Asia Cup માં સૌથી વિકેટ
એશિયા કપ 2025ની શરૂઆતમાં હવે માત્ર એક મહિનાથી પણ ઓછો સમય રહી ગયો છે. આ ટુર્નામેન્ટ 9 સપ્ટેમ્બરથી શરૂ થશે. પરંતુ આ વખતે એશિયા કપ ODI ને બદલે T20 ફોર્મેટમાં રમાઈ રહી છે. આ ટુર્નામેન્ટ માટે બધી ટીમો તૈયાર છે. એશિયા કપ માટે ભારતીય ટીમની જાહેર કરવાની બાકી છે. આ ટુર્નામેન્ટમાં, જ્યારે બેટ્સમેન ઘણા રન બનાવે છે, ત્યારે બોલરો પણ ઘણી વિકેટ લેતા હોય છે. એશિયા કપમાં સૌથી વધુ વિકેટ લેનારા બોલરોની ટોપની 10 યાદીમાં બે ભારતીય ખેલાડીનો સમાવેશ થાય છે.
1-મુથૈયા મુરલીધરન
એશિયા કપમાં શ્રીલંકાના દિગ્ગજ ખેલાડી મુથૈયા મુરલીધરન સૌથી વધુ વિકેટ લેનાર બોલરની યાદીમાં પ્રથમ ક્રમે છે. મુરલીધરને 24 મેચમાં 30 વિકેટ લીધી છે.
2-લસિથ મલિંગા
આ યાદીમાં બીજા ક્રમે શ્રીલંકાના અન્ય દિગ્ગજ બોલર લસિથ મલિંગા છે. મલિંગાએ એશિયા કપમાં માત્ર 14 મેચમાં 29 વિકેટ ઝડપી છે.
3-અજંતા મેન્ડિસ
અજંતા મેન્ડિસ એશિયા કપમાં સૌથી વધુ વિકેટ લેનાર બોલરની યાદીમાં ત્રીજા ક્રમે છે. મેન્ડિસે માત્ર આઠ મેચમાં 26 વિકેટ લીધી છે.
4-સઈદ અજમલ
પાકિસ્તાનનો સઈદ અજમલ એશિયા કપમાં સૌથી વધુ વિકેટ લેનાર ખેલાડીમાં ચોથો ક્રમે છે. પાકિસ્તાનના આ ખેલાડીએ 12 મેચમાં 25 વિકેટ ઝડપી છે.
5-રવિન્દ્ર જાડેજા
એશિયા કપમાં સૌથી વધુ વિકેટ લેનારા બોલરોમાં ભારતીય ઓલરાઉન્ડર રવિન્દ્ર જાડેજાનું નામ પાંચમા ક્રમ પર છે. જાડેજાએ અત્યાર સુધી 20 મેચમાં 25 વિકેટ લીધી છે.
6-ચામિંડા વાસ
ચામિંડા વાસે એશિયા કપમાં 19 મેચમાં 23 વિકેટ લીધી છે, જેમાં શ્રીલંકાના આ દિગ્ગજ ખેલાડીએ 639 રન આપ્યા છે.
7-ઈરફાન પઠાણ
આ યાદીમાં પૂર્વ ભારતીય ક્રિકેટર ઈરફાન પઠાણનું નામ પણ છે. આ ભારતીય ખેલાડીએ 2004થી 2012 દરમિયાન એશિયા કપમાં 12 મેચમાં 22 વિકેટ ઝડપી છે.
8-સનથ જયસૂર્યા
આ યાદીમાં શ્રીલંકાના દિગ્ગજ ખેલાડી સનથ જયસૂર્યાનું નામ પણ છે. જયસૂર્યાએ 25 મેચમાં 22 વિકેટ ઝડપી છે.
9-અબ્દુર રઝાક
આ ટોપ 10 લિસ્ટમાં બાંગ્લાદેશના બે ખેલાડીઓ સામેલ છે. અબ્દુર રઝાક સૌથી વધુ વિકેટ લેવામાં નવમા ક્રમે છે. આ ખેલાડીએ 18 મેચમાં 22 વિકેટ ઝડપી છે.
10-શાકિબ અલ હસન
આ યાદીમાં બાંગ્લાદેશનો શાકિબ અલ હસન 10મો બોલર છે. શાકિબે 18 મેચમાં 22 વિકેટ લીધી છે.
