ફોન ગરમ થવા પર લાગી શકે છે આગ : કેટલુ હોવું જોઈએ ફોનનું ટેમ્પ્રેચર

થોડાક જ સમયમાં હવે ઉનાળો આવી રહ્યો છે અને શિયાળો હવે જવાની તૈયારીમાં છે. ભારતના ઘણા ભાગો અતિશય ગરમી પડે છે. આવી સ્થિતિમાં, સ્માર્ટફોન જેવા કોઈપણ ડિવાઈસનું ગરમ થવું ખુબ જ સામાન્ય છે. જો કે, જો ફોન વધારે ગરમ થાય તો તે બ્લાસ્ટ પણ થઈ શકે છે. જેથી તેને સુરક્ષિત જગ્યા પર રાખવવો જરૂરી છે. તો ચાલો જાણીએ કે ફોનનું ટેમ્પ્રેચર કેટલુ હોવું જોઈએ અને જો તે ગરમ થઈ રહ્યો છે તો શું કરવું?

ફોનનું ટેમ્પ્રેચર કેટલું હોવું જોઈએ?

અલગ અલગ કંપનીઓનું કહેવું છે કે ફોનનું ટેમ્પ્રેચર 0-35 ડિગ્રી વચ્ચે હોવું જોઈએ. વધારે ઠંડુ તાપમાન પણ ફોન માટે જોખમી હોઈ શકે છે અને વધારે તાપમાન પણ તેને ગરમ કરીને વિસ્ફોટ કરી શકે છે. તેથી જો તમારો ફોન વધારે ગરમ થતો હોય, તો તેને ઠંડી જગ્યાએ લઈ જાવ. હાલ સ્માર્ટફોન વધારે ગરમ થાય છે ત્યારે વોર્નિંગ આપવાનું શરૂ કરે છે. તાપમાન ઘટાડવા માટે ફોન જાતે જ ઘણી સુવિધાઓ બંધ કરી દે છે.

જો ફોન વધારે ગરમ હોય તો શું કરવું?

સૌ પ્રથમ, તેને ગરમ વસ્તુઓથી દૂર રાખો. જો તમે ફોન ચાર્જ કરી રહ્યા છો, તો તેને ઓશીકું વગેરેની નીચે ન મૂકો. તેનાથી જોખમ વધી શકે છે. જ્યારે ફોન વધારે ગરમ થાય, ત્યારે તેને સપાટ, ઠંડી અને ખુલ્લી જગ્યાએ મૂકી દો. થોડા સમય પછી ગરમી ઘટી જશે.

ફોન બંધ કરો
જો ફોન વધારે ગરમ થઈ રહ્યો હોય, તો તેને થોડા સમય માટે બંધ કરી દો. તેને બંધ કરવાથી ફોન ધડપથી ઠંડો થશે. જો જરૂર ના પડે તો ફોનને લાંબા સમય સુધી બંધ પણ રાખી શકાય છે. સાથે જ જે એપ્સનો ઉપયોગ નથી કરતા તેને કાઢી નાંખો. ઓગમેન્ટેડ રિયાલિટી સુવિધાઓ અને GPS નેવિગેશનનો ઉપયોગ કરતી વખતે ફોનનું સીપીયુ ખૂબ જ કામ કરે છે. આવી સ્થિતિમાં, જો તમને જરૂર ન હોય તો આ એપ્લિકેશનો બંધ કરી દો. ઘણી વખત, એપ્લિકેશન્સ ઉપયોગમાં ના હોય ત્યારે પણ બેકગ્રાઉન્ડમાં ચાલે છે, જે CPU પર પ્રેશર મુકે છે.

જ્યારે ચાર્જ કરતી વખતે ગરમ હોય ત્યારે શું કરવું?
જો ચાર્જ કરતી વખતે તમારો ફોન ગરમ થઈ રહ્યો હોય, તો તેને ચાર્જિંગ કેસમાંથી દૂર કરો. ઉપરાંત, તે ચેક કરો કે પાવર કેબલ ગમે અડધો તૂટી તો નથી ગયોને. ખરાબ કેબલ પણ ફોનને ગરમ કરી શકે છે. હંમેશા સારી ગુણવત્તાના ચાર્જરનો ઉપયોગ કરો.