકોની સોશિયલ મીડિયા પ્રોફાઇલમાંથી તેમના ફોટા અને વીડિયો ડાઉનલોડ કરી લે છે. ત્યારબાદ AI વોઇસ ક્લોનિંગ ટેકનોલોજી દ્વારા તેમના અવાજની આબેહૂબ નકલ તૈયાર કરવામાં આવે છે. આ પછી તમને WhatsApp પર કોઈ અજાણ્યા નંબર પરથી કોલ કે મેસેજ આવે છે, જેમાં સામેની વ્યક્તિ તમારા કોઈ ભાઈ, બહેન કે મિત્રના અવાજમાં રડતાં-રડતાં કોઈ મોટી મુશ્કેલી અથવા મેડિકલ ઇમરજન્સીનું બહાનું બનાવે છે. તેઓ એટલી ચાલાકીથી વાત કરે છે કે પહેલી નજરે કોઈને પણ શંકા નથી જતી અને લોકો કશું પણ વિચાર્યા વિના તરત જ તેમના જણાવેલા એકાઉન્ટમાં પૈસા ટ્રાન્સફર કરી દે છે.

7560mAh બેટરી સાથે આવી રહ્યો છે Redmi Turbo 5 થશે લોન્ચ : આ તારીખથી માર્કેટમાં મચાવશે ધૂમ, જાણો ફીચર્સ

કોલ આવે ત્યારે આ રીતે કરો અસલી ઓળખ

આ ખતરનાક સ્કેમથી બચવાનો સૌથી પહેલો અને મુખ્ય રસ્તો એ છે કે જ્યારે પણ તમને WhatsApp કે Facebook પર કોઈ નજીકના વ્યક્તિનો રડતો કે મદદ માંગતો કોલ આવે, તો તરત જ ગભરાશો નહીં. તે અજાણ્યા નંબર પર વિશ્વાસ કરવાને બદલે, તરત જ તમારા તે સંબંધીના અસલી અને જૂના નંબર પર ફરીથી કોલ કરીને સત્ય જાણી લો. આ સિવાય Facebook પર કોઈ પણ અજાણી છોકરી કે છોકરાની ફ્રેન્ડ રિક્વેસ્ટ સ્વીકારશો નહીં અને મેસેન્જર પર આવેલા કોઈ શંકાસ્પદ લિંક પર ક્લિક કરશો નહીં. આ લિંક્સ વાસ્તવમાં મેલવેર (Malware) હોય છે, જે માત્ર એક ક્લિકમાં તમારા ફોનનો સંપૂર્ણ એક્સેસ હેકર્સને આપી દે છે.

પ્રાઇવસી સેટિંગ્સને તરત જ કેવી રીતે મજબૂત કરશો?

તમારા ડિજિટલ એકાઉન્ટ્સને સુરક્ષિત રાખવા માટે, આજે જ તમારા WhatsApp અને Facebook એકાઉન્ટમાં ‘ટુ-સ્ટેપ વેરિફિકેશન’ (Two-Step Verification) ફીચર ઓન (ચાલુ) કરો. આનાથી જો કોઈને તમારો પાસવર્ડ ખબર પડી જાય તો પણ તે તમારા એકાઉન્ટમાં લોગઇન કરી શકશે નહીં. આ સાથે જ તમારી સોશિયલ મીડિયા પ્રોફાઇલની પ્રાઇવસી સેટિંગ્સમાં જઈને તમારા ફોટા અને પર્સનલ વિગતોને ‘ઓન્લી ફ્રેન્ડ્સ’ (Only Friends) પર સેટ કરો જેથી કોઈ બહારની વ્યક્તિ તમારા અવાજ કે ફોટાનો દુરુપયોગ ન કરી શકે. જો તમારી સાથે આવો કોઈ ફ્રોડ (છેતરપિંડી) થાય છે, તો તરત જ સાયબર ક્રાઈમની વેબસાઈટ અથવા હેલ્પલાઈન નંબર 1930 પર તેની ફરિયાદ નોંધાવો.

Google એન્ડ્રોઇડ યુઝર્સ માટે લાવ્યું 'Fake Call Detection' : AI ફેક કોલ્સથી બચાવશે ગૂગલનું નવું ફીચર, જાણો કેવી રીતે