Which 10 players will prove to be game-changers: ODI સીરિઝ હાર્યા બાદ, ભારતીય ટીમ હવે ઓસ્ટ્રેલિયા સામે T20I સીરિઝ રમવા માટે તૈયાર છે. પહેલી મેચ આજે (29 ઓક્ટોબર) કેનબેરાના મનુકા ઓવલ ખાતે રમાશે. ટોસ બપોરે 1:15 વાગ્યે થશે, જ્યારે મેચ બપોરે 1:45 વાગ્યે શરૂ થશે. તો, કયા 10 ખેલાડીઓ આ મેચમાં ધૂમ મચાવી શકે છે અને એક્સ-ફેક્ટર સાબિત થઈ શકે છે? પરંતુ તે પહેલાં, જાણો કે પ્લેઇંગ 11 નું કોમ્બિનેશન શું હોઈ શકે છે.
બંને ટીમોના ખેલાડીઓ અંગેના પ્રશ્નો
ઓસ્ટ્રેલિયાના સિલેક્ટર્સ છેલ્લા અઠવાડિયાથી સતત તેમની ટીમમાં ફેરફાર કરી રહ્યા છે જેથી ખાતરી કરી શકાય કે, તેમના અનુભવી અને સંભવિત ટેસ્ટ ખેલાડીઓને એશિઝ પહેલા તૈયારીનો પૂરતો સમય મળે, સાથે સાથે ભારત સામેની સીરિઝ માટે એક મજબૂત ટીમ બનાવવામાં આવે. કેટલીક અણધારી ઇજાઓને કારણે પસંદગી વધુ મુશ્કેલ બની છે, અને જોશ ફિલિપને નિષ્ણાત બેટ્સમેન તરીકે તક મળે તેવી શક્યતા છે, જ્યારે જોશ ઇંગ્લિસ ટીમમાં પાછા ફર્યા છે. આ ઓસ્ટ્રેલિયાની બેટિંગ લાઇનઅપને વધુ ખતરનાક બનાવે છે. આ દરમિયાન, ઓસ્ટ્રેલિયન દર્શકો ભારતીય T20I ટીમના ઘણા મોટા નામોને મેદાન પર જોશે. પ્રશ્ન એ રહેશે કે, ભારત કુલદીપ યાદવને કેવી રીતે ફિટ કરે છે. શું તે ઓલરાઉન્ડર, નીતિશ કુમાર રેડ્ડી અથવા વોશિંગ્ટન સુંદરમાંથી કોઈ એકનું સ્થાન લેશે? જ્યારે નીતિશની ઈજા અંગે પ્રશ્નો હતા, ત્યારે સૂર્યાએ મેચના એક દિવસ પહેલા કહ્યું હતું કે તે ઠીક છે.
કેનબેરામાં ભારતની સંભવિત પ્લેઈંગ ઈલેવન: અભિષેક શર્મા, શુભમન ગિલ, તિલક વર્મા, સૂર્યકુમાર યાદવ (કેપ્ટન), સંજુ સેમસન (વિકેટકીપર), શિવમ દુબે, અક્ષર પટેલ, વોશિંગ્ટન સુંદર/કુલદીપ યાદવ, વરુણ ચક્રવર્તી, જસપ્રિત બુમરાહ, અર્શદીપ સિંહ.
કેનબેરામાં ઓસ્ટ્રેલિયાની સંભવિત પ્લેઇંગ ઇલેવન: ટ્રેવિસ હેડ, મિશેલ માર્શ (કેપ્ટન), જોશ ઇંગ્લિસ (વિકેટકીપર), માર્કસ સ્ટોઇનિસ, ટિમ ડેવિડ, મિચ ઓવેન, જોશ ફિલિપ, નાથન એલિસ, ઝેવિયર બાર્ટલેટ/સીન એબોટ, મેથ્યુ કુહનેમેન, જોશ હેઝલવુડ.
ક્યાં 10 ખેલાડીઓ ગેમ-ચેન્જર બની શકે છે?
ભારતીય ટીમ
અભિષેક શર્મા હાલમાં T20I રેન્કિંગમાં નંબર 1 બેટ્સમેન છે. જો તે રમી જય તો તે મેચને વન-સાઇડ મેચમાં ફેરવી શકે છે. આ દરમિયાન, તિલક વર્મા T20I માં નંબર 3 પર છે. તે એશિયા કપ ફાઇનલનો હીરો હતો. સૂર્યકુમાર યાદવનું ફોર્મ હાલમાં અસંગત રહ્યું છે, પરંતુ તેનું T20I રેન્કિંગ નંબર 6 છે. તે ગમે ત્યારે વિસ્ફોટક બેટિંગ કરવાની ક્ષમતા ધરાવે છે. બોલરોની વાત કરીએ તો, ભારતનો વરુણ ચક્રવર્તી નંબર 1 બોલર છે અને ઓસ્ટ્રેલિયન બેટ્સમેનોને કાબુમાં રાખી શકે છે. કુલદીપ યાદવ T20I બોલિંગમાં 10મા ક્રમે હોઈ શકે છે, પરંતુ તેના રમવા પર થોડી શંકા છે. અક્ષર પટેલ અને જસપ્રીત બુમરાહ પણ રમે તેવી અપેક્ષા છે.
ઓસ્ટ્રેલિયન ટીમ
ઓસ્ટ્રેલિયન ટીમ તરફથી ICC બેટિંગ રેન્કિંગમાં નંબર 6 T20 બેટ્સમેન ટ્રેવિસ હેડ શું કરી શકે છે તે કોઈને કહેવાની જરૂર નથી. ટિમ ડેવિડ અને જોશ ઇંગ્લિશ T20 બેટિંગ રેન્કિંગમાં અનુક્રમે 13મા અને 14મા ક્રમે છે. કેપ્ટન મિશેલ માર્શ પણ બેટિંગથી શાનદાર પ્રદર્શન કરી શકે છે. બોલિંગમાં જોશ હેઝલવુડ અને નાથન એલિસ ઓસ્ટ્રેલિયન બોલિંગ આક્રમણનું નેતૃત્વ કરશે. સીન એબોટ કે ઝેવિયર બાર્થલેટની પસંદગી થશે કે નહીં તે જોવાનું બાકી છે. બાર્થલેટે ODI સીરિઝમાં શાનદાર પ્રદર્શન કર્યું.
