Mamata Banerjee removed as TMC president: તૃણમૂલ કોંગ્રેસ (TMC) ની અંદર ચાલી રહેલા આંતરિક કલહ વચ્ચે એક મોટો ઘટનાક્રમ સામે આવ્યો છે. મમતા બેનર્જીને હટાવીને અરૂપ રોયને નવા અધ્યક્ષ બનાવી દેવામાં આવ્યા છે. પાર્ટીના નારાજ જૂથે સાંસદ અભિષેક બેનર્જી સામે કડક પગલું ભરતા તેમને સસ્પેન્ડ (નિલંબિત) કરવાનો દાવો કર્યો છે. કોલકાતામાં આયોજિત એક વિશેષ અધિવેશનમાં ઋતબ્રત બેનર્જીના નેતૃત્વવાળા જૂથે પૂર્વ મંત્રી અરૂપ રોયને પાર્ટીના નવા ચેરમેન નિયુક્ત કરવાની જાહેરાત કરી છે. આ જ બેઠકમાં પસાર કરાયેલા એક પ્રસ્તાવ દ્વારા અભિષેક બેનર્જીને પાર્ટીમાંથી સસ્પેન્ડ કરવાનો નિર્ણય પણ લેવામાં આવ્યો છે. આ ઘટનાક્રમ પશ્ચિમ બંગાળના રાજકારણમાં નવો ગરમાવો લાવી શકે છે. જોકે, આ નિર્ણય અંગે તૃણમૂલ કોંગ્રેસના સત્તાવાર નેતૃત્વ તરફથી તાત્કાલિક કોઈ પ્રતિક્રિયા સામે આવી નથી.
તૃણમૂલ કોંગ્રેસ (TMC) માં ચાલી રહેલા રાજકીય ઘમાસણ વચ્ચે બળવાખોર જૂથે સંગઠનાત્મક સ્તરે મોટું પગલું ભર્યું છે. પાર્ટીના બળવાખોર ધારાસભ્યોએ બેઠક યોજીને મમતા બેનર્જીને પાર્ટીના અધ્યક્ષ પદેથી હટાવી દીધા છે. સાથે જ પાર્ટીના મહાસચિવ અભિષેક બેનર્જી સામે કાર્યવાહી કરવા માટે પ્રસ્તાવ પસાર કર્યો છે. કોલકાતામાં આયોજિત એક વિશેષ બેઠકમાં પાર્ટીના અસંતુષ્ટ નેતાઓએ નવી કારોબારીની રચનાની જાહેરાત કરતા પૂર્વ મંત્રી અરૂપ રોયને ઓલ ઈન્ડિયા ચેરમેન નિયુક્ત કર્યા છે. ઋતબ્રત બેનર્જીના નેતૃત્વમાં યોજાયેલી આ બેઠકમાં ૨૦ સભ્યોની વર્કિંગ કમિટીની રચના કરવાની પણ જાહેરાત કરવામાં આવી હતી. સૂત્રોના જણાવ્યા અનુસાર, બેઠકમાં પાર્ટીના રાષ્ટ્રીય મહાસચિવ અભિષેક બેનર્જી સામે કાર્યવાહીનો પ્રસ્તાવ પણ મૂકવામાં આવ્યો હતો, જેના પર હાજર સભ્યોએ સહમતિ દર્શાવી હતી.
એવું કહેવામાં આવી રહ્યું છે કે બેઠક દરમિયાન પસાર કરાયેલા એક પ્રસ્તાવ દ્વારા અભિષેક બેનર્જીને સસ્પેન્ડ કરવાનો નિર્ણય લેવામાં આવ્યો હતો. આ પ્રસ્તાવ પર કથિત રીતે બેઠકમાં હાજર તમામ નેતાઓએ હસ્તાક્ષર કર્યા છે. બળવાખોર જૂતનો દાવો છે કે સંગઠનમાં લોકશાહી પ્રક્રિયાઓને મજબૂત કરવા અને નેતૃત્વમાં પરિવર્તનની માંગને લઈને આ પગલું ભરવામાં આવ્યું છે. આ ઘટનાક્રમે પશ્ચિમ બંગાળના રાજકારણમાં નવી હલચલ મચાવી દીધી છે. જોકે, તૃણમૂલ કોંગ્રેસના સત્તાવાર નેતૃત્વ તરફથી હજુ સુધી આ દાવા કે નિર્ણય પર કોઈ ઔપચારિક પ્રતિક્રિયા આવી નથી. રાજકીય વિશ્લેષકોનું માનવું છે કે જો આ વિવાદ વધુ ઘેરો બનશે તો તેની અસર રાજ્યના રાજકારણ પર પણ પડી શકે છે.
ફરી બાંગ્લાદેશમાં 6 કલાક પછી શું થવાનું છે? : અનિચ્છનીય ઘટનાની આશંકાથી દેશભરમાં હાઈ એલર્ટ
મમતા બેનર્જીને અધ્યક્ષ પદેથી કેવી રીતે હટાવાયા?
તૃણમૂલ કોંગ્રેસ (TMC) ના બળવાખોર જૂથે સોમવારે કોલકાતાના ન્યૂટાઉન સ્થિત એક ફાઈવ સ્ટાર હોટલમાં આયોજિત બેઠકમાં પાર્ટી નેતૃત્વ વિરૂદ્ધ કેટલાક મોટા નિર્ણયો લીધા હતા. વિધાનસભામાં બજેટ રજૂ થયા બાદ તરત જ રીતાબ્રત બેનર્જી, ફિરહાદ હકીમ, અરૂપ રોય, જાવેદ ખાન અને રથિન ઘોષ સહિતના કેટલાક નેતાઓ આ બેઠકમાં સામેલ થયા હતા.
બેઠકમાં હાજર નેતાઓએ દાવો કર્યો હતો કે પાર્ટીની પરંપરાનું પાલન કરીને નવી રાષ્ટ્રીય કારોબારી (નેશનલ વર્કિંગ કમિટી) ની રચના કરવામાં આવી છે. લાંબા સમયથી પોતાને અસલી તૃણમૂલ ગણાવતા રીતાબ્રત બેનર્જીના નેતૃત્વમાં યોજાયેલી આ બેઠકમાં પૂર્વ મંત્રી અને ધારાસભ્ય અરૂપ રોયને ઓલ ઈન્ડિયા ચેરમેનની જવાબદારી સોંપવામાં આવી હતી. આ સિવાય ફિરહાદ હકીમ સહિત ૧૨ નેતાઓને નવી નેશનલ વર્કિંગ કમિટીમાં સામેલ કરવામાં આવ્યા હતા.
બળવાખોર જૂતનો દાવો છે કે આ પુનર્ગઠન સાથે જ મમતા બેનર્જીને પાર્ટીના અધ્યક્ષ પદેથી હટાવવાનો નિર્ણય લેવાયો છે. તો બીજી તરફ, પાર્ટી મહાસચિવ અભિષેક બેનર્જી સામે પણ કાર્યવાહીનો પ્રસ્તાવ પસાર કરવામાં આવ્યો છે. સૂત્રોના જણાવ્યા અનુસાર, બેઠકમાં હાજર તમામ નેતાઓએ અભિષેક બેનર્જીને સસ્પેન્ડ કરવા સંબંધિત પ્રસ્તાવ પર હસ્તાક્ષર કર્યા હતા. બળવાખોર ખેમાનું કહેવું છે કે સંગઠનમાં વ્યાપક ફેરફાર અને નવા નેતૃત્વની સ્થાપનાના ઉદ્દેશ્યથી આ પગલું ભરવામાં આવ્યું છે.
જોકે, આ દાવાઓ અને નિર્ણયો અંગે તૃણમૂલ કોંગ્રેસના સત્તાવાર નેતૃત્વ તરફથી હજુ સુધી કોઈ પ્રતિક્રિયા સામે આવી નથી. આવી સ્થિતિમાં પશ્ચિમ બંગાળના રાજકારણમાં આ ઘટનાક્રમને લઈને ચર્ચાઓનો દોર તેજ થઈ ગયો છે.
