ભારતીય જનતા પાર્ટી (ભાજપ)ની આગેવાની હેઠળના એનડીએએ મહારાષ્ટ્રના રાજ્યપાલ સીપી રાધાકૃષ્ણનને પોતાના ઉમેદવાર તરીકે જાહેર કર્યા છે. બીજી તરફ, વિપક્ષી ઇન્ડિયા ગઠબંધન (INDIA Bloc) એ હજી સત્તાવાર ઉમેદવાર જાહેર કર્યો નથી.
વિપક્ષની બેઠક
સ્થળ : કોંગ્રેસ અધ્યક્ષ મલ્લિકાર્જુન ખડગેનું નિવાસસ્થાન, દિલ્હી
સમય : આજે બપોરે 12:30 વાગ્યે
બેઠક પછી વિપક્ષ પોતાના સંયુક્ત ઉમેદવારની જાહેરાત કરી શકે છે.
વિપક્ષમાં ચર્ચાતા નામો
સૂત્રો અનુસાર ઇન્ડિયા બ્લોકમાં કેટલાક મહત્વના નામોની ચર્ચા ચાલી રહી છે:
ડૉ. મલ્લાસ્વામી અન્નાદુરાઈ – ચંદ્રયાન-1 મિશનનું નેતૃત્વ કરનારા ભૂતપૂર્વ ઇસરો વૈજ્ઞાનિક
તિરુચી શિવા – તમિલનાડુના ડીએમકે સાંસદ
તુષાર ગાંધી – મહાત્મા ગાંધીના પ્રપૌત્ર અને ઇતિહાસકાર
મહારાષ્ટ્રના દલિત બૌદ્ધિક નેતા – સામાજિક સમીકરણ મજબૂત કરવા પર વિચાર
વિપક્ષ આ ચૂંટણીને લોકશાહી અને બંધારણના રક્ષણની લડાઈ તરીકે રજૂ કરવા ઈચ્છે છે, જ્યારે તુષાર ગાંધી જેવા નામથી તેને વૈચારિક સંઘર્ષ તરીકે પ્રસ્તુત કરવાનો પ્રયાસ થઈ શકે છે.
એનડીએ ઉમેદવારની સક્રિયતા
સીપી રાધાકૃષ્ણન સોમવારે દિલ્હી પહોંચ્યા.
દિલ્હી એરપોર્ટ પર મુખ્યમંત્રી રેખા ગુપ્તા સહિત ભાજપના વરિષ્ઠ નેતાઓએ તેમનું સ્વાગત કર્યું.
બાદમાં તેઓએ વડા પ્રધાન નરેન્દ્ર મોદીને મુલાકાત લીધી.
