અમેરિકાથી આવેલા ગેરકાયદેસર ભારતીય ઈમિગ્રન્ટ્સનું ત્રીજો પ્લેન કુલ 112 લોકો સાથે અમૃતસર પહોંચી ગયું છે. પ્લેન રવિવારે (16 ફેબ્રુઆરી 2025) ના રોજ રાત્રે 10:09 વાગ્યે એરપોર્ટ પર ઉતર્યું. અમેરિકાથી લાવવામાં આવેલા 112 લોકોમાંથી 44 હરિયાણાના, 33 ગુજરાતના, 31 પંજાબના, બે ઉત્તર પ્રદેશના અને એક-એક ઉત્તરાખંડ અને હિમાચલ પ્રદેશના છે.
તપાસ પછી તેમને ઘરે જવાની મંજૂરી આપવામાં આવશે
દેશનિકાલ કરાયેલા લોકોને ઈમિગ્રેશન, ચકાસણી અને પૃષ્ઠભૂમિ તપાસ સહિત તમામ ઔપચારિકતાઓ પૂર્ણ કર્યા પછી તેમના ઘરે જવાની મંજૂરી આપવામાં આવશે. તમામ લોકોને ઘર સુધી પહોંચાડવા માટેની પણ વ્યવસ્થા કરવામાં આવી છે.
અમેરિકાથી 116 ગેરકાયદેસર ઈમિગ્રન્ટ્સને લઈને બીજી ફ્લાઇટ શનિવારે (15 ફેબ્રુઆરી, 2025) અમૃતસર આંતરરાષ્ટ્રીય એરપોર્ટ પર ઉતરી હતી તપાસ બાદ રવિવારે સવારે 4.30 વાગ્યે પંજાબના લોકોને પોલીસ વાહનોમાં તેમના ઘરે લઈ જવામાં આવ્યા હતા. હરિયાણા સરકારે પરિવહનની વ્યવસ્થા પણ કરી હતી.
બીજા પ્લેનના લોકોને પણ હાથકડી પહેરાવવામાં આવી હતી
અમેરિકાથી લાવવામાં આવેલા લોકોના બીજા જથ્થામાં પંજાબના 65, હરિયાણાના 33, ગુજરાતના 8, ઉત્તર પ્રદેશ, ગોવા, મહારાષ્ટ્ર અને રાજસ્થાનના બે-બે અને હિમાચલ પ્રદેશ અને જમ્મુ-કાશ્મીરના એક-એક વ્યક્તિને મોકલવામાં આવ્યા હતા. પરંતુ જેવા તેઓ પ્લેનમાંથી બહાર આવ્યા કે ત્રણ લોકોએ દાવો કર્યો હતો કે મુસાફરી દરમિયાન તેમને હાથકડી પહેરાવવામાં આવી હતી અને તેમના પગ સાથે સાંકળો બાંધવામાં આવી હતી.
#WATCH | Punjab: Aircraft carrying the third batch of illegal Indian immigrants lands in Amritsar as it arrives from the US. pic.twitter.com/siuyMUTbMP
— ANI (@ANI) February 16, 2025
બીજા પ્લેનમાં પટિયાલા જિલ્લાના રાજપુરાના બે યુવાનો હતા, જેમને હત્યાના કેસમાં અમૃતસર પહોંચ્યા પછી પોલીસે ધરપકડ કરી હતી. ગેરકાયદેસર વસાહતીઓનો પ્રથમ જથ્થો 5 ફેબ્રુઆરી, 2025ના રોજ અમેરિકાથી ભારત લાવવામાં આવ્યો હતો. વિમાનમાં 104 ભારતીય હતા, જેમાંથી મોટાભાગના પંજાબના હતા.
