ભારતીય બજારમાં એકથી એક જોરદાર આકર્ષક અને આરામદાયક કાર ઉપ્લબ્ધ છે. હવે તેમાં બજેટથી લઈને સુવિધાઓ અને સેફ્ટીની ઘણી વસ્તુઓ શામેલ છે. જેમાં TOYOTA INNOVA ક્રિસ્ટા ભારતીય બજારમાં સૌથી લોકપ્રિય એમપીવી પૈકીની એક છે. તે તેના કમ્ફર્ટ અને લક્ઝરી માટે જાણીતી છે. આ ઉપરાંત, કાર સુવિધાઓ અને માઇલેજની દ્રષ્ટિએ પણ ખુબ જ આકર્ષક છે.
TOYOTA INNOVA ક્રિસ્ટાની કિંમત
જો તમે આ કાર ખરીદવાનું વિચારી રહ્યા છો, તો અમે તમારા માટે લોન અને EMI અંગે સંપૂર્ણ માહિતી લાવ્યા છીએ. આ સાથે તમને એ પણ ખબર પડશે કે તમારે આ કાર કેટલી સેલેરીમાં ખરીદવી જોઈએ.
TOYOTA INNOVA ક્રિસ્ટાની એક્સ શોરૂમ કિંમત દિલ્લીમાં 19.99 લાખ રૂપિયાથી શરૂ થાય છે અને 26.55 લાખ રૂપિયા સુધી જાય છે. નવી દિલ્લીમાં બેઝ વેરિએન્ટની ઓન-રોડ કિંમત લગભગ 23.75 લાખ રૂપિયા છે.
દર મહિને કેટલી EMI?
દિલ્લીમાં જો તમે TOYOTA INNOVA ક્રિસ્ટાનું બેઝ વેરિઅન્ટ 4 લાખ રૂપિયાની ડાઉન પેમેન્ટ પર ખરીદો છો, તો તમને બેંકમાંથી લગભગ 19 લાખ 75 હજાર રૂપિયાની લોન મળશે. જો તમે 5 વર્ષ માટે આ લોન લઈ રહ્યા છો, તો તમારે તેને 5 વર્ષ માટે 9.8 ટકાના વ્યાજ દરે ચૂકવવી પડશે. આ રીતે તમારે દર મહિને 42 હજાર રૂપિયાનો હપ્તો ચૂકવવો પડશે.
(વ્યાજ દર તમારા ક્રેડિટ સ્કોર પર નક્કી થાય છે)
જો તમે TOYOTA INNOVA ક્રિસ્ટા ખરીદવાનું વિચારી રહ્યા છો, તો આ કાર ત્યારે જ ખરીદવાની સલાહ આપવામાં આવે છે જ્યારે તમારો પગાર 1 લાખ રૂપિયાથી વધુ હોય.
TOYOTA INNOVA ક્રિસ્ટાના ફીચર્સ
આ કારના LED હેડલેમ્પ્સ કારને શાનદાર લુક આપે છે. એન્ડ્રોઇડ ઓટો અને એપલ કારપ્લે કનેક્ટિવિટી સાથે 20.32 સેન્ટિમીટર ડિસ્પ્લે છે. આ સાથે, તમે સરળતાથી તમારા મોબાઇલ ફોનને કાર સાથે જોડી શકો છો.
સલામતી સુવિધાઓમાં એન્ટિ-લોક બ્રેકિંગ સિસ્ટમ, વ્હિકલ સ્ટેબિલીટી અને હિલ-સ્ટાર્ટ આસિસ્ટનો સમાવેશ થાય છે. TOYOTA INNOVA ક્રિસ્ટાના જી અને જીએક્સ વેરિયન્ટ 3 એરબેગ સાથે આવે છે. VX અને ZX વેરિયન્ટમાં 7 એરબેગ આપવામાં આવી છે.
