એરસ્પેસ બંધ કરવાથી વધુ નુકસાન પાકિસ્તાનને જ : કંગાળિસ્તાનના ખિસ્સા પર મોટો ફટકો

પહેલગામ આતંકી હુમલા બાદ ભારતે પાકિસ્તાન વિરુદ્ધ કડક નિર્ણયો લીધા હતા અને તેના જવાબમાં પાકિસ્તાને હવે ભારત સાથે લગભગ તમામ પ્રકારના સંબંધો ખતમ કરવાની જાહેરાત કરી છે. પાકિસ્તાનની રાષ્ટ્રીય સુરક્ષા સમિતિ (NSC)એ 1972ના સિમલા કરારને રદ કરી દીધો છે અને તમામ દ્વિપક્ષીય કરારોને સ્થગિત કરી દીધા છે. એટલું જ નહીં, પાકિસ્તાને ભારત માટે તેની એરસ્પેસ પણ બંધ કરી દિધી છે.

હવાઈ ​​મુસાફરી પર શું અસર પડશે?
પાકિસ્તાની એરસ્પેસ બંધ થવાથી ઉત્તર ભારતથી પશ્ચિમ તરફ જતી ફ્લાઈટ્સ પર સૌથી વધુ અસર પડશે. દિલ્હી, લખનૌ, જયપુર, ચંદીગઢ અને અમૃતસર જેવા શહેરોથી યુરોપ, યુએસ અને પશ્ચિમ એશિયાની ફ્લાઈટ્સ હવે ગુજરાત અથવા મહારાષ્ટ્ર થઈને અરબી સમુદ્ર તરફ ડાયવર્ટ કરવી પડશે, ફ્લાઇટનો સમય સરેરાશ 70-80 મિનિટનો વધારો કરશે.

આ કારણે ભારતીય એરલાઈન્સે વધુ ઈંધણ ખર્ચવું પડશે, જેના કારણે તેમને નુકસાન થશે. છેલ્લી વાર, જ્યારે પાકિસ્તાને 2019માં કલમ 370 નાબૂદ કર્યા પછી એરસ્પેસ બંધ કરી દીધું હતું, ત્યારે ભારતીય એરલાઇન્સને લગભગ 700 કરોડ રૂપિયાનું નુકસાન થયું હતું. મુસાફરોને મોંઘી ટિકિટનો પણ સામનો કરવો પડ્યો હતો.

પાકિસ્તાનને વધુ નુકસાન થયું છે
મીડિયા રિપોર્ટ્સ અનુસાર છેલ્લી વખત પાકિસ્તાને આવું પગલું ભર્યું ત્યારે ભારતીય એરલાઈન્સને લગભગ 700 કરોડ રૂપિયાનું નુકસાન થયું હતું. દેશની અગ્રણી એરલાઈન એર ઈન્ડિયાને સૌથી મોટો ફટકો પડ્યો. આ વખતે પણ ફ્લાઈટનો સમયગાળો વધશે, વધુ ઈંધણ બળશે અને નુકસાનની ભરપાઈ કરવા ટિકિટના ભાવ પણ વધી શકે છે. મતલબ કે મુસાફરોએ હવે તેમના ખિસ્સા થોડા વધુ ઢીલા કરવા પડશે

પરંતુ સૌથી વધુ નુકસાન પાકિસ્તાનને જ થયું છે. ગત વખતે એરસ્પેસ બંધ થવાને કારણે પાકિસ્તાનને લગભગ 50 મિલિયન ડોલર (લગભગ 400 કરોડ રૂપિયા)ની આવકનું નુકસાન થયું હતું. પહેલેથી જ આર્થિક સંકટનો સામનો કરી રહેલા પાકિસ્તાન માટે આ એક મોટો ફટકો સાબિત થઈ શકે છે.