કેવી રીતે તુલસી ગબાર્ડની કરાઈ પસંદગી? : ભૂતકાળમાં ક્યાં કરી ચુકી છે કામ?

ભારતીય મૂળની તુલસી ગબાર્ડને સેનેટમાં અંતિમ મતદાન પછી સત્તાવાર રીતે યુએસ ડિરેક્ટર ઓફ નેશનલ ઇન્ટેલિજન્સ (DNI) તરીકે નિયુક્ત કરવામાં આવ્યા હતા. તેમને રાષ્ટ્રપતિ ડોનાલ્ડ ટ્રમ્પ દ્વારા આ પદ માટે નામાંકિત કરવામાં આવ્યા હતા.

આ નિમણૂક સાથે, ભારતીય મૂળના તુલસી ગબાર્ડ હવે 18 US ગુપ્તચર એજન્સીઓના પ્રમુખ બન્યા છે, જે રાષ્ટ્રીય સુરક્ષા સંબંધિત બાબતો પર કામ કરશે.

ગબાર્ડની નિમણૂકમાં ટ્રમ્પ સમર્થકોની મહત્વની ભૂમિકા
ગબાર્ડના નામને ઈલોન મસ્ક સહિત ટ્રમ્પના સાથીઓ તરફથી સમર્થન મળ્યું હતું. સેનેટમાં, 52માંથી 48 મત ગબાર્ડની તરફેણમાં પડ્યા હતા, જે સ્પષ્ટપણે રિપબ્લિકન્સનું સમર્થન દર્શાવે છે. ટ્રમ્પ વહિવટીતંત્ર માટે આ મતને સેનેટમાં તેમના ઉમેદવારોને મંજૂરી અપાવવામાં વધુ એક સફળતા માનવામાં આવી રહી છે.

2022માં ડેમોક્રેટિક પાર્ટી છોડી
તુલસી ગબાર્ડે 2022માં ડેમોક્રેટિક પાર્ટી છોડી દીધી અને અપક્ષ ઉમેદવાર તરીકે ચૂંટણી લડી હતી. તેમને ટ્રમ્પના સંભવિત ઉપરાષ્ટ્રપતિ પદના ઉમેદવાર તરીકે પણ જોવામાં આવ્યા હતા. તે હવે અમેરિકાના ટોપના ગુપ્તચર અધિકારી બની ગયા છે અને એવરિલ હેન્સની જગ્યા લેશે. મને વિશ્વાસ છે કે તેમના નેતૃત્વથી તુલસી ગુપ્તચર સમુદાયને સશક્ત બનાવશે, બંધારણીય અધિકારોનું રક્ષણ કરશે અને તાકાત દ્વારા શાંતિને પ્રોત્સાહન આપશે.

અનુભવનો અભાવ
ગબાર્ડને ગુપ્તચર એજન્સીઓમાં સીધો કામ કરવાનો અનુભવ નથી, જો કે, તેમણે 2004-2005 માં ઇરાકમાં હવાઈ નેશનલ ગાર્ડમાં મેજર તરીકે સેવા આપી હતી અને હવે તે યુ. એસ. આર્મી રિઝર્વમાં લેફ્ટનન્ટ કર્નલ છે. 2020 માં, તેમણે ડેમોક્રેટિક રાષ્ટ્રપ્રમુખની ઉમેદવારીની રજૂઆત કરી હતી, પરંતુ જો બાઈડેન જીત્યા પછી તેમને સમર્થન આપ્યું હતું. ડેમોક્રેટિક પાર્ટી છોડ્યા પછી, ગબાર્ડ બાઈડેન વહિવટીતંત્રની આલોચકૉ બની અને ટીવી અને રેડિયો શો પર નિયમિતપણે દેખાતી હતી.