યુપી વોરિયર્સે વિમેન્સ પ્રીમિયર લીગ 2025માં દિલ્લી કેપિટલ્સને 33 રનથી હરાવ્યું હતું. ટૂર્નામેન્ટમાં યુપીની આ પહેલી જીત છે અને તેણે છેલ્લી મેચમાં દિલ્લી સામેની હારનો બદલો પણ લીધો છે. યુપી તરફથી ચિનલ હેનરીએ સૌથી વધુ 62 રન બનાવ્યા હતા. યુપી તરફથી ક્રાંતિ ગૌર અને ગ્રેસ હેરિસે ચાર-ચાર વિકેટ ઝડપી હતી.
યુપી વોરિયર્સે પહેલાં 177 રન બનાવ્યા હતા. એક સમયે યુપીની ટીમની સ્થિતિ ખૂબ જ ખરાબ હતી, કારણ કે ટીમે 89ના સ્કોર પર 6 વિકેટ ગુમાવી હતી. વેસ્ટ ઈન્ડિઝના ચિનલ હેનરીએ માત્ર 18 બોલમાં અડધી સદી ફટકારી હતી. તે મહિલા પ્રીમિયર લીગના ઇતિહાસમાં સૌથી ઝડપી અડધી સદી ફટકારનારી ખેલાડી બની હતી. હેનરીએ 23 બોલમાં 62 રન બનાવીને યુપીને 177 રન સુધી પહોંચવામાં મદદ કરી હતી.
મજબૂત બોલિંગ સામે દિલ્લીની હાર
178 રનના લક્ષ્યાંકનો પીછો કરતા દિલ્લી કેપિટલ્સે કેપ્ટન મેગ લેનિંગને માત્ર 5 રનમાં ગુમાવી દીધી હતી. શેફાલી વર્માની 30 બોલમાં 24 રનની ધીમી ઈનિંગ દિલ્લીની ટીમ માટે ભારે પડી હતી. જેમિમા રોડ્રિગ્સે 35 બોલમાં 8 ચોગ્ગા અને એક છગ્ગાની મદદથી 56 રન બનાવ્યા હતા. રોડ્રિગ્ઝનો સ્કોર 111 રન પર પડી ગયો, જેના પછી દિલ્લીની આખી ટીમ પડી ભાંગી. એક સમયે દિલ્હીનો સ્કોર 5 વિકેટે 111 રન હતો, પરંતુ ટીમની આગામી 5 વિકેટ 33 રનની અંદર પડી ગઈ હતી. આમ દિલ્હીની આખી ટીમ 144 રન પર સમેટાઈ ગઈ હતી.
સતત પાંચમી વખત જીત્યું ગુજરાત: હૈદરાબાદ 86 રનમાં સમેટાયું
