કોર્ટે ટ્રમ્પને આપ્યો મોટો ઝટકો : આ નિર્ણયનો કર્યો વિરોધ

ડોનાલ્ડ ટ્રમ્પ એક તરફ આવતાની સાથે કડક પગલા લઈ રહ્યાં છે તો બીજી તરફ તેમના લીધેલા કડક પગલાનો પણ વિરોધ થઈ રહ્યો છે. અમેરિકાની એક અદાલતે ડોનાલ્ડ ટ્રમ્પ વહિવટીતંત્ર દ્વારા મોટા પાયે કર્મચારીઓની હકાલપટ્ટી સામે તેઓને પુનઃસ્થાપિત કરવાનો આદેશ આપ્યો છે. આ આદેશ ટ્રેઝરી, વેટરન્સ અફેર્સ, કૃષિ, સંરક્ષણ, ઊર્જા અને આંતરિક વિભાગો સહિત છ ફેડરલ એજન્સીઓને જારી કરવામાં આવ્યો હતો. આ કર્મચારીઓને "નબળા પ્રદર્શન" ના આધારે બરતરફ કરવામાં આવ્યા હતા.

ન્યાયમૂર્તિ વિલિયમ અલસુપે કર્મચારી સંઘો વતી દાખલ કરવામાં આવેલી અરજીની સુનાવણી બાદ ચુકાદો આપ્યો હતો. ન્યૂયોર્ક ટાઈમ્સ અનુસાર, ન્યાયાધીશે કહ્યું કે ટ્રમ્પ વહીવટીતંત્રે નબળા પ્રદર્શનના આધારે કર્મચારીઓને ખોટી રીતે બરતરફ કર્યા હતા. તેમણે જણાવ્યું હતું કે આ સમર્થન માત્ર કાયદાકીય જરૂરિયાતોને ટાળવાનો પ્રયાસ હતો અને તે કર્મચારીઓની વાસ્તવિક કામગીરી પર આધારિત ન હતો.

ન્યાયાધીશે શું કહ્યું?
સાન ફ્રાન્સિસ્કોમાં યુએસ કોર્ટે કહ્યું, "તે એક દુઃખદ દિવસ છે જ્યારે અમારી સરકાર સારા કર્મચારીઓને બરતરફ કરે છે અને કહે છે કે તે કામગીરીના આધારે કરવામાં આવ્યું હતું, જે જૂઠાણું છે. તેમણે ફેડરલ એજન્સીઓને અયોગ્ય રીતે બરતરફ કરાયેલા કોઈપણ કર્મચારીઓને પુનઃસ્થાપિત કરવા નિર્દેશ આપ્યો હતો.

ટ્રમ્પ વહિવટીતંત્રની કાર્યવાહી સામે કોર્ટનો વિરોધ
વ્હાઇટ હાઉસમાં પરત ફર્યા બાદ ડોનાલ્ડ ટ્રમ્પે અમેરિકી સરકારનું કદ ઘટાડવા અને ખર્ચમાં ઘટાડો કરવા માટે આકરા પગલાં લીધાં છે. આમાં હજારો સંઘીય કર્મચારીઓને બરતરફ કરવાનો સમાવેશ થાય છે. જોકે, આ ચુકાદાને કોર્ટમાં પડકારવામાં આવ્યો હતો. કેટલીક અદાલતોએ પણ કર્મચારીઓને રાહત આપતા આ નિર્ણય પર રોક લગાવવાનો આદેશ આપ્યો હતો. હાલમાં, આ આદેશને સરકારી માળખામાં કાપ મૂકવાના ટ્રમ્પના પ્રયાસો સામે નોંધપાત્ર ફટકો તરીકે જોવામાં આવે છે. કર્મચારીઓના અધિકારો માટે લડતા સંગઠનોએ આ નિર્ણયને આવકાર્યો હતો અને કહ્યું હતું કે આ ન્યાયનું ઉદાહરણ છે.