Renault Duster vs Toyota Hyryder : New Renault Duster ના મિડ સાઇઝના SUV સેગમેન્ટમાં પ્રવેશથી કોમ્પિટિશન વધુ રસપ્રદ બની ગયું છે. Toyota Urban Cruiser Hyryder પહેલાથી જ આ સેગમેન્ટમાં એક મજબૂત દાવેદાર રહી છે. બંને હાઇબ્રિડ SUV છે, પરંતુ તેમના કેરેક્ટર અલગ છે. જ્યારે Renault Duster તેની મજબૂત અને મસ્ક્યુલર ઓળખ માટે જાણીતી છે, ત્યારે Toyota Urban Cruiser Hyryder પોતાને શહેરી-કેન્દ્રિત, આકર્ષક અને પ્રીમિયમ ક્રોસઓવર SUV તરીકે રજૂ કરે છે.
ડિઝાઇનમાં કઈ વધુ પાવરફુલ
નવી Renault Duster સંપૂર્ણપણે નવી ડિઝાઇન ધરાવે છે અને તે વૈશ્વિક ત્રીજી જનરેશનના મોડલ પર આધારિત છે. તેનું બોક્સી સ્ટેન્સ, ઊંચી બોનેટ લાઇન, મજબૂત વ્હીલ કમાનો અને બોલ્ડ ગ્રિલ તેને સાચો SUV અનુભવ આપે છે. LED DRLs અને ફંક્શનલ રૂફ રેલ્સ તેના મજબૂત લુકમાં વધારો કરે છે. તેની લંબાઈ 4343mm છે. બીજી તરફ, Toyota Urban Cruiser Hyryder માં વધુ આધુનિક અને શહેરી ડિઝાઇન છે. સ્પ્લિટ હેડલેમ્પ્સ, ક્રોમ એલિમેન્ટ્સ અને સ્લીક પ્રોફાઇલ તેને શહેરના ગ્રાહકો માટે આકર્ષક બનાવે છે. તેની લંબાઈ 4365mm છે, પરંતુ મજબૂત લુકની દ્રષ્ટિએ Duster વધુ પાવરફુલ લાગે છે.
ઇન્ટિરિયર અને ફીચર્સ
Renault Duster નું કેબિન સંપૂર્ણપણે ફરીથી ડિઝાઇન કરવામાં આવ્યું છે, જેમાં બોક્સી ડેશબોર્ડ, 10.1 ઇંચની ટચસ્ક્રીન, 10.25 ઇંચનું ડિજિટલ ઇન્સ્ટ્રુમેન્ટ ક્લસ્ટર અને વધુ જગ્યા છે. તેનું ઇન્ટિરિયર કૌટુંબિક ઉપયોગ અને લાંબી મુસાફરી માટે વધુ વ્યવહારુ લાગે છે. Toyota Urban Cruiser Hyryder ના ઇન્ટિરિયરમાં 9 ઇંચની ઇન્ફોટેનમેન્ટ સિસ્ટમ, હેડ-અપ ડિસ્પ્લે અને પ્રીમિયમ ફીલ છે. જોકે, Renault Duster સ્ટોરેજ અને મોડ્યુલરિટીની દ્રષ્ટિએ શ્રેષ્ઠ છે.
સેફટી અને ટેકનોલોજી
સેફટીની દ્રષ્ટિએ, બંને SUV 6 એરબેગ્સ, ABS, ESC અને 360-ડિગ્રી કેમેરા જેવા ફીચર્સ સાથે આવે છે. જોકે, Renault Duster ની અદ્યતન ફીચર્સ જેમ કે, લેવલ-2 ADAS, એડેપ્ટિવ ક્રુઝ કંટ્રોલ અને લેન-કીપ આસિસ્ટ તે Toyota Urban Cruiser Hyryder કરતાં સારી માનવામાં આવે છે.
એન્જિન, પર્ફોમન્સ અને માઇલેજ
નવી Renault Duster નું મજબૂત હાઇબ્રિડ સેટઅપ વધુ પાવરફુલ છે અને વધુ સારી એક્સિલરેશન આપે છે. બીજી બાજુ, Toyota Urban Cruiser Hyryder વધુ સારી માઇલેજ આપે છે, જે 27 કિમી પ્રતિ લિટર સુધી પહોંચે છે. જો તમે વધુ પાવર, મજબૂત ડિઝાઇન અને અદ્યતન ફીચર્સ શોધી રહ્યા છો, તો નવી Renault Duster વધુ પાવરફુલ હાઇબ્રિડ SUV છે. જો માઇલેજ, સ્મૂધ ડ્રાઇવિંગ અને શહેરી આરામ તમારી પ્રાથમિકતા છે, તો Toyota Urban Cruiser Hyryder એક શ્રેષ્ઠ પસંદગી છે.
