Which electric SUV is the most powerful : ભારતીય ઓટોમોબાઈલ માર્કેટમાં અત્યારે ઇલેક્ટ્રિક વાહનો (EV) નો ક્રેઝ વધી રહ્યો છે. ખાસ કરીને SUV સેગમેન્ટમાં હવે દિગ્ગજ કંપનીઓ Maruti Suzuki અને Hyundai સામસામે છે. Maruti એ તેની પ્રથમ ઇલેક્ટ્રિક SUV 'e-Vitara' રજૂ કરી છે, જ્યારે Hyundai તેની લોકપ્રિય Creta ને ઇલેક્ટ્રિક લુકમાં લાવી રહી છે. જો તમે પણ મૂંઝવણમાં છો કે, આ બંને માંથી કઈ કાર તમારા માટે શ્રેષ્ઠ છે, તો આ લેખ તમને તમામ વિગતો સમજવામાં મદદ કરશે.
ડિઝાઇન અને સ્પેસ : કોની અંદર મળશે વધુ જગ્યા?
જ્યારે આપણે સાઇઝની વાત કરીએ, ત્યારે Maruti e-Vitara તેની પહોળાઈ અને લાંબા વ્હીલબેઝને કારણે મુસાફરોને અંદર વધુ લેગ-રૂમ અને ખુલ્લી જગ્યા મળે છે. બીજી બાજુ, Hyundai Creta ઇલેક્ટ્રિક લંબાઈ અને ઊંચાઈમાં થોડી આગળ છે, જેના કારણે તેમાં હેડરૂમ વધુ સારો મળે છે. ટૂંકમાં, જો તમને ખુલ્લી કેબિન ગમે તો મારુતિ અને જો ઊંચી ગાડી ગમે તો Hyundai આકર્ષક લાગી શકે છે.
પ્રીમિયમ ફીચર્સ : ટેકનોલોજીમાં કોણ આગળ?
બંને SUV આધુનિક ફીચર્સથી સજ્જ છે. બંનેમાં 10.25-ઇંચની ડિજિટલ ડિસ્પ્લે, વેન્ટિલેટેડ સીટ્સ, 360-ડિગ્રી કેમેરા અને લેવલ 2 ADAS (સેફ્ટી ફીચર) મળે છે. જોકે, મારુતિમાં 10-વે પાવર ડ્રાઇવર સીટ અને 7 એરબેગ્સ જેવી સુરક્ષા મળે છે. જ્યારે ક્રેટા EV માં પેનોરેમિક સનરૂફ, ડ્યુઅલ ઝોન ક્લાઇમેટ કંટ્રોલ અને એલેક્સા કનેક્ટિવિટી જેવા પ્રીમિયમ ફીચર્સ આપવામાં આવ્યા છે.
પાવર અને રેન્જ : એકવાર ચાર્જ કરવા પર કેટલી ચાલશે?
રેન્જની બાબતમાં Maruti e-Vitara માં મોટી બેટરી (61 kWh) 543 કિમી સુધીની રેન્જ આપે છે. જ્યારે Hyundai Creta ઇલેક્ટ્રિકની મહત્તમ રેન્જ 510 કિમી (51.4 kWh બેટરી) સુધીની છે. જોકે, પાવર (ટોર્ક) ની વાત કરીએ તો Hyundai Creta 200Nm સાથે થોડી વધુ ફાસ્ટ અને પાવરફુલ અનુભવાય છે, જ્યારે e-Vitara નો ટોર્ક 193Nm છે.
ચાર્જિંગ સમય અને કિંમત
જો તમારી પાસે સમય ઓછો હોય, તો Hyundai Creta ઇલેક્ટ્રિક વધુ સારી છે કારણ કે તે માત્ર 4 થી 4.5 કલાકમાં AC ચાર્જિંગથી ફૂલ થઈ જાય છે. Maruti ને આમાં થોડો વધુ સમય લાગે છે. પરંતુ કિંમતની વાત આવે ત્યારે Maruti e-Vitara ખૂબ જ આકર્ષક છે. તેની કિંમત ₹15.99 લાખથી શરૂ થાય છે, જે Hyundai Creta (₹18.02 લાખ) કરતાં લગભગ 2 લાખ રૂપિયા સસ્તી છે.
કઈ SUV ખરીદવી જોઈએ?
જો તમારું બજેટ થોડું ઓછું છે અને તમારે વધુ રેન્જ જોઈએ છે, તો Maruti e-Vitara તમારા માટે બેસ્ટ છે. પરંતુ જો તમે બ્રાન્ડ વેલ્યુ, પ્રીમિયમ ફીચર્સ (જેમ કે સનરૂફ) અને ફાસ્ટ ચાર્જિંગને મહત્વ આપો છો, તો Hyundai Creta Electric તમારા માટે બેસ્ટ છે.
