સારી કમાણી, છતાં હાથમાં નથી ટકતા પૈસા? : આર્થિક વૃદ્ધિ માટે અપનાવો અસરકારક વાસ્તુ ટિપ્સ

જીવનમાં સખત મહેનત અને આકર્ષક Salary હોવા છતાં અનેક લોકો સતત આર્થિક ખેંચતાણનો સામનો કરતા હોય છે. વાસ્તુશાસ્ત્રના નિષ્ણાતોના મતે ઘરની ઉર્જા અને વસ્તુઓની દિશામાં થોડા ફેરફાર કરવાથી પૈસાની તંગીમાંથી મુક્તિ મળી શકે છે. જો તમે પણ બચત કરવામાં નિષ્ફળ જઈ રહ્યા હોવ તો તમારા ઘરના વાસ્તુમાં રહેલા દોષોને દૂર કરીને ધનનો પ્રવાહ વધારી શકો છો.

ઉત્તર દિશાને સકારાત્મક બનાવો

વાસ્તુ વિજ્ઞાનમાં ઉત્તર દિશાને કુબેર દેવનું સ્થાન માનવામાં આવે છે જે કરિયર અને પ્રગતિ માટે અત્યંત મહત્વની છે. આ દિશામાં વધારાનો સામાન કે ભંગાર રાખવાથી ધનનું આગમન અટકી જાય છે. તેથી ઉત્તર દિશાને હંમેશા સ્વચ્છ અને પ્રકાશિત રાખવી જોઈએ. અહીં નાનો પાણીનો ફુવારો અથવા જળ સંબંધિત તસવીરો લગાવવાથી આવકના સ્ત્રોત વધે છે. જોકે આ દિશામાં ઘાટા કાળા કે વાદળી રંગનો ઉપયોગ કરવાનું ટાળવું હિતાવહ છે.

રસોડું અને પાણીનો બગાડ અટકાવો

ધન હાનિ પાછળ રસોડામાં રહેલી ખામીઓ પણ જવાબદાર હોઈ શકે છે. દક્ષિણ પૂર્વ દિશામાં રાંધણ ગેસ રાખવાનું ટાળવું જોઈએ. આ ઉપરાંત ઘરમાં ટપકતા નળ અથવા પાઈપલાઈનમાં થતું Leakage આર્થિક નુકસાનનું મુખ્ય કારણ બને છે. વહેતું પાણી એ વહેતી સંપત્તિનું પ્રતીક છે તેથી ખરાબ ટોટી તુરંત બદલાવી જોઈએ.

તિજોરી અને મુખ્ય દ્વારની સંભાળ

સંપત્તિમાં સ્થિરતા અને બચત વધારવા માટે તમારી તિજોરી અથવા રોકડ રાખવાનું સ્થાન દક્ષિણ પશ્ચિમ કે ઉત્તર પૂર્વ દિશામાં હોવું શ્રેષ્ઠ ગણાય છે. તે જ રીતે ઘરનો મુખ્ય દરવાજો સકારાત્મકતાનો પ્રવેશદ્વાર છે. તૂટેલો કે ગંદો દરવાજો નકારાત્મકતા ફેલાવે છે. મુખ્ય દ્વાર પર તાંબાનો Swastik અથવા શુભ ચિહ્નો લગાવવાથી લક્ષ્મીજી પ્રસન્ન થાય છે.

આર્થિક ઉન્નતિ માટે ફાઈનાન્શિયલ અને ફ્રેન્ગ શુઈ ટિપ્સ

જીવનમાં સંપન્નતા મેળવવા માટે તમારી કમાણીનો અમુક હિસ્સો દાનમાં વાપરવો જોઈએ જે ગ્રહોના દોષ દૂર કરે છે. આ સિવાય ઘરમાં Kuber Yantra સ્થાપિત કરવું જોઈએ. જો ઘરમાં Aquarium હોય તો તેને ઉત્તર પૂર્વ ખૂણામાં રાખવાથી સૌભાગ્ય વધે છે. ઘરની છત પરની પાણીની ટાંકી દર 6 મહિને સાફ કરવી જોઈએ અને બાથરૂમ ઉત્તર પશ્ચિમ દિશામાં હોવું જોઈએ. દરરોજ સવાર સાંજ ઘરમાં સુગંધિત અગરબત્તી પ્રગટાવવાથી વાતાવરણ પવિત્ર રહે છે અને ઉર્જા સંતુલિત થાય છે.