- WhatsApp Support Ending 2025: મેટાનું ઇન્સ્ટન્ટ મેસેજિંગ અને કોલિંગ પ્લેટફોર્મ વોટ્સએપ સમગ્ર વિશ્વમાં ખૂબ જ લોકપ્રિય છે. એપના કરોડો એક્ટિવ યુઝર્સ છે અને આજકાલ લગભગ દરેક વ્યક્તિ પોતાના એન્ડ્રોઈડ સ્માર્ટફોન કે આઈફોનમાં આ એપનો ઉપયોગ કરી રહ્યા છે. વોટ્સએપ સતત એપમાં એક પછી એક નવા ફીચર્સ લાવી રહ્યું છે, જેના કારણે એપની ન્યૂનતમ જરૂરિયાત પણ વધી રહી છે અને કેટલાક જૂના ફોન આ ફીચર્સને હેન્ડલ કરી શકતા નથી, જેના કારણે હવે કંપની કેટલાક ફોનમાંથી એપનો સપોર્ટ સમાપ્ત કરવા જઈ રહ્યી છે. ચાલો તેના વિશે વિગતવાર જાણીએ...
રિપોર્ટમાં ખુલાસો
તાજેતરના સામે આવેલ HDblogના એક રિપોર્ટ અનુસાર 20 થી વધુ એન્ડ્રોઇડ સ્માર્ટફોન નવા વર્ષના પ્રથમ દિવસ એટલે કે 1 જાન્યુઆરીથી વોટ્સએપ સપોર્ટ ગુમાવશે. આ ખાસ કરીને તે ઉપકરણો માટે છે જે હજી પણ જૂની ઓપરેટિંગ સિસ્ટમ્સ પર ચાલી રહ્યાં છે. વોટ્સએપ ઉપરાંત એવી પણ સંભાવના છે કે ફેસબુક અને ઇન્સ્ટાગ્રામ જેવી કેટલીક અન્ય મેટા એપ્સ પણ ટૂંક સમયમાં આ ઉપકરણો પર કામ કરવાનું બંધ કરી દેશે. રસપ્રદ વાત એ છે કે, આ લિસ્ટમાં કેટલાક સ્માર્ટફોન HTC અને LG જેવી બ્રાન્ડના છે, જેમણે વર્ષો પહેલા સ્માર્ટફોન બનાવવાનું બંધ કરી દીધું છે.
આ સ્માર્ટફોનમાં વોટ્સએપ કામ નહીં કરે- Samsung Galaxy S3
- Samsung Galaxy Note 2
- Samsung Galaxy Ace 3
- Samsung Galaxy S4 Mini
- Moto G (1st Gen)
- Motorola Razr HD
- Moto E 2014
- HTC One X
- HTC One X+
- HTC Desire 500
- HTC Desire 601
- HTC Optimus G
- HTC Nexus 4
- LG G2 Mini
- LG L90
- Nokia lumia 1020
- Sony Xperia Z
- Sony Xperia SP
- Sony Xperia T
- Sony Xperia V
તાત્કાલિક કરી લો આ કામ
નોંધનીય છે કે, વોટ્સએપની ઍક્સેસ ગુમાવનાર તમામ ઉપકરણો ઓછામાં ઓછા 10 વર્ષ જૂના છે. તેથી, જો તમારી પાસે 5 કે 6 વર્ષ જૂનું એન્ડ્રોઇડ ડિવાઇસ હોય, તો પણ વોટ્સએપ અન્ય ફોન પર સારું કામ કરશે. જો કે, જો તમારી પાસે ઉપરોક્ત ઉલ્લેખિત સ્માર્ટફોન્સમાંથી કોઈપણ હોય તો અમે તમને તમામવોટ્સએપ ચેટ્સનો Google એકાઉન્ટમાં બેકઅપ લેવાની ભલામણ કરીએ છીએ જેથી કરીને નવા સ્માર્ટફોન પર તમામ ચેટ્સ સરળતાથી પુનઃસ્થાપિત કરી શકાય.





















