બોલિવૂડ એક્ટ્રેસ વિદ્યા બાલને ઈન્સ્ટાગ્રામ પર એક વીડિયો શેર કર્યો છે. શેર કરેલી પોસ્ટમાં, તેમણે AI જનરેટેડ કન્ટેન્ટની નિંદા કરી છે. તેમણે લોકોને માહિતી શેર કરતા પહેલા તેની ચકાસણી કરવા વિનંતી કરી હતી. તેમણે ઉદાહરણ તરીકે આ પોસ્ટ સાથે પોતાનો એક નકલી વીડિયો શેર કર્યોઅને લોકોને હેશટેગનો ઉપયોગ કરીને નકલી વીડિયો અને કન્ટેન્ટ વિષયે સાવચેત અને જાગૃત રહેવાની સલાહ પણ આપી છે. આ વીડિયોમાં 'સ્કેમ એલર્ટ "પણ લખેલું છે.
પોસ્ટમાં વિદ્યા બાલને શું લખ્યું?
વિદ્યા બાલને લખ્યું, "આજકાલ, સોશિયલ મીડિયા અને વોટ્સએપ પર ઘણા વીડિયો વાયરલ થઈ રહ્યા છે, જેમાં દાવો કરવામાં આવી રહ્યો છે કે તેઓ એક પ્રખ્યાત વ્યક્તિ સાથે જોડાયેલા છે. અભિનેત્રીએ આગળ લખ્યું, "આમાંના કેટલાક વીડિયોમાં મારી ઉપસ્થિતિનો દાવો કરવામાં આવે છે. જો કે, હું તમને સ્પષ્ટતા કરવા માગુ છું કે આ વીડિયો સંપૂર્ણપણે AI-જનરેટેડ અને નકલી છે.
આ વીડિયો પાછળનું સત્ય શું છે?
વિદ્યાએ વધુમાં કહ્યું કે આ વાયરલ વીડિયોમાં કરવામાં આવેલા તમામ દાવા ખોટા છે. અભિનેત્રીએ લખ્યું, "મને આ આર્ટિફિશિયલ ઇન્ટેલિજન્સ દ્વારા બનાવવામાં આવેલા વીડિયો સાથે કોઈ લેવાદેવા નથી. હું આ વીડિયોને બિલકુલ સમર્થન આપતો નથી.
Toxic’ ફિલ્મમાં થયો છે કેટલાક બોલ્ડ સીનનો સમાવેશ: કિયારા અડવાણીએ બોલ્ડ સીન ઘટાડવાની કરી માંગ
