સોશિયલ મીડિયામાં યૂઝર્સની કોમેન્ટનું ઘોડાપુર! : મહાકુંભ જઈ ના શક્યા તો સ્વિમિંગ પૂલને જ બનાવી દીધો 'સંગમ', એક સોસાયટીનો VIDEO વાયરલ

Noida Society Video Viral During Mahakumbh : પ્રયાગરાજમાં મહાકુંભ ચાલી રહ્યો છે. સંગમમાં કરોડો લોકોએ આસ્થાનો લ્હાવો લીધો છે. જો કે, એવા ઘણા લોકો છે જે વિવિધ કારણોસર સ્નાન કરવા માટે પ્રયાગરાજ પહોંચી શક્યા નથી. નોઈડાની એક સોસાયટીના ઘણા લોકો એવા હતા જેઓ પ્રયાગરાજ જઈ શક્યા ન હતા, તેથી તેઓએ સ્વિમિંગ પૂલને 'સંગમ'માં ફેરવી દીધું અને શ્રદ્ધાથી સ્નાન કર્યું.

સોશિયલ મીડિયા પર વાયરલ થઈ રહેલા વીડિયોમાં જોઈ શકાય છે કે ઘણી મહિલાઓ સ્વિમિંગ પૂલમાં સ્નાન કરી રહી છે. કહેવાય છે કે સોસાયટીમાંથી કોઈ મહાકુંભમાં ગયું હતું અને ત્યાંથી ગંગા જળ લઈને આવ્યા હતા. મહિલાઓએ સ્વિમિંગ પુલમાં આ પાણી રેડીને તેને સંગમ ગણીને ભક્તિભાવથી સ્નાન કરતા જોવા મળ્યા હતા.

પૂલમાં ગંગાનું પાણી રેડયું અને પછી.... થઈ ગયું મહાકુંભ
વીડિયો @pankajjha_ ના X એકાઉન્ટ પર શેર કરવામાં આવ્યો છે. વીડિયોમાં શેર કરવામાં આવ્યું છે કે કોઈએ અલૌકિક મહાકુંભમાંથી સંગમનું પાણી લઈને આવ્યું. જેથી સોસાયટીના લોકોએ તેને બેચલર પૂલમાં નાંખી દીધું. હવે દરેક વ્યક્તિ પૂલમાં જ ડૂબકી મારી રહી છે. એક મિત્રએ આ વીડિયો ATS સોસાયટીમાં મોકલ્યો છે.

સોશિયલ મીડિયા યુઝર્સની પ્રતિક્રિયાઓ
એક સોશિયલ મીડિયા યુઝરે લખ્યું, "આ વિચાર યોગીએ સરકારને પહેલા આપ્યો હોત યાર, જો બીજેપી અને આરએસએસના કાર્યકરો દરેક ગામમાં ગંગા જળનું વિતરણ કર્યું હોત, તો મહાકુંભમાં કોઈ અરાજકતા ન હોત." બીજાએ લખ્યું કે "લોકો ધર્મના નામે કંઈ પણ કરવા તૈયાર છે." એકે લખ્યું, "મન ચંગા તો કઠોતી મેં ગંગા!

એક સોશિયલ મીડિયા યુઝરે લખ્યું, "જો આટલો શાનદાર વિચાર પહેલા આવ્યો હોત તો પ્રયાગરાજમાં ભીડથી ઘણી મુશ્કેલીઓથી બચી શકતા હતા." એકે લખ્યું કે " ભણેલા ગણેલા લોકો પણ આવી માન્યતાઓમાં વિશ્વાસ કરે છે, તેથી ધર્મ ચોક્કસપણે દરેકના મન પર હાવી થઈ ચૂક્યો છે."