રન મશીન વિરાટ કોહલી (Virat Kohli) એ ફરી એકવાર સાબિત કરી દીધું છે કે તેને શા માટે 'કિંગ કોહલી' કહેવામાં આવે છે. રાયપુરમાં દક્ષિણ આફ્રિકા સામે રમાયેલી બીજી વનડે મેચમાં કોહલીએ પોતાના વનડે કરિયરની 53મી સદી (53rd ODI Century) ફટકારી છે. આ સાથે જ તેના આંતરરાષ્ટ્રીય કરિયરની આ કુલ 84મી સદી બની ગઈ છે.
સતત બે મેચમાં બે સદીનો રેકોર્ડ વિરાટે આ સદી માત્ર 99 બોલમાં પૂરી કરી હતી. વર્તમાન સીરીઝમાં આ તેની સતત બીજી સદી છે.
વર્લ્ડ રેકોર્ડ: વિરાટ કોહલી દુનિયાનો એકમાત્ર એવો ક્રિકેટર બની ગયો છે જેણે ODI ક્રિકેટમાં 11 વખત કોઈપણ બે ઇનિંગ્સમાં સતત (Back-to-back) સદી ફટકારી હોય.
આ લિસ્ટમાં બીજા નંબરે એબી ડિવિલિયર્સ છે, જેણે આવું કારનામું 6 વાર કર્યું હતું.
આફ્રિકા સામે કોહલીનું શાસન
ભારતીય ટીમના આ પૂર્વ કેપ્ટને દક્ષિણ આફ્રિકા સામે પોતાની છેલ્લી ત્રણેય વનડે ઇનિંગ્સમાં સદી ફટકારી છે:
વર્લ્ડ કપ 2023માં અણનમ 101 રન.
વર્તમાન સીરીઝની પહેલી મેચમાં સદી.
રાયપુર વનડેમાં સદી.
સૌથી વધુ રન અને સદીનો રેકોર્ડ
વિરાટ કોહલીએ દક્ષિણ આફ્રિકા સામે વનડેમાં સૌથી વધુ રન બનાવવાનો રેકોર્ડ પણ પોતાના નામે કર્યો છે.
આંકડા: 31 ઇનિંગ્સમાં 1741 રન.
સદી: આફ્રિકા સામે કુલ 7 સદી અને 7 અડધી સદી.
આ મામલે તેણે ડેવિડ વોર્નર (1255 રન) ને પાછળ છોડી દીધો છે.
ઋતુરાજ ગાયકવાડની પણ પ્રથમ સદી
આ જ મેચમાં વિરાટ પહેલા યુવા બેટ્સમેન ઋતુરાજ ગાયકવાડ (Ruturaj Gaikwad) એ પણ કમાલ કરી બતાવી હતી. તેણે પોતાના વનડે કરિયરની સૌપ્રથમ સદી ફટકારી હતી, જેના કારણે ટીમ ઇન્ડિયા મજબૂત સ્થિતિમાં પહોંચી હતી.
