India Updated Squad For New Zealand T20I: BCCIએ ન્યૂઝીલેન્ડ સામેની આગામી પાંચ મેચની T20 સિરીઝ માટે ભારતીય ટીમમાં ઇન્જરીને લઈને મહત્વના ફેરફારો કર્યા છે. ODI ટીમના વાઇસ કેપ્ટન શ્રેયસ અય્યર અને રવિ બિશ્નોઈને ટીમમાં સામેલ કરવામાં આવ્યા છે, જ્યારે તિલક વર્મા અને વોશિંગ્ટન સુંદર ઈજાને કારણે બહાર થયા છે. આ સિરીઝ 21 જાન્યુઆરીથી 31 જાન્યુઆરી સુધી રમાશે અને તે 2026 T20 વર્લ્ડ કપ પહેલાની છેલ્લી મોટી બાયલેટરલ સિરીઝ છે. શ્રેયસ અય્યરને પ્રથમ ત્રણ T20 મેચ માટે તિલક વર્માના રિપ્લેસમેન્ટ તરીકે લેવામાં આવ્યા છે, જ્યારે રવિ બિશ્નોઈએ સમગ્ર સિરીઝ માટે વોશિંગ્ટન સુંદરની જગ્યા લીધી છે.
ઇન્જરીને કારણે વધી ચિંતા
વોશિંગ્ટન સુંદર ODI સિરીઝ દરમિયાન પ્રથમ મેચમાં બોલિંગ કરતી વખતે નીચલા પાંસળીના વિસ્તારમાં તીવ્ર દુખાવો અનુભવ્યો હતો. સ્કેનમાં સાઇડ સ્ટ્રેઈનનું નિદાન થયું છે, જેના કારણે તેઓ સમગ્ર T20 સિરીઝમાંથી બહાર થયા છે. તેમને થોડા દિવસ આરામ કર્યા બાદ BCCI ના સેન્ટર ઓફ એક્સલન્સમાં રિહેબિલિટેશન માટે જવાની સલાહ આપવામાં આવી છે. તિલક વર્મા પણ એબ્ડોમિનલ ઈશ્યુને કારણે સર્જરી કરાવી છે અને પ્રથમ ત્રણ મેચમાં રમી શકશે નહીં. તેમની પુનઃપ્રાપ્તિ પર નજર રાખવામાં આવશે અને છેલ્લી બે મેચમાં તેઓ વાપસી કરી શકે છે.
અપડેટેડ ભારતીય T20 સ્ક્વોડ
સૂર્યકુમાર યાદવ (કેપ્ટન), અભિષેક શર્મા, સંજુ સેમસન (વિકેટકીપર), શ્રેયસ અય્યર (પ્રથમ ત્રણ T20), હાર્દિક પંડ્યા, શિવમ દુબે, અક્ષર પટેલ (ઉપ-કેપ્ટન), રિંકુ સિંહ, જસપ્રીત બુમરાહ, હર્ષિત રાણા, અર્શદીપ સિંહ, કુલદીપ યાદવ, વરુણ ચક્રવર્તી, ઈશાન કિશન (વિકેટકીપર), રવિ બિશ્નોઈ. આ ટીમમાં મિડલ ઓર્ડર અને સ્પિન વિભાગને મજબૂતી મળી છે.
શ્રેયસ અય્યરનું ધમાકેદાર કમબેક
શ્રેયસ અય્યર ડિસેમ્બર 2023 પછી પહેલી વખત T20 ટીમમાં કમબેક કરી રહ્યા છે. તેમણે છેલ્લી T20 મેચ ઓસ્ટ્રેલિયા સામે રમી હતી. IPL 2025માં તેમણે શાનદાર પર્ફોર્મ કર્યું હતું અને 604 રન બનાવ્યા હતા, જેમાં 175ના આક્રમક સ્ટ્રાઈક રેટ સાથે બેટિંગ કરી હતી. તેમની વાપસીથી ભારતના મિડલ ઓર્ડરને મજબૂત બનાવશે, ખાસ કરીને T20 વર્લ્ડ કપ પહેલાં.
રવિ બિશ્નોઈનું પુનરાગમન
રવિ બિશ્નોઈએ છેલ્લી T20 મેચ જાન્યુઆરી 2025માં ઈંગ્લેન્ડ સામે રમી હતી. તેઓ અત્યાર સુધીમાં 42 T20 મેચમાં 61 વિકેટ ઝડપી ચૂક્યા છે. તેમની લેગ સ્પિન ભારતના સ્પિન આક્રમણને વધુ વિવિધતા આપશે. આ ફેરફારો T20 વર્લ્ડ કપ 2026 માટે ટીમની તૈયારીને મજબૂત બનાવશે, જે ફેબ્રુઆરીમાં શરૂ થશે.આ બધા ફેરફારો ઇન્જરીને કારણે થયા છે, પરંતુ તે ભારતીય ટીમને નવી તાકાત આપશે. ફેન્સને આ સિરીઝમાં રોમાંચક ક્રિકેટ જોવા મળશે.
