Shubman Gill's records in Asia Cup: એશિયા કપ 2025 ની શરૂઆત 9 સપ્ટેમ્બરથી થવાની છે. આ માટે ભારતીય ટીમની જાહેરાત કરવામાં આવી છે. શુભમન ગિલને ટીમ ઈન્ડિયાના ઉપ-કેપ્ટન તરીકે પસંદ કરવામાં આવ્યો છે. ગિલ અગાઉ 2023 ODI એશિયા કપનો ભાગ રહી ચૂક્યો છે. આ ફક્ત બીજી વખત હશે જ્યારે તે એશિયા કપમાં રમતા જોવા મળશે. આ પહેલી વાર હશે જ્યારે તે એશિયા કપના T20 ફોર્મેટમાં રમશે.
શુભમન ગિલનો એશિયા કપમાં રેકોર્ડ
ગિલ 2023 માં એશિયા કપમાં રમ્યો હતો. આ સમય દરમિયાન, ગિલ ટુર્નામેન્ટમાં સૌથી વધુ રન બનાવનાર ખેલાડી હતો. ગિલે આખી ટુર્નામેન્ટ દરમિયાન શાનદાર બેટિંગ કરી. 2023 માં એશિયા કપ ODI ફોર્મેટમાં રમાયો હતો. ગિલે 6 મેચમાં 302 રન બનાવ્યા હતા, જેમાં તેણે લગભગ 76 ની એવરેજથી બેટિંગ કરી હતી. આ સમયગાળા દરમિયાન ગિલે શાનદાર સેંચુરી ફટકારી હતી. ગિલના બેટમાંથી બે અર્ધ શતક સામેલ હતા. જોકે, આ વખતે એશિયા કપ T20 ફોર્મેટમાં રમાશે. આ પહેલી વાર હશે જ્યારે ગિલ એશિયા કપના T20 ફોર્મેટમાં રમતા જોવા મળશે.
શુભમન ગિલના T20ના રેકોર્ડ
T20માં શુભમન ગિલનો રેકોર્ડમાં ગિલ અત્યાર સુધીમાં ભારત માટે 21ની T20 મેચો રમી છે. ગિલે આ દરમિયાન 30.42 ની એવરેજથી 578 રન બનાવ્યા છે. ગિલે 3 અર્ધ શતક અને એક શતક ફટકાર્યું છે. આ દરમિયાન ગિલનો સ્ટ્રાઇક રેટ 139.28 રહ્યો છે.
એશિયા કપમાં ભારતીય ટીમનો કાર્યક્રમ
ભારતીય ટીમ 10 સપ્ટેમ્બરે પોતાના અભિયાનની શરૂઆત કરશે. જ્યાં તેનો મુકાબલો UAE સામે થશે. ત્યારબાદ ભારતનો મુકાબલો પાકિસ્તાન સામે થશે. જે 14 સપ્ટેમ્બરે રમાશે. ટીમ ઈન્ડિયા ગ્રુપ સ્ટેજની છેલ્લી મેચ ઓમાન સામે રમશે. આ મેચ 19 સપ્ટેમ્બરે યોજાશે.
2025 એશિયા કપ માટે ભારતીય ટીમ
સૂર્યકુમાર યાદવ (કેપ્ટન), શુભમન ગિલ (વાઈસ-કેપ્ટન), અભિષેક શર્મા, તિલક વર્મા, હાર્દિક પંડ્યા, શિવમ દુબે, અક્ષર પટેલ, જિતેશ શર્મા (વિકેટકીપર), જસપ્રિત બુમરાહ, અર્શદીપ સિંહ, વરુણ ચક્રવર્તી, સંજુ સેમસન (વિકેટકીપર), હર્ષિત રાણા અને રિંકુ સિંહ.
