અમેરિકાના રાષ્ટ્રપતિ ડોનાલ્ડ ટ્રમ્પ અને યુક્રેનિયન રાષ્ટ્રપતિ ઝેલેન્સ્કી મહિનાઓ પહેલા વ્હાઇટ હાઉસમાં જાહેરમાં તૂ-તડાક પર આવી ગયા હતાં. જે બાદ પહેલી વખત વેટિકન સિટીમાં બીજી વખત સામસામે મળ્યા. વેટિકન ખાતે યોજાયેલી આ મુલાકાત આદરપૂર્ણ માહોલમાં જોવા મળી, જેમાં બંને નેતાઓએ ગંભીર ચર્ચાઓ દરમિયાન શારીરિક અંતર જાળવી રાખ્યું.
સૂત્રો સૂચવે છે કે બંને નેતાઓએ ચાલુ રશિયા-યુક્રેન યુદ્ધ, શાંતિ પુનઃસ્થાપિત કરવાના વૈશ્વિક રાજદ્વારી પ્રયાસો અને આંતરરાષ્ટ્રીય સહયોગ માટે ભવિષ્યની વ્યૂહરચના પર ખૂબ ધ્યાન કેન્દ્રિત કર્યું. અગાઉના તણાવ છતાં, આ બેઠક સામાન્ય રહી જે બન્ને રાષ્ટ્રપ્રમુખો વચ્ચે સુલેહની ભાવના દર્શાવે છે.
નિરીક્ષકોએ આ વાતચીતને ભૂતકાળના મતભેદોને કારણે તંગ બનેલા રાજદ્વારી સંબંધોને સુધારવા તરફ એક મહત્વપૂર્ણ પગલું ગણાવ્યું. વેટિકન સિટી તટસ્થ ધાર્મિક સ્થળ છે
ટ્રમ્પ અને ઝેલેન્સ્કી બંનેએ કોઈપણ તાત્કાલિક જાહેર નિવેદનો આપવાનું ટાળ્યું, જે સૂચવે છે કે આગળની વાતચીત અને વાટાઘાટો હજી બાકી હોય, અથવા તો જાહેરાતો ખુબ જ ચીવટપૂર્વક કરવામાં આવે
