વિશ્વમાં, ટેક્નોલોજીનો વિકાસ ઝડપથી થઈ રહ્યો છે. અને આર્ટિફિશિયલ ઈન્ટેલિજન્સનો મોટો ભાગ છે. ભારતમાં પણ ડેટા સેન્ટર્સ, સેમિકન્ડક્ટર્સ, ક્લાઉડ કોમ્પ્યુટિંગ અને ગ્રીન ટેક્નોલોજી જેવા ઉભરતા ક્ષેત્રોમાં સતત વૃદ્ધિ થઈ રહી છે. અને હવે તે જ સમયે, દેશમાં બજેટ રજૂ થવા જઈ રહ્યું છે. આવી સ્થિતિમાં, સરકાર આગામી બજેટમાં આ ક્ષેત્રો પર ટેક્સ લાદવાની અથવા તેમના માટે નવા ટેક્સ નિયમો લાવવાની યોજના બનાવી શકે છે.
નવી ટેકનોલોજી પર ટેક્સની અસર
મીડિયા રિપોર્ટ્સ અનુસાર નાણાંમંત્રી નિર્મલા સીતારમણ આગામી બજેટ 2025માં ડેટા સેન્ટર્સ, બાયોકેમિસ્ટ્રી, ક્લાઉડ કમ્પ્યુટિંગ, ગ્રીન ટેક્નોલોજી અને સેમિકન્ડક્ટર્સ જેવા ક્ષેત્રો માટે નવા ટેક્સ વ્યવસ્થાનો પ્રસ્તાવ મૂકી શકે છે. એટલું જ નહીં, એવું માનવામાં આવે છે કે આ નવી ટેક્સ સિસ્ટમ અંતર્ગત સરકાર ટર્નઓવરની મર્યાદા 2 કરોડ રૂપિયાથી વધારીને 5 કરોડ રૂપિયા કરી શકે છે. આ માટે સરકાર ઈન્મક ટેક્સના કાયદાની કલમ 44AD અને 44ADAમાં ફેરફાર કરી શકે છે. પ્રિઝમ્પટિવ ટેક્સ સિસ્ટમમાં, કંપનીઓની કુલ આવકના અમુક ટકાને જ કરપાત્ર આવક ગણવામાં આવે છે, જે કરનો બોજ ઘટાડે છે અને સ્ટાર્ટઅપ્સને પ્રોત્સાહિત કરે છે.
શું સ્માર્ટફોન અને AI મોંઘા થશે?
જો કે સરકાર AI, ડેટા સેન્ટર અને સેમિકન્ડક્ટર પર ટેક્સ લાદવાની યોજના બનાવી રહી છે, પરંતુ સામાન્ય લોકો પર તેની સીધી અસર થવાની શક્યતા નથી. સરકારનો મુખ્ય ઉદ્દેશ્ય આ ક્ષેત્રોનો વિકાસ કરવાનો છે, તેથી ટેક્સમાં અનેક પ્રકારની છૂટ પણ આપવામાં આવી રહી છે. સેમિકન્ડક્ટર ઇન્ડસ્ટ્રી પર ટેક્સ હોવા છતાં સ્માર્ટફોન અને લેપટોપની કિંમતો પર તેની બહુ અસર નહીં થાય. આ સેક્ટરને પ્રોત્સાહન આપવા માટે સરકાર કંપનીઓને અનુમાનિત ટેક્સ સિસ્ટમ હેઠળ રાહત આપવાની યોજના બનાવી રહી છે. આનો અર્થ એ થયો કે નવી ટેક્નોલોજી ભારતમાં મોંઘી નહીં હોય, પરંતુ તેનું વિસ્તરણ ઝડપી થઈ શકે છે.
નેપાળની ભારતને ખુલ્લી ધમકી: 'લિપુલેખ અમારો વિસ્તાર છે, ભારતીય યાત્રીઓ માનસરોવર જવા માટે તેનો ઉપયોગ ન કરે', જાણો શું છે વિવાદ
