IND vs SA T20 Live Streaming: ટેસ્ટ અને ODI સીરિઝ પછી, ભારતીય ટીમનું ધ્યાન હવે T20 સીરિઝ પર છે. સાઉથ આફ્રિકા સામે પાંચ મેચની T20 સીરિઝ 9 ડિસેમ્બર, 2025 થી શરૂ થશે. આ સીરિઝ પછી સાઉથ આફ્રિકાની ટીમ વેસ્ટ ઈન્ડિઝ સામે 3 મેચની T20 સીરિઝ રમશે. અને ભારતીય ટીમ આ સીરિઝ પછી, ન્યુઝીલેન્ડ સામે 5 મેચની T20 સીરિઝ રમશે. આ મેચો બંને ટીમો માટે મહત્વપૂર્ણ છે, કારણ કે તે આવતા વર્ષે 7 ફેબ્રુઆરીથી શરૂ થનારા ICC T20 વર્લ્ડ કપ 2026 પહેલા છેલ્લી મોટી તૈયારીની તક છે. જાણો કે, ભારત અને સાઉથ આફ્રિકાની T20 સીરિઝની મેચો ક્યારે અને ક્યાં રમાશે અને તમે લાઈવ સ્ટ્રીમિંગ ક્યાં જોઈ શકો છો.
IND vs SA T20I સીરિઝ 2025: શેડ્યૂલ અને સમય
બધી મેચો ભારતીય સમય અનુસાર સાંજે 7 વાગ્યે શરૂ થશે.
તારીખ | મેચ | સ્ટેડિયમ |
|---|---|---|
9 ડિસેમ્બર | પહેલી T20 | બરબતી સ્ટેડિયમ, કટક |
11 ડિસેમ્બર | બીજી T20 | મુલ્લાનપુર (ન્યુ ચંદીગઢ) |
14 ડિસેમ્બર | ત્રીજી T20 | ધર્મશાળા |
17 ડિસેમ્બર | ચોથી T20 | લખનૌ |
19 ડિસેમ્બર | પાંચમી T20 | અમદાવાદ |
પાંચ મેચોની આ સીરિઝની બધી મેચો રોમાંચક અને હાઇ-સ્કોરિંગ હોવાની અપેક્ષા છે.
લાઈવ ટેલિકાસ્ટ અને સ્ટ્રીમિંગ
ભારત સાઉથ આફ્રિકા T20 સીરિઝનું સ્ટાર સ્પોર્ટ્સ નેટવર્ક પર લાઈવ પ્રસારણ કરવામાં આવશે. ફેન્સ JioHotstar એપ અને વેબસાઇટ દ્વારા તેમના મોબાઈલ ફોન અથવા લેપટોપમાં પણ મેચના સ્ટ્રીમિંગની મજા લઈ શકે છે.
ગિલની વાપસી, સૂર્યકુમાર કેપ્ટન
BCCI એ સીરિઝ માટે 15 સભ્યોની ટીમની જાહેરાત કરી છે. સૂર્યકુમાર યાદવ ટીમની કેપ્ટનસી કરશે. શુભમન ગિલ ઈજામાંથી વાપસી કરી રહ્યો છે અને તેને વાઇસ-કેપ્ટન બનાવવામાં આવ્યો છે. હાર્દિક પંડ્યા પણ ઈજામાંથી વાપસી કરી રહ્યો છે, જે ટીમ માટે મોટી રાહત છે. બોલિંગમાં, જસપ્રીત બુમરાહ અને અર્શદીપ સિંહ પેસ બોલિંગ સંભાળશે.
ભારતીય ટીમ:
સૂર્યકુમાર યાદવ (C), શુભમન ગિલ, અભિષેક શર્મા, તિલક વર્મા, હાર્દિક પંડ્યા, શિવમ દુબે, અક્ષર પટેલ, જીતેશ શર્મા (WK), સંજુ સેમસન (WK), જસપ્રિત બુમરાહ, વરુણ ચક્રવર્તી, અર્શદીપ સિંહ, કુલદીપ યાદવ, હર્ષિત રાણા, વોશિંગ્ટન સુંદર.
સાઉથ આફ્રિકાની ટીમ:
એડેન માર્કરમ (C), ડેવાલ્ડ બ્રેવિસ, રીઝા હેન્ડ્રીક્સ, ડેવિડ મિલર, જ્યોર્જ લિંડે, કોર્બીન બોશ, માર્કો જેન્સેન, ક્વિન્ટન ડી કોક (WK), ડોનોવન ફેરેરા (WK), ટ્રિસ્ટન સ્ટબ્સ, ઓટનિલ બાર્ટમેન, કેશવ મહારાજ, લુન્ગી એન્ગિડી, એનરીચ નોર્ટજે, લુથો સિપામલા.
