Kis Kisko Pyaar Karoon 2 Trailer: કોમેડી કિંગ કપિલ શર્મા ફરી એકવાર મોટા પડદે આવી રહ્યા છે અને આ વખતે તેમની પાસે એક નહીં, બે નહીં, પણ ચાર પત્નીઓ છે! 2015ની સુપરહિટ ફિલ્મ “Kis Kisko Pyaar Karoon ”ની સિક્વલ “Kis Kisko Pyaar Karoon 2”નું ટ્રેલર આજે ધૂમધામથી રિલીઝ થયું છે અને સોશિયલ મીડિયા પર તો તે વાયરલ થઈ રહ્યું છે.
ટ્રેલરમાં શું છે ખાસ?
કપિલ શર્મા ગેરસમજના ચક્કરમાં એક પછી એક ત્રણ લગ્ન કરી બેસે છે, અને પછી ચોથી પત્નીનો પ્રપોઝ પણ આવે છે! ત્રણેય પત્નીઓના પરિવાર તેને પોતાનો જમાઈ માનીને ઝપટે છે, અને કપિલનું જીવન તો કોમેડીનું રણક્ષેત્ર બની જાય છે. ટ્રેલરના અંતમાં એક પોલીસ ઓફિસર કપિલને કહે છે, “અમે એવા વ્યક્તિની શોધમાં છીએ જેણે ત્રણ વખત લગ્ન કર્યા છે અને હવે ચોથું કરવા માંગે છે!” – બસ, હાસ્યનો ધમાકો!
કપિલે પોતે ઇન્સ્ટાગ્રામ પર ટ્રેલર શેર કરતાં મજેદાર કેપ્શન લખ્યું:
“ચાર પત્નીઓ. ઘરે આનો પ્રયાસ ન કરો. આ સ્ટંટ અમારા નિષ્ણાત દ્વારા કરવામાં આવ્યો હતો #KisKiskoPyaarKaroon2 in cinemas on 12th December 2025.”
ફિલ્મ ક્યારે આવશે?
આ કોમેડી ધમાકો 12 ડિસેમ્બર 2025ના રોજ સિનેમાઘરોમાં રિલીઝ થશે. ફેન્સનો જબરદસ્ત રિસ્પોન્સટ્રેલર રિલીઝ થતાંની સાથે જ કોમેન્ટ્સનો દરિયો ઊભરાઈ ગયો:“અસરાની સર ફાઇનલી પાછા આવ્યા!”
“આ ટ્રેલર જ એટલો મજેદાર છે કે ફિલ્મની રાહ નથી રહેવાતી!”
“કપિલ શર્મા + ચાર પત્નીઓ = થિયેટરમાં પેટ પકડીને હસવાનું!”
ટ્રેલર લૉન્ચ ઇવેન્ટમાં કપિલ શર્મા સહિત ફિલ્મની આખી સ્ટાર કાસ્ટ હાજર રહી અને મીડિયા સામે પણ ખૂબ મજા કરી. તો તૈયાર થઈ જાઓ, આ ડિસેમ્બરે કપિલ શર્મા ફરી એકવાર “કિસ કિસકો પ્યાર કરું 2”થી થિયેટર્સ હસાવવા આવી રહ્યા છે!
