દાંતની સમસ્યાઓ માટે ઘરેલું નુસ્ખા: આજની ભાગદોડભરી જિંદગી અને બદલાતી ખાણી-પીણીની આદતોની સૌથી માઠી અસર આપણા સ્વાસ્થ્ય અને ખાસ કરીને દાંત પર પડી રહી છે. જંક ફૂડનું વધુ પડતું સેવન, ઠંડા પીણાં, ચા-કોફી અને ગળ્યા પદાર્થો ખાધા પછી યોગ્ય સફાઈના અભાવે દાંતમાં કેવિટી (પોલાણ) થવી હવે સામાન્ય વાત બની ગઈ છે. શરૂઆતમાં નાની દેખાતી આ સમસ્યા ધીમે-ધીમે ગંભીર સડામાં ફેરવાય છે અને અસહ્ય દુખાવાનું કારણ બને છે. જો સમયસર ધ્યાન ન આપવામાં આવે તો દાંત કઢાવવાની અથવા મોંઘી ડેન્ટલ ટ્રીટમેન્ટ કરાવવાની નોબત આવે છે. પરંતુ શું તમે જાણો છો કે તમારા રસોડામાં જ એવી કેટલીક અદભૂત વસ્તુઓ છુપાયેલી છે જે દાંતના સડાને રોકવામાં અને કેવિટીમાં રાહત આપવામાં જાદુઈ અસર કરી શકે છે? આયુર્વેદ અને આધુનિક વિજ્ઞાન પણ સ્વીકારે છે કે અમુક કુદરતી તત્વો બેક્ટેરિયાનો નાશ કરવામાં સક્ષમ છે. ચાલો જાણીએ દાંતના સ્વાસ્થ્યને જાળવી રાખવા માટેના 5 શ્રેષ્ઠ ઘરેલું ઉપાયો.
1. મીઠાવાળા ગરમ પાણીના કોગળા (Salt Water Rinse)
હેલ્થ એક્સપર્ટ્સના મતે, દાંત અને પેઢાની સમસ્યામાં મીઠું સૌથી અસરકારક કુદરતી એન્ટીસેપ્ટિક છે.
કેવી રીતે કરવો ઉપયોગ: એક ગ્લાસ નવશેકા પાણીમાં અડધી ચમચી મીઠું ભેળવી દિવસમાં 2 થી 3 વાર કોગળા કરો.
ફાયદા: તે મોઢામાં રહેલા હાનિકારક બેક્ટેરિયાનો નાશ કરે છે, પેઢાનો સોજો ઉતારે છે અને કેવિટીને આગળ વધતી અટકાવે છે.
2. ઓઈલ પુલિંગ (Oil Pulling): પ્રાચીન આયુર્વેદિક પદ્ધતિ
'હેલ્થલાઈન' જેવા પ્રમાણિત રિપોર્ટ્સ મુજબ, ઓઈલ પુલિંગ દાંતના સડા સામે લડવાની શ્રેષ્ઠ રીત છે.
કેવી રીતે કરવો ઉપયોગ: સવારે ખાલી પેટે એક ચમચી શુદ્ધ નારિયેળ તેલ અથવા તલનું તેલ મોઢામાં ભરો. તેને 10-15 મિનિટ સુધી મોઢામાં ફેરવો અને પછી થૂંકી દો.
ફાયદા: આ પ્રક્રિયા મોઢામાંથી પ્લેક (પીળાશ) અને ઝેરી તત્વોને ખેંચી લે છે, જેનાથી દાંત કુદરતી રીતે સફેદ અને મજબૂત બને છે.
3. લવિંગ: કુદરતી પેઈનકિલર (Clove Treatment)
લવિંગમાં રહેલું 'યુજેનોલ' તત્વ દાંતના દુખાવા માટે રામબાણ ઈલાજ માનવામાં આવે છે.
કેવી રીતે કરવો ઉપયોગ: સડો થયો હોય તે દાંત પર આખું લવિંગ દબાવી રાખો અથવા લવિંગના તેલનું એક ટીપું રૂના પૂમડામાં લગાવીને અસરગ્રસ્ત જગ્યાએ મૂકો.
ફાયદા: તે એન્ટીસેપ્ટિક તરીકે કામ કરી ઇન્ફેક્શન ઘટાડે છે અને દુખાવામાં ત્વરિત રાહત આપે છે.
4. હળદર અને સરસિયાના તેલનું મિશ્રણ
હળદર એન્ટી-ઈન્ફ્લેમેટરી ગુણોથી ભરપૂર છે, જે પેઢાના રોગો અને સડા સામે રક્ષણ આપે છે.
કેવી રીતે કરવો ઉપયોગ: એક ચપટી હળદરમાં બે-ત્રણ ટીપાં સરસિયું તેલ ઉમેરી તેની પેસ્ટ બનાવો. આ પેસ્ટથી દાંત અને પેઢા પર હળવું મસાજ કરો.
ફાયદા: આ પ્રયોગથી પેઢામાંથી લોહી નીકળવાની સમસ્યા બંધ થાય છે અને દાંતમાં રહેલું ઇન્ફેક્શન ઓછું થાય છે.
5. લસણનો પ્રયોગ (Garlic for Tooth Decay)
લસણમાં 'એલિસિન' નામનું તત્વ હોય છે, જે ખૂબ જ શક્તિશાળી એન્ટી-બેક્ટેરિયલ એજન્ટ છે.
કેવી રીતે કરવો ઉપયોગ: લસણની એક કળીને પીસીને તેમાં થોડું મીઠું મેળવી સડો ધરાવતા દાંત પર લગાવો.
ફાયદા: લસણ દાંતના મૂળમાં રહેલા બેક્ટેરિયાને ખતમ કરી નાખે છે. જોકે, તેનાથી થોડી સેકન્ડ બળતરા થઈ શકે છે, જે સામાન્ય છે.
