Virat Kohli, Shubman Gill, અને Sachin Tendulkar: વિરાટ કોહલી અને સચિન તેંડુલકર, બંને ODI ક્રિકેટના ઇતિહાસમાં બે સૌથી સફળ બેટ્સમેન રહ્યા છે. સચિને ODI માં સૌથી વધુ રન બનાવ્યા છે. કોહલીએ ODI માં સૌથી વધુ સદી ફટકારી છે. ભારતનો યુવા બેટ્સમેન શુભમન ગિલ પણ હવે એ જ માર્ગ પર ચાલી રહ્યો છે. ગિલે તેની પ્રથમ 55 ODI મેચોમાં રનના સંદર્ભમાં કોહલી અને સચિનને પાછળ છોડી દીધા છે.
55 ODI પછી ગિલનું પ્રદર્શન
ગિલ અત્યાર સુધીમાં ભારત માટે 55 ODI રમી ચૂક્યો છે. ગિલ ODI માં ભારતીય ટીમનો ઉપ-કેપ્ટન છે. ગિલે આ સમયગાળા દરમિયાન 55 મેચોમાં 59.04 ની એવરેજથી 2775 રન ફટકાર્યા છે. આ દરમિયાન ગિલે 8 સેંચુરી પણ ફટકારી છે.
55 વનડે પછી કોહલીનું પ્રદર્શન
કોહલીએ 55 ODI પછી 42.9 ની એવરેજથી 2059 રન ફટકાર્યા હતા. આ સમયગાળા દરમિયાન કોહલીએ 5 શતક ફટકાર્યા હતા. કોહલી વનડેમાં સૌથી વધુ શતક ફટકારનાર ખેલાડી છે.
55 વનડે પછી સચિનનું પ્રદર્શન
પહેલા 55 ODI પછી, સચિને ફક્ત 31.76 ની સરેરાશથી 1556 રન ફટકાર્યા હતા. આ સમયગાળા દરમિયાન, સચિનના બેટમાંથી એક પણ સદી આવી ન હતી.
હાશિમ અમલાનો પણ રેકોર્ડ તોડ્યો ગિલે!
ગિલ ફક્ત સચિન અને વિરાટથી જ નહીં પણ પહેલા 55 ODI માં સૌથી વધુ રન ફટકારનાર ખેલાડીની યાદીમાં સૌથી આગળ છે. અગાઉ આ રેકોર્ડ સાઉથ આફ્રિકાના બેટ્સમેન હાશિમ અમલાના નામે હતો. અમલાએ 55 મેચ પછી 55.37 ની સરેરાશથી 2713 રન બનાવ્યા હતા. હવે આ રેકોર્ડ ગિલના નામે છે. ગિલે 55 મેચ પછી 2775 રન બનાવ્યા છે.
