Hyundai Creta or Tata Sierra: ટાટા મોટર્સે ભારતમાં તેની આઇકોનિક SUV Tata Sierra 2025, લોન્ચ કરી છે. તેમાં નવી મોર્ડન ડિઝાઇન, પ્રીમિયમ કેબિન અને ત્રણ એન્જિન વિકલ્પો છે. મીડિયા રિપોર્ટ્સ અનુસાર Tata Sierra, Hyundai Creta સાથે સીધી સ્પર્ધા કરે છે, જે ઘણા વર્ષોથી કોમ્પેક્ટ SUV સેગમેન્ટમાં લીડર છે. જાણો કે Hyundai Creta અને Tata Sierra ની કિંમત, ફીચર, એન્જિન, ડિઝાઇન અને સાઇઝની માહિતી.
કઈ SUV વધુ સસ્તી છે?
ટાટા સીએરા ₹11.49 લાખ (એક્સ-શોરૂમ) થી શરૂ થાય છે, જ્યારે હ્યુન્ડાઇ ક્રેટા ₹10.72 લાખ (એક્સ-શોરૂમ) થી શરૂ થાય છે. Sierra, Creta કરતાં લગભગ ₹76,000 મોંઘી છે, પરંતુ તેના નવા ફીચર્સ અને મોટી સાઇઝને કારણે આ કિંમત વાજબી છે.
કઈ કારમાં મોટું કેબિન છે?
કદની દ્રષ્ટિએ, Tata Sierra, Hyundai Creta કરતા ઘણી મોટી SUV છે. Sierra 1715mm ઉંચી છે, જ્યારે Creta 1635mm ઉંચી છે. Sierra નું વ્હીલબેઝ 2730mm છે, જે Creta ના 2610mm કરતા ઘણું વધારે છે. Sierra 622 લિટરની બૂટ સ્પેસ આપે છે, જ્યારે Creta 433 લિટર આપે છે. તેવી જ રીતે, 19 ઇંચના એલોય વ્હીલ્સ સાથે, Sierra નો લુક ખૂબ જ શાનદાર છે.
કઈ કાર વધુ પાવરફૂલ છે?
Tata Sierra ત્રણ એન્જિન વિકલ્પો સાથે ઓફર કરવામાં આવે છે: 1.5-લિટર NA પેટ્રોલ, 1.5-લિટર ટર્બો TGDi પેટ્રોલ અને 1.5-લિટર ક્રાયોજેટ ડીઝલ. તે મેન્યુઅલ અને DCT ગિયરબોક્સ બંને વિકલ્પો સાથે આવે છે. Hyundai Creta 1.5-લિટર પેટ્રોલ, 1.5-લિટર ડીઝલ અને 1.5-લિટર ટર્બો પેટ્રોલ એન્જિન સાથે ઓફર કરવામાં આવે છે, જે CVT, 6AT અને DCT ગિયરબોક્સ સાથે જોડાયેલ છે. બંને SUV એન્જિન ઓપ્શનની દ્રષ્ટિએ બરાબર છે, પરંતુ Sierra નું નવું TGDi એન્જિન પર્ફોર્મન્સની દ્રષ્ટિએ વધુ પાવરફૂલ લાગે છે.
કઈ કાર પ્રીમિયમ છે?
Sierra તેની નવી Alpine window ડિઝાઇન, ફુલ-LED લાઇટિંગ, EV-પ્રેરિત DRLs અને મોટા 19 ઇંચ એલોય વ્હીલ્સ સાથે વધુ ફ્યૂચરિસ્ટિક અને પ્રીમિયમ લાગે છે. બીજી બાજુ, Creta તેના Bold પેરામેટ્રિક ગ્રિલ, ક્વોડ-બીમ LED હેડલેમ્પ્સ અને કનેક્ટેડ LED ટેલલેમ્પ્સ સાથે સ્પોર્ટી લુક આપે છે. જ્યારે ડિઝાઇન પસંદગીઓના આધારે નિર્ણય બદલાઈ શકે છે.
ઇન્ટિરિયર અને ફીચર
Sierra નું કેબિન એકદમ પ્રીમિયમ છે, જેમાં થિયેટર પ્રો ટ્રિપલ-સ્ક્રીન ડેશબોર્ડ, JBL 12-સ્પીકર સાઉન્ડ સિસ્ટમ, પેનોરેમિક સનરૂફ અને સોફ્ટ-ટચ મટિરિયલ્સ છે. Creta માં ડ્યુઅલ-ટોન ડેશબોર્ડ, 10.25 ઇંચની ડ્યુઅલ-સ્ક્રીન સેટઅપ છે. Sierra વધુ ટેક-લોડેડ છે, પરંતુ Creta ફિટ અને ફિનિશ, આરામ અને ઇન્ટિરિયરમાં શ્રેષ્ઠ છે. સેફટીમાં લેવલ-2 ADAS, ESP, TPMS, 360° કેમેરા અને EPB સામેલ છે. Creta માં 6 સ્ટાન્ડર્ડ એરબેગ્સ મળે છે, જ્યારે Sierra માં મલ્ટિપલ એરબેગ્સ સાથે વધુ સારી બોડી સ્ટ્રક્ચર આપવામાં આવ્યું છે.
