ભારતીય ઓટોમોબાઈલ માર્કેટમાં હાલમાં મિડ સાઈઝ SUV વાહનોનો ક્રેઝ સતત વધી રહ્યો છે. આકર્ષક ડિઝાઈન, ઉંચું ગ્રાઉન્ડ ક્લીયરન્સ અને આધુનિક સુરક્ષા ફીચર્સના કારણે પરિવારો હવે સેડાનના બદલે SUV ખરીદવાનું વધુ પસંદ કરી રહ્યા છે. જો તમે પણ તમારા પરિવાર માટે 15 લાખ સુધીના બજેટમાં એક શ્રેષ્ઠ ગાડી શોધી રહ્યા છો, તો બજારમાં એવા ઘણા વિકલ્પો ઉપલબ્ધ છે જે 28 kmpl સુધીની માઈલેજ અને 6 Airbags જેવી સુવિધાઓ આપે છે.
Hyundai Creta: ફીચર્સનો ખજાનો
આ સેગમેન્ટમાં Hyundai Creta લાંબા સમયથી પ્રભુત્વ ધરાવે છે. આ ગાડીની શરૂઆતની કિંમત અંદાજે 10.80 લાખ રૂપિયા છે. તેમાં ગ્રાહકોને પેટ્રોલ અને ડીઝલ એમ બંને એન્જિનના વિકલ્પ મળે છે. તેનું ડીઝલ વેરિઅન્ટ 19 kmpl સુધીની માઈલેજ આપવામાં સક્ષમ છે. સુરક્ષા અને સુવિધા માટે તેમાં Panoramic Sunroof અને Level-2 ADAS જેવી ટેકનોલોજી આપવામાં આવી છે.
Kia Seltos: સ્ટાઈલિશ લુક અને પ્રીમિયમ અનુભવ
જે લોકોને આધુનિક લુક અને લેટેસ્ટ ગેજેટ્સ પસંદ છે તેમના માટે Kia Seltos એક ઉત્તમ વિકલ્પ છે. 11 લાખની શરૂઆતની કિંમત ધરાવતી આ SUVમાં 360-degree Camera અને વેન્ટિલેટેડ સીટ્સ જેવી સુવિધાઓ મળે છે. આ ગાડી માઈલેજ અને પરફોર્મન્સનું યોગ્ય સંતુલન જાળવી રાખે છે.
Maruti Grand Vitara: માઈલેજની રાણી
જો તમારો મુખ્ય ઉદ્દેશ્ય વધુ માઈલેજ મેળવવાનો હોય તો Maruti Grand Vitara થી શ્રેષ્ઠ બીજું કંઈ હોઈ શકે નહીં. તેના સ્ટ્રોન્ગ હાઈબ્રિડ મોડલમાં 28 kmpl જેવી શાનદાર માઈલેજ મળે છે. 10.80 લાખની શરૂઆતની કિંમત ધરાવતી આ ગાડીમાં CNG ઓપ્શન પણ ઉપલબ્ધ છે, જે તેને મધ્યમ વર્ગના પરિવારો માટે ખૂબ જ કરકસરયુક્ત બનાવે છે.
Mahindra XUV 7XO અને Tata Sierra: સુરક્ષાની ગેરંટી
પાવરફુલ એન્જિન અને મજબૂત બોડી માટે Mahindra XUV 7XO જાણીતી છે. જેને 5-star Safety Rating પ્રાપ્ત થયેલ છે. આ ગાડી મોટા પરિવારો માટે 6 અને 7 સીટરના વિકલ્પમાં પણ આવે છે. બીજી તરફ Tata Sierra પોતાની બિલ્ડ ક્વોલિટી અને ઓછા મેન્ટેનન્સ ખર્ચ માટે લોકપ્રિય છે. ટાટાની આ ગાડીમાં પણ સનરૂફ અને એડવાન્સ સેફ્ટી ફીચર્સ જોવા મળે છે જે મુસાફરીને સુરક્ષિત અને આરામદાયક બનાવે છે.
