Weight Loss Revolution: જીમ-ડાયટ કરીને વજન ઘટાડવામાં કંટાળી ગયા છો? હવે એક ઇન્જેક્શનથી ભૂખ ઓછી થશે અને વજન પણ ઝડપથી ઘટશે! વિશ્વભરમાં તહલકો મચાવનારી ઓઝેમ્પિક (Ozempic) દવા આખરે ભારતમાં લોન્ચ થઈ ગઈ છે. નોવો નોર્ડિસ્ક કંપનીએ આ બ્લોકબસ્ટર દવા 12 ડિસેમ્બર 2025ના રોજ ભારતીય બજારમાં ઉતારી છે. મુખ્યત્વે ટાઇપ-2 ડાયાબિટીસ માટે બનાવેલી આ દવા વજન ઘટાડવામાં પણ અસરકારક છે અને ડાયાબિટીસના દર્દીઓમાં 8 કિલો સુધી વજન ઘટાડી શકે છે! આ પહેલાં એલી લિલીની માઉન્જારો અને નોવોની વેગોવી જેવી દવાઓ આવી ચૂકી છે, પરંતુ ઓઝેમ્પિકની લોન્ચિંગથી વજન અને ડાયાબિટીસની સારવારમાં નવી ક્રાંતિ આવશે. ચાલો જાણીએ આ દવા કેવી રીતે કામ કરે છે, કિંમત કેટલી છે અને કોણ લઈ શકે છે.
ઓઝેમ્પિકનો મુખ્ય હેતુ ડાયાબિટીસને નિયંત્રિત કરવાનો છે. તે ભૂખ ઘટાડે છે અને બ્લડ સુગર લેવલને નિયંત્રિત કરે છે. આ દવામાં સેમાગ્લુટાઇડ હોય છે, જે શરીરમાં CLP-1 હોર્મોનની જેમ જ કામ કરે છે. દવા આ હોર્મોનને સંતુલિત કરે છે, ખાંડના સ્તરને નિયંત્રિત કરે છે અને ભૂખ ઘટાડે છે. જ્યારે વ્યક્તિ ઓછું ખાય છે, ત્યારે શરીર પણ ઓછી કેલરી વાપરે છે, જેના કારણે વજન ઘટે છે.
ભારતમાં કિંમત શું હશે?
ભારતમાં ઓઝેમ્પિકની કિંમત ડોઝ પર આધાર રાખે છે. 0.25 મિલિગ્રામના સાપ્તાહિક ડોઝની કિંમત રૂ.2,200 છે. 0.5 મિલિગ્રામના સાપ્તાહિક ડોઝની કિંમત રૂ.2,540 છે. 1 મિલિગ્રામના ડોઝની કિંમત સાત દિવસ માટે રૂ.2,800 છે. આ કિંમતો સાપ્તાહિક ડોઝ પર આધારિત છે. જો કોઈ વ્યક્તિ એક મહિના કે છ મહિના માટે ડોઝ લે છે, તો કિંમત તે મુજબ વધશે. જરૂરી ડોઝ વ્યક્તિના તબીબી ઇતિહાસ અને સ્થૂળતા અથવા ડાયાબિટીસના પ્રકાર પર આધાર રાખે છે. ડોઝ ડૉક્ટર દ્વારા નક્કી કરવામાં આવે છે.
શું આ દવા દરેક જાડા(મેદસ્વી) વ્યક્તિ માટે યોગ્ય છે?
દિલ્હીની GTB હોસ્પિટલના મેડિસિન વિભાગના ડૉ. અજિત કુમાર આ અંગે વાત કરતા જણાવે છે કે, જ્યારે ભારતમાં ઓઝેમ્પિક લોન્ચ થયું છે તે સારી વાત છે, તો કોઈએ ડૉક્ટરની સલાહ લીધા વિના તે ન લેવી જોઈએ. તે ચોક્કસ નથી કે દવા દરેક પર સમાન અસર કરશે. તેની કેટલીક આડઅસર પણ થઈ શકે છે. પેટની ગંભીર બીમારીઓ અથવા હાઈ બ્લડ સુગર લેવલ ધરાવતા લોકોએ દવા લેવાનું ટાળવું જોઈએ. ડૉક્ટરની સલાહ લેવી જરૂરી છે.
