Will machines ever be as intelligent as humans: લંડનમાં FT ફ્યુચર ઓફ AI સમિટમાં વિશ્વના કેટલાક અગ્રણી artifical Intelligence નિષ્ણાતોને એકસાથે લાવવામાં આવ્યા હતા. ચર્ચામાં સૌથી મોટો પ્રશ્ન એ હતો કે, શું મશીનો ક્યારેય માણસો જેટલા બુદ્ધિશાળી હશે. આ પ્રશ્નના જવાબો વિવિધ છે. કેટલાક માને છે કે, આગામી 20 વર્ષમાં આ શક્ય બનશે, જ્યારે કેટલાક કહે છે કે, માત્ર 5 વર્ષમાં મશીનો માણસોની જેમ વિચારવાનું શરૂ કરશે. કેટલાક નિષ્ણાતોએ દલીલ કરી હતી કે, આ પ્રશ્ન પોતે જ ગેરમાર્ગે દોરનારો છે, કારણ કે માનવ અને મશીન વિચારસરણીને સમાન બનાવી શકાતી નથી. ચર્ચામાં જ્યોફ્રી હિન્ટન, યાન લેકન, ફેઇ-ફેઇ લી, જેન્સેન હુઆંગ, યોશુઆ બેંગિયો અને બિલ ડેલી જેવા પ્રખ્યાત AI વૈજ્ઞાનિકો સામેલ હતા, જેઓ 2025 ક્વીન એલિઝાબેથ એન્જિનિયરિંગ એવોર્ડના વિજેતા પણ છે.
AI ના ગોડફાધર શું માને છે?
AI ના ગોડફાધર તરીકે જાણીતા જ્યોફ્રી હિન્ટને કહ્યું કે, Artificial General Intelligence એટલે કે માનવ જેવી વિચારસરણી ધરાવતા મશીનો આવવામાં 20 વર્ષથી ઓછો સમય લાગશે. તેમણે કહ્યું કે જ્યારે કોમ્પ્યુટર પર ચર્ચા થાય છે, ત્યારે તે માણસને હરાવી દેશે. હિંટને કહ્યું કે 1984 માં તેમણે માત્ર 100 ઉદાહરણો સાથે એક નાનું મોડલ બનાવ્યું હતું, પરંતુ તે સમયે ડેટા અને કમ્પ્યુટિંગ શક્તિ મર્યાદિત હતી. બંને હવે વધારે પ્રમાણમાં છે તેથી ભવિષ્ય ખૂબ નજીક છે.
શું આગામી 5 વર્ષમાં AI માંનવ જેટલા કર્યો કરશે?
બીજી બાજુ, યોશુઆ બેંગિયો માને છે કે, છેલ્લા કેટલાક વર્ષોમાં AI ની ક્ષમતાઓમાં ઝડપથી વધારો થયો છે, અને જો આ ગતિ ચાલુ રહેશે, તો આગામી પાંચ વર્ષમાં મશીનો માનવ કામદારો જેટલા કાર્યો કરી શકશે. જોકે, તે ચેતવણી આપે છે કે, ભવિષ્ય વિશે વધુ પડતું નિશ્ચિત હોવું જોખમી છે, કારણ કે ટેકનોલોજીનો માર્ગ ક્યારેય સીધો હોતો નથી.
શું AI બિલાડી જેટલું પણ બુદ્ધિશાળી નથી?
Meta ના મુખ્ય AI વૈજ્ઞાનિક યાન લેકુને થોડો અલગ દ્રષ્ટિકોણ રજૂ કર્યો. તેમણે કહ્યું કે AI વિકાસ ધીમે ધીમે થશે, એક જ ઝટકામાં નહીં. આગામી પાંચથી દસ વર્ષમાં નવી પદ્ધતિઓ અને મોડલો ઉભરી આવશે, પરંતુ માનવ સ્તરની સમજણ સુધી પહોંચવામાં હજુ પણ ઘણો સમય લાગશે. તેમના મતે, AI હાલમાં બિલાડી જેટલું બુદ્ધિશાળી પણ નથી.
AI અને માણસના મગજના હેતુઓ અલગ છે?
ફેઇ-ફેઇ લીએ સ્પષ્ટપણે જણાવ્યું હતું કે, માનવ મગજ અને AI નો હેતુ અલગ છે. AI કેટલાક કાર્યોમાં શ્રેષ્ઠ છે, જેમ કે વસ્તુ ઓળખવા અથવા ભાષા અનુવાદ, પરંતુ જ્યારે અનુભવ અને સહાનુભૂતિની વાત આવે છે, ત્યારે મશીનો પાછળ રહે છે. માણસો વિશ્વને સમજે છે, જ્યારે AI ફક્ત તેની પ્રક્રિયા કરે છે.
શું હજુ સુધી આર્ટિફિશ્યલ ઇન્ટેલિજન્સની શરૂઆત થઈ નથી?
ચર્ચા દરમિયાન, પ્રશ્ન ઉભો થયો: શું AI નો આ ઉદય માત્ર એક પરપોટો છે? જેન્સેન હુઆંગે જવાબ આપ્યો કે, જેમ ડોટ-કોમ યુગ દરમિયાન ઇન્ટરનેટનો પાયો નાખવામાં આવ્યો હતો, તેવી જ રીતે આજે AI નો પાયો નાખવામાં આવી રહ્યો છે. તેમણે કહ્યું કે, હવે દરેક GPU નો ઉપયોગ થઈ રહ્યો છે અને આ ટેકનોલોજી ખરેખર કામ કરી રહી છે. જોકે, લેકનનો મત હતો કે, ફક્ત LLM (લાર્જ લેંગ્વેજ મોડેલ્સ) માનવ બુદ્ધિ લાવશે નહીં; સાચી આર્ટિફિશ્યલ ઇન્ટેલિજન્સની શરૂઆત હજુ થવાની બાકી છે.
