Most Expensive Player In Every IPL Auction: 16 ડિસેમ્બરે અબુ ધાબીમાં યોજાનારી IPL ઓક્શનમાં કુલ 350 ક્રિકેટરો હરાજીમાં ઉતરશે, જેમાં 240 ભારતીય અને 110 વિદેશી ખેલાડીઓનો સમાવેશ થાય છે. દર વખતનીજેમ, આ વખતે પણ ઘણા ખેલાડીઓનું નસીબ બદલાવાનું નક્કી છે. હાલમાં ODI નિવૃત્તિમાંથી પરત ફરેલા સાઉથ આફ્રિકાના વિકેટકીપર-બેટ્સમેન ક્વિન્ટન ડી કોકને ipl 2026 ની લિસ્ટમાં સમાવેશ કરવામાં આવ્યો છે. તેમની બેઝ પ્રાઈસ ₹1 કરોડ છે. આ લિસ્ટમાં ઓસ્ટ્રેલિયન બેટ્સમેન સ્ટીવ સ્મિથનો પણ સમાવેશ થાય છે, જેની બેઝ પ્રાઈસ ₹2 કરોડ છે. સ્ટીવ સ્મિથ છેલ્લે 2021 માં IPL રમ્યો હતો. આ IPL માં કેમેરોન ગ્રીન જેવા ખેલાડીઓ મોટો ડ્રો બની શકે છે. દર વખતની જેમ, આ વખતે પણ IPL ઓક્શનમાં એક એવો ખેલાડી હશે જે લાખો રૂપિયાની કમાણી કરશે. છેલ્લા ઓક્શનમાં, ઋષભ પંત પર 27 કરોડ રૂપિયા ખર્ચવામાં આવ્યા હતા. દરેક IPL ઓક્શનમાં સૌથી મોંઘા ખેલાડીઓની લિસ્ટ વિશેની માહિતી જાણો.
દરેક IPL ઓક્શનમાં આ ખેલાડીઓ સૌથી મોંઘા રહ્યા:
IPL 2008 - એમએસ ધોની
ધોનીને CSK દ્વારા ₹6 કરોડમાં ખરીદવામાં આવ્યો હતો અને તે સિઝનનો સૌથી મોંઘો ખેલાડી હતો.
IPL 2009 - કેવિન પીટરસન, એન્ડ્રુ ફ્લિન્ટોફ
પીટરસન અને ફ્લિન્ટોફને RCB અને CSK એ અનુક્રમે ₹7.55 કરોડમાં ખરીદ્યા હતા.
IPL 2010 - શેન બોન્ડ, કિરોન પોલાર્ડ
બોન્ડ અને પોલાર્ડને KKR અને MI દ્વારા ₹4.8 કરોડમાં ખરીદવામાં આવ્યા હતા.
IPL 2011: ગૌતમ ગંભીર
KKR એ ગંભીરને ₹11.04 કરોડમાં ખરીદવામાં આવ્યો હતો.
IPL 2012: રવિન્દ્ર જાડેજા
જાડેજાને CSK એ ₹12.8 કરોડમાં ખરીદ્યો હતો.
IPL 2013: ગ્લેન મેક્સવેલ
MI એ મેક્સવેલને ₹6.3 કરોડમાં ખરીદ્યો હતો.
IPL 2014: યુવરાજ સિંહ
RCB એ યુવરાજ સિંહને ₹14 કરોડમાં ખરીદ્યો હતો.
IPL 2015: યુવરાજ સિંહ
DC દ્વારા 16 કરોડમાં ખરીદ્યો હતો અને યુવરાજ સિંહ ફરીથી સૌથી મોંઘો ખેલાડી બન્યો.
IPL 2016: શેન વોટ્સન
RCB એ વોટ્સનને ₹9.5 કરોડમાં ખરીદ્યો હતો.
IPL 2017: બેન સ્ટોક્સ
બેન સ્ટોક્સને રાઇઝિંગ પુણે સુપરજાયન્ટ્સે ₹14.5 કરોડમાં ખરીદ્યો હતો.
IPL 2018: બેન સ્ટોક્સ
RR એ સ્ટોક્સને ₹12.5 કરોડમાં ખરીદ્યો હતો.
IPL 2019: જયદેવ ઉનડકટ, વરુણ ચક્રવર્તી
ઉનડકટ અને વરુણને RR અને KKR એ ₹8.4 કરોડમાં ખરીદ્યા હતા.
IPL 2020: પેટ કમિન્સ
પેટ કમિન્સને KKR એ ₹15.5 કરોડમાં ખરીદ્યો હતો.
IPL 2021: ક્રિસ મોરિસ
મોરિસને RR એ ₹16.25 કરોડમાં ખરીદ્યો હતો.
IPL 2022: ઈશાન કિશન
MI એ ઈશાન કિશનને 15.25 કરોડ રૂપિયામાં ખરીદ્યો હતો.
IPL 2023: સેમ કુરન
PBKS એ સેમ કુરનને ₹18.5 કરોડમાં ખરીદ્યો હતો.
IPL 2024: મિશેલ સ્ટાર્ક
મિશેલ સ્ટાર્કને KKR દ્વારા ₹24.75 કરોડમાં ખરીદ્યો હતો.
IPL 2024 2025: ઋષભ પંત
LSG દ્વારા 27 કરોડ રૂપિયા ચૂકવ્યા બાદ પંતે ઇતિહાસનો સૌથી મોંઘો ખેલાડી બનીને ઇતિહાસ રચ્યો.
