વર્ષ 2025માં ક્રિકેટના મેદાન પર અનેક નવા રેકોર્ડ્સ સર્જાયા છે, પરંતુ મેદાનની બહાર ખેલાડીઓની કમાણીએ પણ નવી ઊંચાઈઓ સર કરી છે. ક્રિકેટની વધતી જતી લોકપ્રિયતા અને બ્રાન્ડ એન્ડોર્સમેન્ટ્સના કારણે ખેલાડીઓની સંપત્તિમાં તોતિંગ વધારો થયો છે. વર્ષ 2025ના અંતે દુનિયાના સૌથી વધુ કમાણી કરનારા 7 ક્રિકેટરોની યાદી જાહેર કરવામાં આવી છે, જેમાં ભારતીય ખેલાડીઓનો દબદબો જોવા મળે છે.
સૌથી વધુ કમાણી કરનારા ક્રિકેટરોની યાદી
1. Virat Kohli (વિરાટ કોહલી): મીડિયા રિપોર્ટ્સ અનુસાર, વિરાટ કોહલી આ વર્ષે પણ કમાણીની બાબતમાં મોખરે રહ્યો છે. તેની અંદાજિત કમાણી ₹250 થી ₹300 કરોડની વચ્ચે રહી છે. તેની આવકના મુખ્ય સ્ત્રોતોમાં IPL કોન્ટ્રાક્ટ (₹21 કરોડ), BCCI સેન્ટ્રલ કોન્ટ્રાક્ટ (₹7 કરોડ) અને મસમોટી બ્રાન્ડ એન્ડોર્સમેન્ટ્સનો સમાવેશ થાય છે.
2. Rohit Sharma (રોહિત શર્મા): ભારતીય ટીમના પૂર્વ કેપ્ટન રોહિત શર્મા બીજા સ્થાને છે. આ વર્ષે તેની કુલ કમાણી ₹150 થી ₹180 કરોડની આસપાસ રહી છે. IPL અને BCCI ના કોન્ટ્રાક્ટ દ્વારા જ તેણે ₹23.30 કરોડની કમાણી કરી છે, જ્યારે બાકીની આવક બ્રાન્ડ પ્રમોશન દ્વારા થઈ છે.
3. Rishabh Pant (ઋષભ પંત): વિકેટકીપર બેટ્સમેન ઋષભ પંતની બ્રાન્ડ વેલ્યુમાં છેલ્લા કેટલાક વર્ષોમાં જબરદસ્ત ઉછાળો આવ્યો છે. વર્ષ 2025માં તેણે આશરે ₹100 થી ₹120 કરોડની કમાણી કરી છે.
4. Jasprit Bumrah (જસપ્રીત બુમરાહ): વિશ્વના શ્રેષ્ઠ બોલરોમાંના એક બુમરાહની આવકના મુખ્ય સ્ત્રોત પણ IPL, BCCI અને વિવિધ બ્રાન્ડ્સ છે. આ વર્ષે તેણે અંદાજે ₹90 થી ₹110 કરોડની આવક મેળવી છે.
5. Hardik Pandya (હાર્દિક પંડ્યા): પોતાની લક્ઝરી લાઈફસ્ટાઈલ અને ફેશન સેન્સ માટે જાણીતા હાર્દિક પંડ્યાએ આ વર્ષે ₹80 થી ₹100 કરોડની કમાણી કરી છે. મોંઘી ઘડિયાળો અને લાઈમલાઈટમાં રહેતા હાર્દિકની બ્રાન્ડ વેલ્યુ સતત વધી રહી છે.
6. Shreyas Iyer (શ્રેયસ અય્યર): ટીમ ઈન્ડિયામાં શ્રેયસ અય્યરનું વધતું કદ તેની કમાણીમાં પણ પ્રતિબિંબિત થાય છે. વનડે ટીમના વાઈસ કેપ્ટન અય્યરે વર્ષ 2025માં અંદાજે ₹70 થી ₹85 કરોડની કમાણી કરી છે.
7. Pat Cummins (પેટ કમિન્સ): ઓસ્ટ્રેલિયન કેપ્ટન પેટ કમિન્સ આ યાદીમાં સાતમા સ્થાને છે. તેણે આ વર્ષે ₹60 થી ₹75 કરોડની કમાણી કરી છે. તેની આ આવકમાં ₹18 કરોડ જેટલી રકમ તો સનરાઈઝર્સ હૈદરાબાદ સાથેના IPL કોન્ટ્રાક્ટમાંથી જ આવી છે.
ક્રિકેટ માત્ર રમત જ નહીં પરંતુ એક વિશાળ બિઝનેસ મોડલ પણ બની ગયું છે, જેમાં ભારતીય ક્રિકેટરો વૈશ્વિક સ્તરે સૌથી વધુ કમાણી કરનારા એથ્લેટ્સમાં સ્થાન મેળવી રહ્યા છે.
